Museo do Castro de Viladonga

Casa
España
Castro de Rey
Museo do Castro de Viladonga

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Museo do Castro de Viladonga, Museo, Viladonga, Castro de Rey.

O castro consta de varios recintos de murallas e fosos, dous antecastros ou zonas de expansión e unha grande área central ou croa, onde se atopan a maioría das estruturas escavadas.

04/06/2026

Comezamos coa apertura do forno do no Museo do Castro de Viladonga. Estamos felices por compartir con todos/as vós este momento tan especial! As pezas son ÚNICAS e están cheas de sabedoría e amor patrimonial xa que agochan nas súa paredes o traballo das mans dos/as súas/seus creadoras/es, mais tamén o traballo dos catro elementos da natureza: terra, auga, vento e lume! Grazas por vir ao museo a aprender cos cinco sentidos! Vémonos no museo do castro de Viladonga! 🤗

31/05/2026

🔥 Onte viaxamos no tempo a través do lume!
Despois de modelar o barro coas nosas mans, chegou o momento máis máxico do noso : a coza das pezas.
Para conseguilo, montamos un forno aberto na terra tal e como pensamos que facían os nosos antepasados.
Todo este proceso non tería sido posible sen a guía, a sabedoría e a paciencia de Sandra e Elena, da Fundación Terra Termarum de Castrolandín 🌟 Grazas infinitas por guiarnos nesta aventura arqueolóxica!
E, por suposto, un agradecemento enorme a todos e todas os participantes. Grazas por vir, por poñerlle tantas ganas e por experimentar de primeira man o proceso completo de fabricación das cerámicas castrexas. Que orgullo de pezas quedaron! 🏺✨

Estivéchedes no obradoiro? Deixádenos nos comentarios que vos pareceu a experiencia! 👇
CulturaGalega Fundación Terra Termarum Castrolandín Ceramica Castrolandin

28/05/2026

NOVOS INGRESOS
Novos ingresos na biblioteca do

Consulta en sala todos os días (excepto 24, 25 e 31 decembro, 1 e 6 xaneiro). De 10 a 20 h (marzo-outubro) 10 a 19 h (novembro-febreiro)

21/05/2026

☑️ Onte vivimos un día moi especial no museo. Celebramos as Letras Galegas da man de Soledad Felloza, que nos levou ao universo de Begoña Caamaño e ás historias de Circe, Ulises, Penélope e tantos outros personaxes que seguen a inspirarnos.

🎉 Desfrutaron desta experiencia o CEIP Plurilingüe Lagostelle (Guitiriz), o CEIP Virxe do Corpiño (Begonte) e o CPI Virxe do Monte (Cospeito).
Tamén nos visitaron o IES Xulián Magariños (Negreira) e o CEIP O Cantel (Foz).

🫶 E tivemos unha visita moi especial: Alfonso Blanco Torrado, figura esencial na cultura galega e no nacemento de Xermolos, entre outras moitas cousas. O seu valor humano levou ao alumnado do CEIP Lagostelle a afondar un pouco máis na súa obra e no seu ser. Alfonso, non se puido resistir e veu ao museo para agradecerlles todo o traballo ao alumnado. Non podía escoller mellor lugar para facelo: o .

🤗 Grazas a todas e todos por manterdes vivo o museo e por enchernos de humanidade e cultura. A mellor combinación para acadar a felicidade.

19/05/2026

✨ Onte celebramos no Museo do Castro de Viladonga o Día Internacional dos Museos ✨

Inauguramos a exposición DO SER E DOS FACERES CHAIREGOS creada pola Microrrede de Bibliotecas Escolares da Terra Chá , onde cada cole traballou unha figura destacada da comarca. Cesteiros como José Antonio Anido, compoñedores, comadroas como Co**ha da Reina, as mulleres da Insua, as filloeiras ou os torneiros..., protagonizaron os traballos e centraron a atención do alumnado que deseñou con gusto e agarimo o material que configura a exposición que podemos desfrutar ata o día 5 de xuño no .

Este ano o DIM convídanos a reflexionar co lema “Museos unindo un mundo dividido”, e fixémolo compartindo cultura, comunidade e creatividade.

🎶 Pechamos a xornada co concerto POESÍACORDES, de Francisco José Castro e Valerio Araujo, que encheu o museo de música e poesía.

Grazas a todas as persoas e centros participantes por facer deste día unha celebración tan especial.

10/05/2026

Onte celebramos a Noite dos Museos!!!!
Desfrutamos de xogos e obradoiros con “Clio Xestión Cultural”, da actuación do grupo “Os do Campo” e da música de Fransy González e Davide Salvado, nunha xornada especial para compartir música, patrimonio e cultura.
Esta celebración contou coa colaboración da Asociación de Amigos do Museo e Castro de Viladonga e do Concello de Castro de Rei.
Moitas grazas por acompañarnos!

03/05/2026

Así de ben o pasamos onte no obradoiro de cerámica. Coa axuda de Sandra Obarrio da Fundación Terra Termarum puidemos achegarnos coas nosas propias mans ás cerámicas castrexas. Unha forma ben xeitosa de coñecer a colección e a forma de vida dos/as castrexos/as que vivían no castro de Viladonga.
As cerámicas quedan en repouso ata que as cozamos no forno aberto que tamén faremos todos/as xuntos/as.

20/04/2026

NOVOS INGRESOS
Novos ingresos na biblioteca do

Consulta en sala todos os días (excepto 24, 25 e 31 decembro, 1 e 6 xaneiro). De 10 a 20 h (marzo-outubro) 10 a 19 h (novembro-febreiro)

17/04/2026

✨ Noite dos Museos 2026 no Museo do Castro de Viladonga

Un ano máis, o Museo do Castro de Viladonga súmase á celebración da Noite dos Museos, dentro da programación do Día Internacional dos Museos (DIM), impulsado polo ICOM, o organismo internacional de referencia no ámbito museístico.

Este 2026, o lema escollido é “Museos unindo un mundo dividido”, unha chamada a recoñecer o papel dos museos como espazos de encontro, diálogo e cohesión. Nos museos conviven culturas, historias e voces diversas; son lugares onde a comunidade se recoñece, se escoita e se une.

Convidámoste a compartir con nós esta noite especial, pensada para celebrar o patrimonio, a convivencia e a forza que teñen os museos para tender pontes.

📍 Museo do Castro de Viladonga
📅 9 de maio de 2026

Agardámoste para vivir xuntos unha noite que une, inspira e conecta.

Dirección

Viladonga
Castro De Rey
27259

Teléfono

+34982870160

Página web

https://viladonga.xunta.gal/, https://viladonga.xunta.gal/es/castro/visita-virtual, https://viladonga.xunta.gal/gl/publi

Notificaciones

Sé el primero en enterarse y déjanos enviarle un correo electrónico cuando Museo do Castro de Viladonga publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.