Les Aghlabides - صفحة الأغالبة

10/10/2026

84 سنة من العشق والانتماء! 🤍💚

84 سنة لجمعية حبّيناها من قلوبنا، تربّينا على حبّها، وكبرنا على ألوانها، وعشنا معاها الفرحة والدمعة، الانتصار والانكسار… أما عمرنا ما تخلّينا عليها! 🥹💚🤍

الشبيبة موش مجرّد جمعية، الشبيبة حكاية عشق تتوارثها الأجيال، وانتماء يسكن في القلب، وراية ديما مرفوعة مهما كانت الظروف! 💚🤍

🎉 كل عام وإنتِ حبيبتنا، كل عام وإنتِ فخر القيروان، وكل عام وجماهيرك الوفية معاك… وإن شاء الله ديما من نجاح لنجاح 🏆

💚🤍 عيد ميلاد سعيد يا غالية… 84 سنة والجايات خير بإذن الله!

💚🤍

09/10/2026

💚🤍 كلام سهيل كشريد يلخّص كل شيء… وهذا هو الكلام اللي يلزم يتقال!

ما نغطّيوش عين الشمس بالغربال، الكلّنا نحبّوا الشبيبة الرياضية القيروانية، والكلّنا نحلموا نشوفوها تنافس على البطولة وتفرّح جماهيرها. فما ناس عندها سنين وهي تصبر وتستنى في الفرحة هاذي، ومن حقّها تشوف فريقها في المستوى اللي تستحقّه.

🏀 بالإفكتيف الحالي، ومع زوز أجانب من طراز عالٍ، الشبيبة تنجم ما تخاف من حتى إكيب! السنوات الأخيرة أكّدت اللي الأجانب عندهم دور كبير في حصد الألقاب، واللي يحبّ على البطولة يلزمو يستثمر ويجيب أجانب من الطراز العالي، قادرين على صنع الفارق وقت الشدّة.

📢 ميساج واضح للمسؤولين ولمروان كشريد: رانا نحبّوا نفرحوا، والنقائص واضحة وضوح الشمس!

أزدموا، تحرّكوا، وجيبولنا أجانب في قيمة الشبيبة، اليوم قبل غدوة. الجمهور معاكم، يساند فيكم ويدزّ من وراكم، وما فما حتى عذر يمنعنا من إنّنا نحلموا بفريق ينافس على الألقاب.

💰 ما فماش فلوس؟ اعملوا حملة دعم كيف عام 2024 ، وتو تشوفوا الجمهور كيفاش يعاون ويوقف مع جمعيتو. بيع 1100 اشتراك، حاجة عمرها ما صارت في تاريخ الجمعية، موش مجرّد رقم، هاذي رسالة واضحة ودليل على قوّة التعلّق بالشبيبة وعلى استعداد الجمهور باش يكون سند حقيقي لفريقو.

🤔 ولا إنتوما تتصوّروا اللي في آخر العام، كي تكون الشبيبة هازّة البطولة، الجمهور باش يخليها وحدها ولا باش يقبل إنّو جوّار يبقى موش خالص؟ الجمهور يحبّ يفرح، يحبّ يشوف جمعية تنافس، ويحبّ يحسّ اللي المسؤولين عندهم نفس الطموح ونفس الإرادة.

هذا مطلب جماهير الشبيبة، ومطلب يستحقّ يتسمع ويتاخذ بجدّية.

إحنا معاكم، ووراكم، ومستعدّين نعاونوا، أما زادة نستنّاو في خطوات واضحة وقرارات في حجم طموحاتنا. الشبيبة عندها جمهور يستحقّ فريق ينافس على البطولة، موش مجرّد المشاركة.

💚🤍 اليد في اليد، بالرجال وبالقرارات الصحيحة، نجموا نرجّعوا الشبيبة للبلاصة اللي تستحقّها.

تحيا الشبيبة الرياضية القيروانية! 💚🤍

03/10/2026

🏀💚🤍 GAMEDAY | الجولة الثالثة 🤍💚🏀

موعد جديد… ومواجهة كبيرة تنتظر الشبيبة الرياضية القيروانية 🔥

🆚 النادي الإفريقي
🏆 البطولة الوطنية لكرة السلة PRO A
📍 قاعة عزيز ميلاد – القيروان
⏰ 17H30

💚🤍 كلنا خلف الشبيبة… كلنا في الموعد!
🔥 معركة جديدة… والهدف واحد: الانتصار!

01/10/2026

توضيح مهم جدا 🚨🚨🚨🚨
💚🤍 توضيح إلى جماهير الشبيبة الرياضية القيروانية

حرصًا على توضيح مختلف التفاصيل المتعلقة بحضور مباريات كرة السلة بقاعة عزيز ميلاد تعلم الهيئة التسييرية جماهيرها بما يلي:

🏀 طاقة الاستيعاب المسموح بها مع بداية هذا الموسم الرياضي هي 1100 مشجع و قد تم توزيعها كالآتي:

🟢 650 مشجعًا من فئة VIRAGE
🟢 450 مشجعًا من فئة CHAISE

🎟️ وبخصوص الاشتراكات:
بلغ العدد الجملي للاشتراكات المطروحة للبيع هذا الموسم 1000 اشتراك ولم يتبقَّ حاليًا سوى 25 اشتراكًا متوفرًا.

كما تبقى 100 تذكرة لمقاعد شاغرة متاحة موزعة كالآتي:

💺 50 تذكرة CHAISE
🟢 50 تذكرة VIRAGE

وسيتم طرح هذه التذاكر للبيع ابتداءً من يوم الغد عبر منصة guichet.tn.

🙏 وتتوجه الهيئة بجزيل الشكر والامتنان إلى كل أحباء الشبيبة الذين سارعوا إلى اقتناء اشتراكاتهم و جددوا ثقتهم في ناديهم و وقفوا إلى جانبه.

📢 ملاحظة هامة:
أكد المشرفون على تحديد طاقة الاستيعاب أن العدد الحالي قابل للزيادة مستقبلًا و ذلك في صورة التزام جماهير الشبيبة بالروح الرياضية و احترام التنظيم و المحافظة على سلامة اللاعبين و الجمهور و كل المتواجدين بالقاعة.
معًا من أجل رفع طاقة الاستيعاب… و معًا من أجل الشبيبة! 🏀💚🤍
JSK Basketball-Officielle

30/09/2026

30/09/2026

🏀💚🤍 GAME DAY | يوم المباراة 🤍💚🏀

🔥 النجم الرياضي الرادسي 🆚 الشبيبة الرياضية القيروانية

موعد جديد… ومواجهة جديدة خارج الديار 💪
رجال الشبيبة داخلين للملعب بعزيمة كبيرة، وكل دقيقة وكل كرة عندها قيمتها! 🏀🔥

📅 اليوم
⏰ 18:00
📍 قاعة بوهيمة – رادس

💚🤍 بالتوفيق لرجال الشبيبة الرياضية القيروانية… ديما JSK! 💚🤍



JSK Basketball-OfficielleJSK-Kairouan

27/09/2026

𝐅𝐔𝐋𝐋 𝐓𝐈𝐌𝐄 ⚽ 🟢⚪🫵

27/09/2026

شدو رواحكم بالمقروض حتى لين يحضر الكفتاجي 😂💚🤍

27/09/2026

🏀💚🤍 انتصار مهم… أما الموسم مازال طويل!

ما يلزمناش نفرحوا برشا، خاطر اللي تحقق البارح هو خطوة أولى في موسم طويل وصعيب. انتصار ضد منافس تقليدي على الألقاب يعطي ثقة كبيرة، أما البطولة يلزمها نفس طويل وتركيز من أول جولة لآخر جولة.

عندنا فريق محترم، والبارح شفنا أداء ممتاز من أغلب اللاعبين، خاصة على المستوى الدفاعي. وفي الهجوم، لقينا المرناوي حاضر وقدم الإضافة المطلوبة. 🔥

أما مازلنا نستناو أكثر من بقية الملاعبية، خاصة يوسف والمنفذ، باش يعاونوا الفريق أكثر في الناحية الهجومية ويزيدوا الحلول قدّام. 💪

🎯 توا الأهم: ساقينا على القاع، نخدموا مباراة بمباراة وما نستبقوش الأحداث.

وفي انتظار قدوم الأجنبي الثاني، اللي في رأيي ينجم يكون من أهم مفاتيح الفريق للوصول للقب، خاصة إذا كان لاعب في المستوى وقادر يرفع من قيمة المجموعة ويعطيها الإضافة اللازمة في الأدوار الحاسمة.

🏆 الطريق للبطولة مازال طويل… أما البداية تبشّر بالخير.

💚🤍 تركيز، خدمة، نفس طويل… والهدف واضح: اللقب. 🏀🔥

27/09/2026

🔥🏀 MVP OF THE GAME 🏀🔥

تألّق كبير وأداء مميّز من نجم الشبيبة الرياضية القيروانية 💚🤍
مردود قوي، شخصية كبيرة وروح قتالية فوق أرضية الميدان 👊🔥

👑 رجل المباراة يستحق الإشادة!
كل التحية للاعبنا أسامة المرناوي على هذا الأداء الرائع، ومزيد من التألق والانتصارات مع الشبيبة الرياضية القيروانية 💚🤍

PLUS QU’UN CLUB… UNE FAMILLE 💚🤍