Artography Design & Animation

11/05/2026

١٥- بدات استقر في رشيد والسكن بها في شقة صغيرة تابعة للمشروع ... وكعادتي احب اكتشاف الاماكن الجديدة .. فكنت بنزل أتمشي في المدينة وأكتشف اولها من آخرها ... لاقيت الاماكن الحيوية بها صغيرة جدا وهي عبارة عن شارع رئيسي وهو شارع النيل الي عرفت بعد كده انه بيفصل بين رشيد وكفر الشيخ "البر التاني" وعلي امتداد النيل حتي وصلت الي طريق مهجور قليلا ثم بعده طريق البرج المؤدي الي مفرق طريقين احدهما يؤدي الي قلعة قايتباي والآخر الي مصب النيل البرزخ وهي منطقة عسكرية حدودية وكنت قد سلكت تلك المسافة بالعجلة بتاعتي مرة للقلعة ومرة للمصب وكانت تلك الفترة الوحيدة التي استمتعت بها في المدينة.
#خبرات101

07/05/2026

١٤- بعد ما سيبت شركة التشطيبات مضطرا لأني ما كنتش عارف اتأقلم معاهم وبعد معافرة كتيرة ... اضطريت اروح شركة بكة علي اساس انها افضل في الراتب ولكن غلي ارض الواقع كان الامر مختلف تماما ... كان المشروع في قرية اسمها رشيد ضمن محافظة البحيرة ويطلق عليها مدينة رشيد بقيت مدينة سياحية بسبب كم البيوت التاريخية بها وتصميم بيوتها المتشابه قبل الحداثة وهي عبارة عن مدينة نيلية تمتد بطول النيل حتي مصب النيل في البحر.
#خبرات101

04/05/2026

١٣- النهاردة بعد الفترة اللي فاتت دي جاتلي فرصة جديدة أني انزل اشتغل في شركة تشطيبات اسمها لورانو في اسكندرية يعني في اخر ٢٣ وكانت فرصة حلوة أني اهيرا ابدأ ادخل في مجال العمارة بشكل اقوي وبالفعل بدأت اشتغل كمصمم في الاول بخبرتي في البرامج وخاصة الاوتوكاد وبعده الثري دي كاظهار للعميل كان الموضوع صعب وبآوح فيه لما بدأ شغلي يرتبط بالتصمي والتنفيذ مش مجرد رسم لما هو موجود زي ما كنت بشتغل في توثيق الآثار واحتاجت اني أخد كورس متخصص في التشطيبات لحاجة الشركة اني انزل اشراف تنفيذ واتعلمت وفهمت كل حاجة عن اساسيات البنود الرئيسية وطرق تنفيذها وطرق استلامها ولكن وقتها كان الراتب ضعيف جدا كواحد جديد في المجال فلما لاقيت فرصة افضل نسبيا في مجالي روحت مباشرة وخاصة ان دي كانت اول مرة اشتغل في شركة في الترميم بعقد وتثبيت
#خبرات101

30/04/2026

١٢- الفترة اللي كنت رجعت فيها من القاهرة بعد العملية يعني ممكن نقول كانت فترة نقاهة خاصة ان عشان اقدر انزل وقتها كان لازم اخد تطعيم ملوش اي ٣٠ لازمة واللي خلاني اصلا أخد دور كورورنا بعد ما خلص من الكوكب قعدني اسبوعين تكسير في البيت وعقبال ما فوقت منه وبدأت استعيد صحتي وأتعافي كمان من موضع العملية ونزيف الأنف المستمر لفترة من الزمن باردوه ... كنت بعافر وبشتغل بعلاقاتي من القاهرة وبنقلها لاسكندرية في اللي كمل واللي ما قدرش بس تمام يعني ... دي ما اقدرش اقول عليها خبرات ولكن فترة في حياتي ويمكن كتير عشنا جزء منها

27/04/2026

١١- اه نسيت احكيلكم قبل ما ارجع اسكندرية لما كنت لسه شغال في المكتب من الفرص الحلوة اللي جاتلي وانا في القاهرة شغل مصمم مطابخ تجارية زي مطابخ المستشفيات والفنادق والمطاعم الكبيرة وكذلك الكافيهات والحلو والمميز فيها ان التصميم بيعتمد علي سيستم معين وهو Hygenic food بمعني أن تصميم الفراغات وتوزيعها بيؤثر علي جودة الطعام نظافته وطعمه ورائحته واللي بنراعي فيه ممرات الحركة طبعا بشكل أساسي ومنطقة التخزين ومنطقة تحضير الطعام بفراغتها ومنطقة التحضير النهائية ومنطقة الغسيل اكتسب خبرة حلوة في خلال ٤ شهور تدريب ولكن بعد ما اشتغلت في القاهرة لفترة سنتين اتعلمت فيهم كتييير اضطريت ارجع من القاهرة للاسكندرية
#خبرات101

23/04/2026

١٠- بعد ما سيبت شغلي في ٢٠٢١ في قصر ملك اللي في القاهرة وكنت شغال لسه في مكتب المثلث بدات احاول اعمل شغل خاصطص ليا خاصة اني كنت اشتريت جهاز PC محترم يساعدني في شغل الجرافيك واشتريت تابلت رسم بدون شاشة لاني كنت حابب شغل النحت علي برنامج ZBrush واللي كان بدأ يجيلي شغل زي كده بيه فأحتاجت اشتري التابلت وقتها واندمجت الفترة دي في شغل النحت والطباعة الثري دي سواء تبع المكتب او شغل خاص بدأ يجيلي من برة المكتب لغاية ولكن حصلتلي مشكلة صحية اتطورت بسوء وهي التهاب مزمن في زوائد لحمية في الأنف واضطررت الي اني ارجع اسكندرية بعد العملية اللي كانت في القاهرة
#خبرات101

20/04/2026

٩- في الوقت الي كنت قاعد فيه في القاهرة بدون عمل نزلت ادور علي شغل في مكاتب الجرافيك وعترت في منطقة بين السرايات في مكتب هناك اسمه "المثلث جرافيك" اشتغلت في المكتب ده بالفعل لمدة سنتين متواصلة مع البحث عن فرص افضل في القاهرة وكان الشغل مريح وflexable ومع ذلك اشتغلت في نفس الوقت في مشروع ترميم جديد في قصر ملك في مصر الجديدة لمدة شهر تقفيل شغل متأخر في المشروع ده وسيبته وكنت بدات اشتغل 3D Visualizing اكتر في المكتب وتصميم معماري
#خبرات101

16/04/2026

٨- زي ما كلمتكم المرة اللي فاتت اني كنت قاعد وبخلص شوية حاجات في البيت .... لاقيت تيلفون من مصور فوتوغرافي عايزني في شغل في محطة مصر ... كان عايز مساعد ليه في عملية التصوير الفوتوغرافي ولكن استقليت الحركة دي فكلمته وبعدها بفترة اتفقنا اني انزل معاه شغل في القاهرة بعد ما اتفقنا علي الراتب في اسكندرية لاقيت الراتب ده غير مناسب نهائي للمعيشة في القاهرة مع مصاريف السكن والمواصلات غير الاكل والشرب وكان في خلال شهرين اعتذرت عن الشغل وبدأت في البحث عن شغل تاني في القاهرة باردوه.
#خبرات101

13/04/2026

٧- النهاردة حكلمكم عن فترة انتقالية في حياتي ... كنت محتار بين اني اكمل كمصمم جرافيك وده المسمي اللي اعرفه بدون اي تخصص ولا اشتغل كرسام معماري ولا اتوسع أكتر في مجال ال 3D modeling وفي نفس الوقت كنت سيبت شغلي وبعيد تشطيب بيتنا مع اخويا .. اتعرفت في الفترة دي علي شوية علاقات في محال السينما و الترميم ... ايه كل ده انت بتقول ايه 😅 توهتوا مني ! 😁 ... ده بالظبط اللي انا كنت فيه
البوست الجاي حفصلكو الحكاية 😉
#خبرات101

09/04/2026

٦- النهاردة حكلمكم عن شوية خبرات ومجالات اشتغلت فيها شوية بالاوتوكاد ...فوتوشوب و المايا زي :
- اشتغلت رسم واظهار معماري علي الكاد والفوتوشوب لطلبة الكليات بتوع فنون وهندسة وفاروس والاكاديمية
- بدأت اشتغل ثري دي لعمل مجسمات للطباعة واستخدمتها في عمل الماكيتات المعمارية وكان في شوية شغل للماكينات
- اشتغلت بالفووشوب تصميمات دعائية وتصميمات لشغل تطريز وأقمشة وحاجات كده الي جانب الاليستراتور زي ما قولتلكم في اول بوست
#خبرات101

18/09/2023