Quel est le site Web ?

https://www.facebook.com/810728808794063/

Geschichtsfrënn Gemeng Lëntgen

Page d'Accueil
Luxembourg
Lintgen
Geschichtsfrënn Gemeng Lëntgen

D’Zäit leeft ... a mat hir verschwënnt och d’Erënnerung un d’Vergaangenheet.

27/01/2026

„Lëntgen virun 80 Joer“, eisen éischte Geschichtsowend, war e vollen Erfolleg - et war ee besonneschen Owend, wou Jonk a manner Jonk zesummekomm si fir e Bléck op d’Liewe wärend dem 2. Weltkrich hei am Duerf ze werfen.

Well mir awer vu ville Leit ugeschwat gi sinn, hu mir eis decidéiert fir eenzel Geschichten op eisem Facebook-Account mat iech ze deelen. Hei ass den Teaser an déi aner Deeler kommen no an no …

D’Geschicht vu Lëntgen soll lieweg, accessibel an no bei de Leit sinn – a matenee loosse mir se weiderliewen …

25/12/2025

De Comité vun de Geschichtsfrënn wënscht alle Frënn an Ënnerstëtzer schéi Feierdeeg an alles Guddes am neie Joer

“This content was generated with the assistance of artificial intelligence.”

23/12/2025

Op eiser Adventsfënster ass en 2. beweegenden Temoignage ze lauschteren.
Et ass dee vum René Meisch, och ee Jong vu Lëntgen. Hien deelt seng Erënnerungen un eng Zäit, an där hie mat senger Famill am Zweete Weltkrich vill Leed huet missen erdroen.�Seng Wierder erzielen vu Verloscht, Angscht a Kraaft – an erënneren eis drun, firwat mir net däerfen vergiessen.

21/12/2025

Merci all deene Leit, déi eis Adventsfënster an der rue du cimetière kucke komm sinn. Wann dir keng Zäit hat fir laanscht ze kommen, kënnt dir hei deen emouvanten Temoignage vum Emil Gruber lauschteren ...

11/12/2025

Kommt eis Adventsfënster kucken: En emotionalen Abléck an d’Chrëschtdagszäit vu virun 80 Joer.
Zwee Originaltexter vum René Meisch an dem Emile Gruber – vun de Familljen nei agelies.

17, rue du cimetière (Porheem hannert der Kiierch)

D’Zäit leeft ... a mat hir verschwënnt och d’Erënnerung un d’Vergaangenheet.
Hëlleft eis d’Geschicht vu Lëntgen a senge Leit lieweg ze halen!

Deelt är Erënnerunge mat eis!

29/11/2025

E grousse Merci un iech all – „Lëntgen virun 80 Joer“, eisen éischte Geschichtsowend, war e vollen Erfolleg: ronn 150 Leit haten de Wee op Mouschelt fonnt an eisen Erzielungen, Fotoen an Anekdoten iwwer d’Zäit vum 2. Weltkrich mat groussem Interessi nogelauschtert.

Besonnesch beréiert huet eis den intensiven Austausch am Publikum – an déi vill Fotoen, Dokumenter an Temoignagen, déi vill vun Iech matbruecht hunn. Dir hutt dësen Owend esou wäertvoll gemaach.
Dëst Material ass net nëmme Geschicht, mee e Stéck Identitéit, dat mir zesumme wëllen erhalen.

En häerzleche Merci och un d’Geschichtsfrënn vu Luerenzweiler a Miersch, d’Vereenegung vun den Tambower an den Enrôlés de Force, eisen Här Paschtouer, de Buergermeeschter an déi vertruede Gemengeréit. Un de Musée National de la Résistance an un d'Mierscher Lieshaus geet et Merci fir hir Infostänn.

An de kommende Wochen deele mir hei Highlights, Fotoen a spannend Hannergrondgeschichten zu deem, wat mir zesummen entdeckt hunn – fir jidderee matzehuelen, och déi, déi net dobäi konnte sinn.
D’Geschicht vu Lëntgen soll lieweg, accessibel an no bei de Leit bleiwen – a matenee loosse mir se weiderliewen …

25/11/2025

Lëntgen virun 80 Joer – eis Geschicht, eis Geschichten

Entdeckt mat eis, wéi de Krich d’Liewe bei eis am Duerf verännert huet: lokal Veräiner musse sech upassen, de Fröndschaftsbond bitt Sécherheet, Bomme fale wärend der Chrëschtmass – a Familljeschicksaler, déi eis nach haut beweegen …

📅 28.11.2025 | 🕖 19:00 | 📍 A Mouschelt

06/10/2025

D’Geschicht vun engem Duerf lieft net nëmmen an ale Bicher oder Fotoen, mee virun allem an de Geschichten an Erënnerunge vu sengen Awunner.
Eis gemeinsam Vergaangenheet mécht eist Duerf eenzegaarteg – an déi wëlle mir erhalen!
Dofir hu mir eis zesummegedoe, fir d’Geschichtsfrënn vun der Gemeng Lëntgen ze grënnen. Mir treffen eis reegelméisseg fir Fotoen,
Dokumenter an Erzielungen a Relatioun ze setzen a fir se ze archivéieren. Mir baue Brécken tëscht Jonk an Al an halen
d’Geschicht vu Lëntgen lieweg.

Bleift mat eis a mat der Vergaangenheet a Verbindung ...

Adresse

2, Rue De Diekirch
Lintgen
L-7440

Téléphone

+352691649699

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Geschichtsfrënn Gemeng Lëntgen publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.