08/04/2026
السؤال اللى ديما بيجيلنا ...
هو انتوا ممكن تعملوا ماكيت من الحديد او من خامه فولاذيه اشعاعيه 😆 متتكسرش وممتتخدش ومعلش ....
في مشكله انو الناس متعرفش عن فن الماكيت معلومات ... هو فن بيختلف عن عمليه صب التماثيل واساسه انه بيتعمل من الورق ..يعنى زي صناعه البسكويت كده ... شيء ناعم للفرجه زي لوحه فنيه جميله مينفعش تخبطه في الارض تكسره او تلعب بيه كوره شراب ... له اصول في العرض والاستخدام علشان كده هتلاقي معظم اعمال الماكيت بتتعرض داخل صندوق زجاج ... وده لانها لا تحتمل الخبط والتكسير ...حتى الالعاب المعدنيه اللى بنستوردها لو حضرتك حدفتها في الارض هتتكسر عادي .. ومع ذلك احنا بنحاول نستخدم اقوي خامات ممكنه تصلح للتشكيل.. علشان تقاوم الاستخدام السيء من بعض العملاء اللى مش عارفين طبيعه الفن ده ...المشكلة التانية او السؤال التاني - ليه الاعمال الفنيه دي ليها سعر وفلوس وليه مش بتوزوعوها ببلاش 😂
احنا بنواجه مشكله كبيره فى الثقافه الفنيه ...وبنعذر الناس انهم مش عارفين ازمه التكلفه ...اى منتج صناعي بيواجه مشكله فى التكلفه ... الموضوع مش بس خامات ... غير الخامات احنا بنستهلك وقت كبير علشان نطلعلك القطعه الفنيه ...يعنى مينفعش نتعذب ونسهر ونشتغل ونضيع ساعات طويله بدون مقابل ... ومينفعش تقارن منتج بيتصنع جوه دولة عربيه بكميات قليله زي منتج بيتصنع فى الصين بكميات بالملاييين ... نتمنى انو العملاء يفهموا الفروق دي كويس ويفهموا ان اى مشروع او نشاط النهارده بيتكلف مصاريف كتير مش بس خامات ...فى مصاريف تانيه العميل مخه مش بيستوعبها ..
شكرا لكل انسان مثقف مهتم بالفن عرف يفهم النقط اللى اتكلمنا فيها من غير ما يحتاج شرح كتير ..
