Martes 09:30 - 14:00 16:00 - 18:00 Miércoles 09:30 - 14:00 16:00 - 18:00 Jueves 09:30 - 14:00 16:00 - 18:00 Viernes 09:30 - 14:00 16:00 - 18:00 Sábado 10:00 - 14:00 16:00 - 18:00

Luberri, Oiartzungo Ikasgune Geologikoa

Casa
España
Donostia-San Sebastián
Luberri, Oiartzungo Ikasgune Geologikoa

centro de interpretación geológica

26/03/2026

IRTEERA GEOLOGIKOA ERRIOXARA

Igea herrira egingo dugu eguneko irteera geologikoa. Autobusez joan eta bueltatuko gara egunean bertan. Oiartzundik abiatuko gara 8:00-etan, Donostian ere jendea jasotzeko geldialdia egingo dugula. 2 ordu eta laurdeneko bidaia egin ostean, atesedena hartzeko leku batean geratuko gara. Ondoren, Igeako Paleontologia Museoan Errioxako dinosauroei buruzko nobedadeak kontatuko dizkigute eta museoan bisita gidatua egingo digute; eta kanpoaldeko "Los Cayos"-eko aztarnategia eta "enbor fosila" ikusi eta ulertzera eramango gaituzte. Tartean, Riojavenatrix lacustris espinosaurido espeziearen berri emango digute. Haragijale handi hori Kretazeon Errioxako delta ingurunean bizi zen, espezie berri hori Errioxan besterik ez zela bizi izan. Arratsean bueltatatuko gara, gehienez jota 20:00-etarako Donostira eta 20:15-etan Oiartzunera iritsiko garela aurreikusiaz.

12 pertsonek izena eman dute d**oeneko. Ez geratu lekurik gabe!

14/02/2026

Ikastetxeentzako tailerrak:

NIRE HERRIKO GEOLOGIA

Askotan gertatzen da kanpora goazela kanpoko hori ezagutzera bertokoa ezagutu gabe... Eta berdin berdina gertatzen da geologiarekin. Bada, geologia leku guztietan d**o, eta noski, zure bizi lekuan baita ere. Fijatu besterik ez gara egin behar, eraikin zein harlauza, mendi zein sakonune; gure paisaia geologiak determinatzen du hein handi batean.

Eta garrantzitsua iruditzen zaigu norbera bizi den herri edo hiriaren jatorri geologikoa ezagutzea…Norbera non bizi den jabetzea baliotsua da oso.

Esaiguzu Euskal Herriko zein txokotatik zatozen eta bertan daukazun geologia ikertuko dugu aurretiaz, gero museora zatozenean, bere ezaugarri geologikoak azalduko dizkizugula. Museoan ditugun Euskal Herriko zoko askotako fosil eta arroken laguntza izango dugu hori egiteko.

13/02/2026

Ikastetxe zein partikularrentzako irteerak eta tailerrak:

8.EH-KO HISTORIA GEOLOGIKOA TAILERRA ETA ARDITURRIKO MINERALAK IRTEERA

Irteera honek bi zati izango ditu, lehena museo barrenean burutuko delarik eta bigarrena, aldiz, Arditurri Meategien inguruan.

Lehenengo, Euskal Herriko historia geologikoaren testuinguru orokorra landuko dugu museoko fosil, arroka eta mineralen bilduma hizpide dugula. Modu honetan, Aiako Harriko magmatismoa eta Arditurriko meategien arrazoi geologikoa ulertuko dugu.

Arditurrira joango gara ondoren. Magmatismoarekin lotura duten mineralizazioak aurki daitezke bertan, eta hain zuzen ere, mineralen bila ibiliko gara, eta horiek identifikatuko ditugu tresna egokiak baliatuz (mailua, beira eta azidoa).
Nahi izanez gero, taldea bitan banatu daiteke eta bi txandatan bi ekintza ezberdin egin: bata Arditurriko Meategira sartu daiteke barrenetik nolakoa den ikusteko bertako begiraleekin, eta bestea mineralen bila joango da Luberriko lankideekin.

13/02/2026

Ikastetxe zein partikularrentzako irteerak:

7.SAN MARKO GOTORLEKUA ETA TXORITOKIETA

Irteerak hiru zati izango ditu. Lehena Oreretako Udalaren baimenarekin, San Marko Gotorlekuaren harresien barrenean izango da. Altuera honetatik inguruko tontor eta paisaia ezberdinak oso ondo bistaratu daitezke, ezin hobea gure lurraldearen historia geologikoa eraikitzeko.

San Marko eta Txoritokietako arroken testuingurua marratu ondoren, San Marko inguruko Kretazeoko arroka sedimentarioen identifikazioa egingo dugu, horretarako beharrezko tresnak banatuko ditugula; tartean mailua, beira eta azido klorhidrikoa egongo dira.

Amaieran, abandonatutako harrobi batera joango gara; bertan Euskal Herrian Kretazeo garaian izandako arrezifeen parte ziren kareharriak eta horiek gordetzen dituzten animalia fosilak hurbiletik ikusi eta identifikatuko ditugu.

13/02/2026

Ikastetxe zein partikularrentzako irteerak:

6.ZARAUTZ GEOLOGIKOA

Bi zati izango ditu irteera honek. Lehenengo, Zarautz eta inguruko arroken jatorri geologikoaz mintzatuko gara eta ondoren, material horiek herriko arkitekturan duten presentzia azalduko dugu. Ba al zenekien Zarautzen azpian diapiro bat d**oela? Eta akuifero bat d**oela baita ere? Zarauzko Flyscha ere landuko dugu, baita Iñurritzako estuarioa eta itsasaldean dauden duna sistemaren ezaugarriak ere bai.

Arkitekturari d**okionez, malekoian dauden harlauza, eskultura eta eraikinak hizpide, XV.mendetik aurrera inguruko labarretatik ekarritako hareharria eta XX.mendean Debatik ekarritako kareharria jorratuko ditugu, baita Brasildik ekarritako granito urdina eta “landare” forma dituen atzerriko hareharria ere, besteak beste.

13/02/2026

Ikastetxe zein partikularrentzako irteerak:

5.DONOSTIA GEOLOGIKOA

Hiriko eboluzio geologikoa eraikiko dugu Euskal Herriko historiaren testuinguruan. Tartean, Urguleko tonboloa nola sortu zen eta gure hondartzak nola eraldatu diren azalduko dugu. Ba al zenekien duela ez askorarte Ondarretan Gorga izeneko erreka itsasoratzen zela? Eta Kursaal-eko eraikina baino lehen Kasino bat zegoela bertan? Eta Zurriolako hondartza artifiziala dela? Eta ba al zenekien Loretopean dinosauroak iraungi zituen meteoritoaren arrastoa d**oela?

Bestalde, oinezko irteera honetan Donostiako eraikinak egiteko material garrantzitsuenak nondik datozen ulertuko dugu, tartean ingurutik ekarritako hareharriz egindako eraikin esanguratsuak eta bestalde, harlauzetan aurki daitezkeen fosildun kareharri grisak ere.

13/02/2026

Ikastetxe zein partikularrentzako irteerak:

4.JAIZKIBEL MENDIA

Irteera honek Jaizkibel mendiaren ezaugarri geologikoak ezagutarazteko aukera ematen du. Ibilbide moldagarria da, ikasleen adinaren, txangoaren abiapuntuaren eta ikastetxearen interesaren araberakoa izango baita.
Oro har, Jaizkibelen itsasorantz okertzen diren Flyscheko hareharrizko geruzak behatuko ditugu eta horiek antzina geologikoan nola eratu ziren eta gerora nola eraldatu diren ulertuko dugu. Jaizkibel itsaspea zenean bizi ziren itsasoko izakien arrastoak behatuko ditugu, baita paramoudra fenomeno geologiko bitxiak ere bai. Eta nola ez, hareharrian higaduraz sortutako geoforma liluragarriak behatu eta ulertuko ditugu.

13/02/2026

Ikastetxe zein partikularrentzako irteerak:

3.ARDITURRIKO MINERALAK

Irteera honek bi zati izango ditu, lehena museoan eta bigarrena Arditurrin izango dela.

Museoan Arditurriko mineralizazioen jatorri geologikoaz mintzatuko gara, eta baita bertan aurki daitezkeen mineralen bitxikeriei buruz ere bai. Hori landuta, mineral horiek nola identifikatzen diren ikasiko dugu egunerokotasunean erabilgai ditugun tresnen bidez.

Ondoren, Arditurri ingurura joango gara. Mineralen bila ekingo diogu mineralak identifikatzeko tresnak gurekin daramatzagula; tartean mailua, beira eta azidoa baliatuko ditugu identifikazioa egiteko, baita identifikazio fitxak ere bai.
Nahi izanez gero, taldea bitan banatu daiteke eta bi txandatan bi ekintza ezberdin egin: bata Arditurriko Meategira sartu daiteke barrenetik nolakoa den ikusteko bertako begiraleekin, eta bestea mineralen bila joango da Luberriko lankideekin.

13/02/2026

2.ERLAITZ ETA PAGOGAINA

Irteera honek aukera paregabea eskaintzen du Euskal Herriko historia geologikoa lantzeko eta baita arroka mota ezberdinak behatu eta identifikatzeko ere.

Irungo Meaga auzotik abiatuta, Paleozoiko amaieran urpetik altxatutako Aiako Harria Parke Naturaleko arbelarekin egingo dugula topo. Goranzko bidea jarraituaz, arrokak aldatuko egingo dira, Permiarreko granitozko plutoia zapalduko baitugu. Horrez gain, bi horien arteko trantsizio guneak identifikatu ahal izango ditugu; izan ere, intrusio magmatikoak ukipen metamorfismoz eragin zuen arbela, bien arteko kontaktuan beha daitekeelarik metamorfismo mota horren ebidentzia.

Pagogaina eta Erlaitz altuguneek Euskal Herriko tontorrak (Larrun, Jaizkibel…) eta Gipuzkoa eta Lapurdiko kostaldea behatzeko aukera ematen digute. Iruneranzko bueltako bidea ekialdeko aldetik egingo dugu.

13/02/2026

Ikastetxe zein partikularrentzako irteerak:

1.AIAKO HARRIA OIARTZUNDIK

Irteera honek aukera paregabea eskaintzen du Euskal Herriko historia geologikoa lantzeko eta baita arroka mota ezberdinak behatu eta identifikatzeko ere.

Elurretxetik abiatu eta Irumugarrietara iristeko bidea hartuko dugu, bidean Paleozoiko amaieran urpetik altxatutako Aiako Harriko arbelarekin egingo dugula topo. Goranzko bidea jarraituaz, arrokak aldatuko egingo dira, Permiarreko granitozko plutoia zapalduko baitugu.

Irumugarrieta eta Muganix tontorrek aukera paregabea ematen dute Euskal Herriko tontorrak (Larrun, Jaizkibel…) eta Gipuzkoa eta Lapurdiko kostaldea behatzeko.

Elurretxera itzuliko gara eta ondoren, Leungo Harkaizetara joango gara. Bertan, Pangearen apurketaz Aiako Harriaren inguruan metatutako Triasikoko konglomeratu eta hareharri gorriak behatu eta landuko ditugu. Azken horietan, Paleozoikoaren eta Mesozoikoaren arteko muga geologikoa ikus daiteke, espezieen mundu mailako desagertze handiena eman zeneko momentuaren erregistroa duena.

Irteera bertan amaitu daiteke edota Luberri Oiartzungo Ikasgune Geologikora joateko aukera legoke. Museoan Euskal Herriko eta Oarsoaldeako fosil eta mineral bilduma handia eta aberatsa beha daiteke.

10/10/2025

Larunbat goizean ederki pasa genuen Zarautzeko geologia ezagutzen! Lehenengo, Iñurritzako Biotopoan geologikoki kokatu genuen Zarautz eta ondoren, malekoia eta herriko harlauza eta eraikinen bitxikeria geologikoak ezagutu genituen!
Milesker, gurekin parte hartzeagatik!! Urte askotarako!! ☺️ Eta milesker etorri zinetenei, aberasgarri egin zenuten bisita gidatua zuen ekarpenekin, benetan!! 👏

Dirección

Donostia-San Sebastián

Horario de Apertura

Martes	09:30 - 14:00
	16:00 - 18:00
Miércoles	09:30 - 14:00
	16:00 - 18:00
Jueves	09:30 - 14:00
	16:00 - 18:00
Viernes	09:30 - 14:00
	16:00 - 18:00
Sábado	10:00 - 14:00
	16:00 - 18:00

Teléfono

943260593

Página web

http://www.luberrimuseoa.eus/

Notificaciones

Sé el primero en enterarse y déjanos enviarle un correo electrónico cuando Luberri, Oiartzungo Ikasgune Geologikoa publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.