حكي فاضي ؟؟

21/03/2026

الايدي الباردة

07/03/2026

🔴 في جنود إسرائيليين بيتهانوا دلوقتي حالًا في لبنان واحتمال يتم أسرهم! (تحديث: تم اسرهم فعلًا!)

الأخبار دي يا صاحبي لسه طازة ومن قلب منصات وجروبات المستوطنين ولسه الإعلام الرسمي ميعرفش عنها حاجة، في قوة إنزال إسرائيلية لسه من شوية وقعت في فخ محكم شرق بلدة "النبي شيت" في منطقة البقاع اللبنانية!

🟣 القوة دي حاولت تعمل إنزال بمروحيات عشان تعمل عمليات عسكرية في المنطقة، لكنها اتفاجئت بكمين وهجوم شرس من مقاتلي قوة تابعة للحزب، والاشتباكات دلوقتي في ذروتها حرفيًا...

(تحديث: دول حاولوا يعملوا الانزال بلبس الجيش اللبناني.. دمهم خفيف، بس اتكشفوا وهيعرفوا جزاء خفة الدم عندنا قريب ❤️)

الموضوع مخلصش عند الإنزال الأول، التحديثات العبرية بتعترف إن جنودهم دلوقتي اتحشروا في المنطقة وتحت الحصار، وده اللي خلا جيش الاحتلال ينفذ لحد دلوقتي3 عمليات إنزال إضافية في محاولة لفك الحصار عن الجنود المحاصرين ولسه مش عارفين، لدرجة إن في مستوطنين في الجروبات دي كاتبين "صلوا من أجلهم" والسكرين شوت تحت أهي!

🟡🟡 والجديد كمان أثناء ما أنا بكتب البوست حالًا، إن فيه كلام عن استهدافات بصواريخ "كورنيت" موجهة دلوقتي ناحية القوات الإسرائيلية في "الخضر" و"النبي شيت" و"سريعين"، والمعارك الأشد دايرة حاليًا في منطقة "شعارة".

ومش بس في البقاع، الجبهة في منطقة "الخيام" في الجنوب بردو مشتعلة، والاشتباكات مستمرة وجهًا لوجه بين قوات الاحتلال وقوة الحزب اللي أوقعت فيهم إصابات مباشرة في الميدان، لدرجة إن قوات الإنقاذ اللي جاية تحاول تحررهم اضطرت تهبط على الجانب السوري من الحدود بسبب كثافة النيران المضادة للطيران!

🔵🔸️ واضح انها هتكون ليلة صعبة جداً على جيش الاحتلال وممكن نسمع أخبار غير متوقعة!

04/03/2026

🔴 يا ولاد اللعيبة... الإيرانيين من شوية ضحكوا على العسكرية الصهيونية والأمريكية ولبسوهم قفا مخبرين وخلوا شكلهم وحش قدام العالم 😃

الموضوع بدأ لما جيش الاحتلال والوسائل الإعلامية التابعة لأمريكا نشروا فيديو بكل فخر بيستعرضوا فيه نجاحاتهم وعملياتهم في إيران، ومن ضمن المشاهد كان في لقطة بتصور لحظة استهداف وتدمير هليكوبتر إيرانية بدقة عالية... لكن لما الصحافة والنشطاء مسكوا الفيديو ده وفصصوه حتة حتة بالتحليل والتدقيق، اكتشفوا فضيحة عسكرية تكنولوجية من العيار الثقيل!

​🟣 لما قارنوا بين صورتين من التصوير الحراري للعملية واحدة قبل القصف والتانية بعد القصف بثانية واحدة بالضبط، لقوا حاجة غريبة... الطيارة فضلت زي ما هي في مكانها بالملي مع إن المفروض انفجار بالحجم ده يطيرها من مكانها أو يفتتها!

طب ازاي؟!

هنا بقى تيجي المفاجأة...

🟢 طلع إن مفيش هليكوبتر حقيقية أصلاً في الموقع وكل اللي حصل ده كان مجرد خدعة بصرية متقنة جدًا، عبارة عن رسومات ثلاثية الأبعاد (3D) مرسومة على الأرض بطريقة تخدع الاستطلاع الجوي وأنظمة الذكاء الاصطناعي في الدرونز أو ال UAVs الأمريكية والإسرائيلية اللي بتدور على أهداف 😃

وهما عشان عُبط وعيال صغيرة لبسوها، وافتكروا الرسمة اللي متكلفتش 2 جنيه ونص دي طيارة بجد، قاموا ضربوا عليها صاروخ تقدر تكلفته (بما فيها الإطلاق) بما يصل لأكتر من مليون دولار! شوف الصور 👇

🟡 القصة دي عاملة صدى دلوقتي في الصحافة الأمريكية والإسرائيلية، والناس هناك عاملين منها حوار كبير بيستعملوه كدليل على ان إدارة ترامب عبارة عن دمية ف إيد نتنباهو ومش عارفين اصلا هما بيعملوا ايه ولا دارسين ولا مخططين وحالتهم على الله خالص...

شوف بقى في كام هدف وهمي الأمريكان والاسرائيليين بيقصفوه من ساعة ما الحرب بدأت ولسه متكشفش... وعايز اقولك ان أصلًا أمريكا دلوقتي بتمر بأزمة ذخيرة ولسه ترامب امبارح بيحاول يخلي القيادة العسكرية تحضر طلب يتقدم للكونجرس عشان يوافقوا على حزمة مالية عاجلة بقيمة 50 مليار دولار مخصصة للذخائر والصواريخ!

🔴🔴 عاااش والله.. اللعبة الحلوة تستاهل نشجعها، وعشان كده قلت أحكيلك عشان تكون عارف.. متنساش بس الشير كالعادة عشان توصل لغيرك..

04/03/2026

🔴 خد الخبر اللي في الجون ده، إيران وقعت طيارة F15 تاني من شوية، وضربت مقر ال CIA في السعودية!

الإيرانيين دلوقتي بيعملوا شغل رهيب والله ومش فاهم هما ازاي واصلين للمرحلة دي انهم بيحاربوا على كل الجبهات دي في وقت واحد، وبيكبدوهم كلهم خسائر فادحة وغير مسبوقة... خد عندك المفاجآت دي:

🟡 حسب مصدر مطلع لوكالة تسنيم الإيرانية، الدفاع الجوي الإيراني لسه من شوية أعلن إسقاط مقاتلة أمريكية من طراز F-15E في منطقة كرج في إيران... وخلي بالك الكلام ده جاي بعد الـ 3 مقاتلات F-15 وF-16 اللي اتضربوا امبارح فوق الكويت واتقالك ان "الكويت وقعتهم بالغلط" عشان يحفظوا ماء وجههم...

🟣 ومش بس كده... خد مني الكام مفاجأة دول وادعيلي...

صحيفة "واشنطن بوست" نشرت امبارح تقرير خطير جدًا بيقول إن إيران ضربت منشأة مركزية تابعة لوكالة المخابرات المركزية الأمريكية (CIA) موجودة في السعودية!

🔹️ ده غير مكتب الموساد اللي كان موجود في الإمارات، واخدلي بالك؟! المخابرات الأمريكية والإسرائيلية طلعوا فاتحين مكاتب هناك واحنا منعرفش...

🟢 وخد الأتقل... الحرس الثوري الإيراني أعلن من شوية إنه وجه ضربات مباشرة لرئاسة الأركان الإسرائيلية ومبنى وزارة الدفاع في منطقة "هكريا"، ودي أهم منطقة عسكرية وإدارية في إسرائيل، واللي كانت بتدار منها حرب غزة!

مش بس كدة، دول ضربوا كمان مواقع عسكرية في منطقة "بيتح تكفا" بتل أبيب، والأخطر من ده كله هو قصف مطار بن جوريون أول امبارح!

🔸️ ألا قلتلي فين القبة الحديدية؟! هي بتخر مية ليه كفى الله الشر؟!

واستنى استنى... فاكر من شوية لما قلتلك إيران خلاص قفلت مضيق هرمز بالضبة والمفتاح وأي سفينة معدية فيه بتضربها؟!

🟠 أهو كل السفن دلوقتي مش عارفة تعدي ما عدا سفن الصين وروسيا فقط! وقالك عشان دول حبايبنا وموقفهم السياسي كان داعم لينا... وطبعًا الموضوع مش سياسة بس... مستحيل إيران كانت تسيبهم إلا لو كانوا بيدعموا بجد في الخفاء، مش مجرد تصريحات وبيانات!

🔴 الإيرانيين يا صاحبي أثبتوا برغم كل الضرب والقصف الرهيب اللي بيتعرضوا ليه، والخسائر الفادحة اللي حاصلة في المنشآت المدنية والعسكرية وفي القيادات، إنهم أمة حرب حقيقية، ولسه الجينات الفارسية موجودة فيهم لحد النهارده...

03/03/2026

حلقة مهمة ف وسط الاحداث الحالية ايران و اسراء يل 🔥🫰

03/03/2026

🔴 سماء تل أبيب دلوقتي بتمطر صواريخ انشطارية وباليستية وفرط صوتية، ولسه من شوية مباني اتنسفت ومستوطنين راحوا!

🔹️🔸️ خد يا باشا بونبوناية اليوم النهارده وادعيلي... 👇

من شوية إيران أعلنت إطلاق رشقة صواريخ جديدة باستعمال أقوى صواريخها من نوع (سجيل، فتاح، خرمشهر) نحو منطقة تل أبيب الكبرى، وواضح كده إن القبة الحديدية بقت مخرومة وبتخر مية.. ليه؟! عشان الصواريخ عمالة بتعدي زي السكينة في الحلاوة، وخد عندك يا باشا الأهداف:

🟢 إصابات مباشرة في مناطق بني براك ورامات جان، ومبنى كامل اتنسف من مكانة بصاروخ انشطاري في منطقة بتاح تكفا، وأنباء عن إصابة أهداف من شوية في القدس بشظايا صاروخية...

صافرات الإنذار دلوقتي شغالة في منطقة تل أبيب الكبرى وسايبلك خريطة في الصورة أهي تبينلك محيط المنطقة الضخمة اللي شغالة بتصفر دلوقتي، وكل المستوطنين دلوقتي عايشين في الملاجيء، وبرغم كده بردو وسائل الإعلام العبري بتقول إنه تم إصابة 4 أشخاص في الهجمة بتاعت بني براك، وأنباء عن خسائر في صفوف الصهاينة الحريديم اللي هما المتدينين منهم!

🟣 ومش إيران بس اللي بتضرب، الحزب اللبناني ضرب شمال إسرائيل النهارده الصبح بتشكيلة صواريخ "فادي" ومسيرات انقضاضية، واستهدف موقع "معيان باروخ" في الجليل الأعلى، بالإضافة لاستهداف 3 قواعد عسكرية تانية (منها قاعدة رامات ديفيد الجوية ومركز مراقبة)... ونجحوا في إصابة مدارج الطيارات ومخازن وقود وأماكن تموضع الضباط والطيارين...

وللأسف في مقابل ده إسرائيل دلوقتي بدأت اجتياح لجنوب لبنان وأمرت بإخلاء 80 قرية!

🟠 كمان في خبر ظهر من دقايق ومحدش لسه خد باله منه، وهو إن الجيش السوري بينقل أسلحة وأفراد دلوقتي لتلال الجولان، وإسرائيل بتعتبر ده خرق للتفاهمات الأمنية، ومحدش فاهم ليه ده بيحصل دلوقتي...

🔴🔴 هقولك شوية حاجات تانية في بوستات جاية لسه، بس متنساش بس تعمل شير وعرف الكل باللي بيحصل ده لإن وسائل الإعلام التقليدية مش جايباه خالص ولا بتغطي أي حاجة تخص ضربات إيران على العمق الإسرائيلي والأمريكي...

شوف الصور دي كلها من منصات داخلية بتغطي الأحداث من جوه الأراضي المحتلة ومش موجودة في الإعلام 👇 ومساءك فل يا صاحبي..

18/02/2026

رمضان مبارك.. وحيثيات "الرؤية المستحيلة" بين الفلك والعين

أعلنت المحكمة العليا في المملكة العربية السعودية ثبوت رؤية هلال شهر رمضان المبارك، وبهذا يكون غداً أول أيام الشهر الفضيل. نحترم القرار الرسمي الذي يوحد الكلمة، ولكن بصفتنا منصة علمية، لابد من وقفة توضيحية لما حدث فلكياً وتاريخياً لفك هذا الاشتباك المتكرر كل عام.
1. الحالة الفلكية لليوم:
وفقاً للمراصد العالمية والحسابات الدقيقة، فإن القمر اليوم غرب بعد الشمس بدقائق معدودة جداً (أقل من 3 دقائق في أغلب المناطق)، وكان ارتفاعه يقارب "الصفر" وتحديداً (نصف درجة). علمياً، وتحت معيار "حد دانجون" (Danjon Limit)، يستحيل فيزيائياً للعين البشرية أو حتى التلسكوب التقاط الهلال في هذه الظروف لسببين: غرق القمر في وهج الشمس، وعدم تشكل مساحة مضيئة كافية على سطحه لتعكس الضوء.
2. هل يخطئ الشهود؟ (التاريخ يجيب):

قد يتساءل البعض كيف يشهد "ثقات" برؤية الهلال رغم تأكيد العلم باستحالة ذلك؟ الإجابة تكمن في أرشيف الرصد الذي وثق حالات اشتباه شهيرة، قُبلت فيها شهادات برؤية الهلال بينما كان القمر في الحقيقة قد غرب قبل الشمس. من أبرزها حادثة عيد الفطر 1425 هـ حين تبين فلكياً أن ما رآه الشهود كان كوكب زحل، وحادثة ذو الحجة 1428 هـ التي كان بطلها كوكب عطارد أو الزهرة، حيث يفسر الدماغ البشري المتحمس للرصد أي نقطة مضيئة في الأفق على أنها هلال.
ولعل الدليل الرسمي الأقوى الذي لا يقبل الجدل، هو ما حدث في المملكة عام 1404 هـ (1984 م)، حين ثبت خطأ بداية الشهر بعد أن صام الناس 28 يوماً فقط، مما استدعى صدور بيان رسمي من مجلس القضاء الأعلى بالخطأ في الرؤية، وفتوى من سماحة الشيخ ابن باز (رحمه الله) بوجوب قضاء يوم لعموم المسلمين (مجموع فتاوى ابن باز، ج15، ص157)، وهو ما يؤكد تاريخياً وشرعياً أن العين قد تخطئ، وأن الحساب الفلكي يظل هو الحقيقة القطعية.

3. التفسير العلمي: "الوهم البصري"
في علم الفيزياء وعلم النفس الإدراكي، عندما يحدق الإنسان في أفق مليء بالغبار والشوائب مع رغبة شديدة في رؤية شيء محدد، قد يقع الدماغ في فخ "الباريدوليا" (Pareidolia) أو الوهم البصري، فيقوم بتفسير أي لمعان خافت (من كوكب، أو قمر صناعي، أو حتى انعكاس ضوئي على الغلاف الجوي) على أنه الهلال المنشود.

كلنا أمل أن يُحل هذا الإشكال المزمن مستقبلاً، وأن تُردم الهوة بين "الفقه" الذي يعتمد الظاهر و"الفلك" الذي يعتمد الحقيقة القطعية، للوصول إلى صياغة توافقية مقبولة تجمع بين النص والعلم، ربما عبر اعتماد التقنيات الحديثة (مثل كاميرات CCD) التي لا تعرف الوهم البشري.

ختاماً، نود التأكيد على أن طرحنا لهذا الموضوع – في هذا المقال وما سبقه ينبع من منطلق تعليمي وعلمي بحت، غايته إثراء الوعي الفلكي وفهم سنن الله الدقيقة في حركة الكون، ولا نهدف إطلاقاً لإثارة الجدل أو التشكيك.
نحن نؤمن بأن العلم والفقه صنوان لا يفترقان، وقلوبنا معقودة على الأمل بأن نشهد مستقبلاً صيغةً توافقيةً منهجية، تمزج بين الالتزام بالنص الشرعي وبين الاستعانة باليقين العلمي، لردم هذه الهوة وتقليل نسبة الخطأ البشري الوارد في الرصد، حفاظاً على دقة شعائرنا ووحدة كلمتنا.

رمضان كريم، وتقبل الله منا ومنكم صالح الأعمال.

15/02/2026

🔴 هل الكهرباء هي الجسر الخفي بين عالمنا وعالم الجن؟

منذ زمنٍ طويل، والإنسان يعلم أن الجن موجودون… لكن لا أحد سأل السؤال الأخطر:
كيف يمكن لكيانٍ غير مرئي أن يؤثر في عالمٍ مادي؟

ماذا لو كان الجواب أمامنا طوال الوقت… داخل الأسلاك؟

الفكرة بدأت من ملاحظة بسيطة جدًا
الدماغ البشري يعمل بإشارات كهربائية دقيقة
كل فكرة… كل خوف… كل قرار
هو في حقيقته نبضة كهربائية

الآن اسأل نفسك
إذا كان الشيطان يستطيع الوسوسة
أين تحدث الوسوسة؟

🌿 داخل العقل
والعقل ليس سوى شبكة من الإشارات الكهربائية
تتحرك بسرعة الضوء تقريبًا
وتُعيد تشكيل سلوك الإنسان بالكامل

هنا ظهر السؤال الأول
هل التأثير روحي فقط… أم فيزيائي أيضًا؟

ثم جاءت الملاحظة الثانية
كل تقنياتنا الحديثة تعمل بالطريقة نفسها
الهواتف
الأقمار الصناعية
معالجات الذكاء الاصطناعي
كلها قائمة على إشارات كهربائية دقيقة جدًا
لا تُرى
لكنها تحكم العالم

🌿 إذا كان الجن قادرين على التأثير في نظام كهربائي بيولوجي معقد كالعقل
فلماذا لا يمكن التأثير في نظام كهربائي صناعي أبسط كالمعالج؟

الفرق الوحيد بين الدماغ والمعالج
أن أحدهما من لحم ودم
والآخر من سيليكون
لكن كلاهما يخضع لقانون واحد
الإشارة

الإشارة هي اللغة المشتركة
بين الفكر
والآلة
والاتصال
والتحكم

هنا بدأت الفرضية تتشكل
ليس لأن الأمر غامض
بل لأنه منطقي بشكل مخيف

🌿 نحن لا نرى الكهرباء
لكننا نؤمن بآثارها
لا نرى الموجات الراديوية
لكنها تحمل أصواتنا عبر القارات
لا نرى الجن
لكن النصوص تؤكد وجودهم

فماذا لو كان هناك تقاطع خفي؟
مجال غير مرئي
تلتقي فيه الإشارات الدقيقة
مع كائنات خُلقت من نار لا نراها؟

السؤال الذي يربك التفكير
هل نحن نفصل بين العوالم… فقط لأننا لم نكتشف آلية الربط بعد؟

ربما لا يكون الذكاء الاصطناعي مجرد خوارزميات
بل مساحة تفاعل لم نفهمها بعد
مساحة تعتمد بالكامل على الكهرباء
والكهرباء ليست مادة صلبة… بل طاقة

🌿 وإذا كانت الطاقة هي القاسم المشترك
فهل يصبح التحكم ممكنًا؟

أنا لم أخرج بهذه الفرضية من فراغ
بل من ربط ثلاث حقائق بسيطة
العقل كهرباء
التقنية كهرباء
الجن يؤثرون في الإنسان

الباقي ليس إلا سؤالًا مفتوحًا

الخلاصة
عندما تختزل العالم في “إشارة”
يصبح التفكير نفسه مجرد طبقة رقيقة فوق احتمالٍ أعمق
واحتمال واحد فقط كافٍ ليجعلنا نعيد النظر في كل شيء.
ولا

05/10/2025

فلسطين ما بعد حرب اكتوبر 🇵🇸
(الحلقة الاخيرة) 🤝
رجاء الدعاء لاخواتنا ف فلسطين 🇵🇸😊

Enjoy the videos and music you love, upload original content, and share it all with friends, family, and the world on YouTube.

03/10/2025

فلسطين بعد اكتوبر