Martes 10:00 - 14:00 16:00 - 19:00 Miércoles 10:00 - 14:00 16:00 - 19:00 Jueves 10:00 - 14:00 16:00 - 19:00 Viernes 10:00 - 14:00 16:00 - 19:00 Sábado 10:30 - 13:30

Fundación Terra Termarum Castrolandín

Casa
España
Cuntis
Fundación Terra Termarum Castrolandín

A Fundación Terra Termarum Castrolandín ten como interese desenvolver o coñecemento daculturacastrexa

Centro de Interpretación do Xacemento Arqueolóxico do Castro de Castrolandín e Obradoiro de Investigación e Recuperación da Cerámica Castrexa.

31/05/2026

Compartimos esta publicación para amosarvos o orgullosos que estamos do éxito de outra edición do noso .

Queremos dar as grazas de corazón ao Museo do Castro de Viladonga por abrirnos as sús portas un ano máis, confiar no noso traballo e facer posible que poidamos impartir esta actividade nunha paraxe tan inmellorable. Para nós é un privilexio achegarvos todo o proceso de investigación e recuperación da cerámica castrexa que a Fundación Terra Termarum leva estudando e divulgando dende o ano 2005.

É un luxo amosarvos este proceso completo de fabricación dende o principio: dende que moldeamos o barro coas mans no taller ata que as pezas entran no forno de terra con combustible vexetal, recreando de xeito fiel como o facían os nosos antepasados.

Moitísimas grazas ao museo polo seu apoio incondicional, e por suposto, un grazas enorme a toda a xente asistente polo seu gran interese, entusiasmo e por compartir esta viaxe no tempo e na historia connosco. Sen vós non sería o mesmo! 👏

Permanecede moi atentos ás nosas redes sociais! Nuns días abrirase o forno, e será aí onde ocorra a verdadeira maxia de todo o proceso e vexamos o resultado final das pezas.

Fundación Pública Artesanía de Galicia

Concello de Cuntis Termas de Cuntis ENGASA GALICIA S.L Amigxs Dos Castros CMVMC de Castrolandín

28/05/2026

Hoxe, no Día Internacional do Ceramista, queremos celebrar o noso oficio compartindo o que máis nos apaixona: o proceso diario de investigación e recuperación da nosa cerámica castrexa.

A vasilla tipo Vigo que podedes ver neste vídeo é unha reprodución baseada nos achados do Castro de San Cibrán de Tomeza (Pontevedra), datada na Fase III da cultura castrexa (século I a.C).
Trátase dunha peza de uso votivo que destaca pola súa rica ornamentación: un corpo globular con decoración de incisións, estampillas de círculos concéntricos e cordóns perlados. Un reto técnico recrear cada detalle!

Detrás de cada peza hai historia, raíces e un traballo minucioso para traer o pasado ao presente. Deixámosvos un pedaciño do noso día a día no taller.
Feliz día a todo o mundo da cerámica e a olería!

🎥 Vídeo realizado por Elena Cerviño

Fundación Pública Artesanía de Galicia
Concello de Cuntis Termas de Cuntis ENGASA S.L Amigxs Dos Castros CMVMC de Castrolandín

27/05/2026

Cooperar co tecido social da nosa contorna é un dos piares da Fundación Terra Termarum. Por iso, mantemos un firme compromiso de colaboración cos diferentes colectivos do Concello de Cuntis.

Esta tarde tivemos o pracer de impartir un obradoiro de cerámica e traballo co barro para os usuarios da Asociación Agadea Alzheimer de Cuntis.

Traballar co barro é moito máis que moldear unha peza: é unha ferramenta terapéutica marabillosa. Axuda a canalizar as emocións, estimula a creatividade, fomenta a concentración e mellora a psicomotricidade fina grazas ao tacto e ao movemento das mans.
Unha tarde chea de sorrisos, texturas e moito agarimo. Grazas por acompañarnos e por facer desta colaboración unha experiencia tan enriquecedora!

Termas de Cuntis ENGASA GALICIA S.L Amigxs Dos Castros CMVMC de Castrolandín

23/05/2026

Hoxe tivemos o enorme pracer de trasladar o noso obradoiro ao Museo Os Oleiros - José Mª Kaydeda , organizado polo servizo de Museos do Concello de Oleiros dentro da súa programación especial polo Día Internacional dos Museos.

Aínda que a efeméride foi o pasado 18 de maio, hoxe sábado 23 sumámonos á celebración impartindo dous talleres de cerámica castrexa para público adulto, un en quenda de mañá e outro pola tarde.

Para nós foi un orgullo guiar a tantas persoas nesta viaxe no tempo, compartindo con ambos grupos as técnicas, segredos e tradicións da cultura castrexa a través do barro. É un luxo ver como o noso patrimonio histórico se mantén vivo grazas á divulgación e á artesanía práctica.

Queremos agradecer enormemente ao Museo e ao Concello de Oleiros por contar un ano máis connosco na programación do Día Internacional dos Museos, e sobre todo, a todo o alumnado de hoxe por poñer as súas mans e a súa creatividade en cada peza. ¡Menudo nivelazo de artistas pasou hoxe polo noso obradoiro!

📸 Desliza para ver o proceso de preto e os incribles resultados de ambas quendas.

Fundación Pública Artesanía de Galicia

Concello de Cuntis Termas de Cuntis ENGASA GALICIA S.L Amigxs Dos Castros CMVMC de Castrolandín

17/05/2026

Tradición, cultura e moita arte!
Así vivimos o Día das Nosas Letras na Romaría Raigame, en Vilanova dos Infantes, Celanova Concello.
Un pracer estar aquí un ano máis gozando deste recuncho cheo de historia.
Pasade a visitarnos!

Fundación Pública Artesanía de Galicia

Concello de Cuntis Termas de Cuntis ENGASA GALICIA S.L Amigxs Dos Castros CMVMC de Castrolandín

13/05/2026

O vindeiro domingo 17 de maio, coincidindo co Día das Letras Galegas, temos unha cita ineludible coa nosa esencia en Vilanova dos Infantes (Celanova, Ourense).

Un ano máis, estaremos presentes na XXIII Romaría Etnográfica Raigame. Esta cita é moito máis que unha festa: Vilanova convértese nun museo vivo e habitado; unha homenaxe ás xeracións que mantiveron vivos os oficios, a lingua e as tradicións de Galicia.

Que atoparedes no noso posto?

👉 Demostración en vivo: seredes testemuñas de como a cerámica castrexa cobra vida grazas ao noso labor de investigación e recuperación. Queremos compartir con vós a nosa paixón, amosando o rigor do noso xeito de traballar e o firme compromiso da Fundación Terra Termarum por manter vivo este oficio milenario.

👉 Exposición e venda: unha oportunidade para levar á casa un anaco da nosa herdanza cultural e artesá.

📅 Reservade a data no voso calendario!
Agardámosvos para celebrar a nosa cultura.

Celanova Concello
Romaría Raigame
Fundación Pública Artesanía de Galicia

Concello de Cuntis Termas de Cuntis ENGASA GALICIA SL Amigxs Dos Castros CMMC de Castrolandín

10/05/2026

Hoxe celebrouse en Cuntis o XII Trail Vila de Cuntis, unha proba de referencia en Galicia organizada polo Xesteiras CLUB De Montaña .

Queremos agradecer a súa fidelidade e confianza por elixirnos novamente para a elaboración dos trofeos que hoxe recibiron as persoas gañadoras. Estes galardóns foron deseñados artesanalmente para premiar o esforzo nos primeiros postos en categoría absoluta e por equipos nas distancias de 21K, 15K e 10K.

Grazas por deixarnos formar parte, un ano máis, da vosa historia deportiva!

Fundación Pública Artesanía de Galicia
Deporte Galego

Concello de Cuntis Termas de Cuntis ENGASA GALICIA S.L Amigxs Dos Castros CMVMC de Castrolandín

07/05/2026

Finalizamos o noso Obradoiro de Cerámica Castrexa en ACEM - Asociación Compostelá de Esclerose Múltiple, Párkinson, ELA e outras, unha viaxe creativa onde o legado dos nosos devanceiros e a saúde déronse a man. Durante os meses de marzo e abril, 20 persoas transformáronse en artistas, moldeando coas súas mans a esencia da nosa cultura.
Para nós, a arte non é só expresión; é unha terapia rehabilitadora fundamental e unha ferramenta poderosa para a inclusión social.

📍 Próxima parada: En xuño pecharemos este círculo máxico cunha visita ao castro de Castrolandín e ao seu Centro de Interpretación, onde os participantes recollerán as súas pezas.

Este proxecto é unha realidade grazas ao impulso de:
En-red-Arte de COGAMI
Rehabilit-Arte de Fundación "la Caixa"
Colaboración especial de ORAL GROUP CENTROS DENTALES

Grazas por axudarnos a crear rede e fortalecer a nosa comunidade! 💙

Concello de Cuntis Termas de Cuntis ENGASA GALICIA S.L Amigxs Dos Castros CMVMC de Castrolandín

03/05/2026

Queremos amosar o noso agradecemento ao Museo do Castro de Viladonga por facer posible, unha edición máis, o noso IX Obradoiro de Cerámica Castrexa. É un orgullo ver como esta actividade se consolida ano tras ano, converténdose nunha cita imprescindible no noso calendario.
Pero, sobre todo, grazas a vós: os participantes. Grazas polo voso interese, polas ganas de aprender e por poñerlle tanto agarimo a cada peza.
Agora queda o paso final... xa estamos agardando pola cocción das pezas realizadas que, se o tempo acompaña, será o vindeiro 30 de maio. 🔥

Concello de Cuntis Termas de Cuntis ENGASA GALICIA S.L Amigxs Dos Castros CMVMC de Castrolandín

28/04/2026

Queremos compartir con vós que hoxe recibimos oficialmente a renovación do distintivo “Compromiso de Calidade Turística en Destinos”, outorgado pola Secretaría de Estado de Turismo a través do SICTED e da Deputación Pontevedra, tanto para o Centro de Interpretación do xacemento arqueolóxico do castro de Castrolandín como para Artesanía Cerámica de Castrolandín.
Este recoñecemento é o resultado da nosa aposta continua pola excelencia e a mellora dos nosos servizos. Seguiremos traballando para que o destino Turismo Rías Baixas sexa un referente de calidade e profesionalidade, poñendo en valor o noso patrimonio e a nosa artesanía.
Grazas a todo o noso equipo e a quen confía en nós día a día.

Fundación Pública Artesanía de Galicia
Concello de Cuntis Termas de Cuntis ENGASA GALICIA S.L Amigxs Dos Castros CMVMC de Castrolandín

Dirección

Praza Das Árbores, Nº 14
Cuntis
36670

Horario de Apertura

Martes	10:00 - 14:00
	16:00 - 19:00
Miércoles	10:00 - 14:00
	16:00 - 19:00
Jueves	10:00 - 14:00
	16:00 - 19:00
Viernes	10:00 - 14:00
	16:00 - 19:00
Sábado	10:30 - 13:30

Teléfono

+34986532668

Página web

http://www.castrolandin.es/

Notificaciones

Sé el primero en enterarse y déjanos enviarle un correo electrónico cuando Fundación Terra Termarum Castrolandín publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.