Martes 11:00 - 19:30 Miércoles 11:00 - 18:00 Jueves 11:00 - 18:00 Viernes 11:00 - 19:30 Sábado 11:00 - 19:30 Domingo 11:00 - 14:00

Museo do Pobo Galego

Casa
España
Santiago de Compostela
Museo do Pobo Galego

MUSEO DO POBO GALEGO Dispón tamén de seccións de arqueoloxía e de arte.
(438)

A EXPOSICIÓN PERMANENTE

O Museo conta con salas permanentes dedicadas ao mar, aos oficios, ao campo, ao traxe, á música, ao hábitat e a arquitectura, á sociedade e á prensa e a imprenta. O criterio seguido na súa montaxe pretende conxugar nunha visión de síntese as distintas facetas que definen a cultura de Galicia. Lonxe de encerrar no ámbito físico do museo todo o complexo fenómeno cultural, té

ntase proporcionar un compendio da diversidade de Galicia, que sirva como referencia para a valoración das distintas manifestacións dentro do conxunto e para impulsar o interese polo coñecemento directo e a procura de alternativas de futuro para a tradición.

07/09/2026

𝐏𝐚𝐫𝐚 𝐪𝐮𝐞 𝐬𝐞𝐫𝐯𝐞 𝐞𝐬𝐭𝐞 𝐨𝐛𝐱𝐞𝐜𝐭𝐨?

No Museo do Pobo Galego conservamos obxectos que formaron parte do cotiá, coma testemuños que relatan a historia de quen somos, e outros que seguen a ser utilizados hoxe en día en diversos contextos sociais e culturais.
Recoñeces este obxecto? Víchelo nalgunha ocasión?

💬 Déixanos a túa resposta nos comentarios. Na próxima publicación, revelaremos o seu uso e historia!

Cultura de Galicia Deputación da Coruña Pazo de Raxoi

03/09/2026

A investigadora e directora do Comité Nacional de Conservación Textil de Chile 𝐓𝐫𝐢𝐧𝐢𝐝𝐚𝐝 𝐅𝐥𝐚𝐧̃𝐨 𝐌𝐚𝐧𝐝𝐮𝐣𝐚 rastrexou as orixes dos diversos deseños e técnicas das frazadas de flores típicas do Arquipélago de Chiloé, en Chile.

Froito da súa investigación, trazou unha conexión entre estes obxectos téxtiles e os cobertores ou colchas de Galicia, como as que podemos atopar nos fondos da Colección do Museo do Pobo Galego.

O vindeiro xoves, 10 de setembro, Trinidad Flaño dará unha conferencia no Museo do Pobo Galego sobre as 𝑭𝒓𝒂𝒛𝒂𝒅𝒂𝒔 𝒄𝒐𝒏 𝒇𝒍𝒐𝒓𝒆𝒔 𝒅𝒆 𝑪𝒉𝒊𝒍𝒐𝒆́.

🗓️ 10 de setembro
🕖 19:00 h
📍 Museo do Pobo Galego
🎟️ Entrada gratuíta

Cultura de Galicia Deputación da Coruña Pazo de Raxoi

02/09/2026

Comezamos un novo curso moi especial para nós, pois no 2027 o Museo do Pobo está de 50 aniversario 🎂

🏛️💭 Por iso, o Departamento de Educación e Acción Cultural do Museo ofrecerá a partir de xaneiro actividades para experimentar como se constrúe un museo e para convidarvos a imaxinar e construír o Museo do Pobo de mañá.

✏️ No programa didáctico do DEAC podedes atopar propostas para alumnado de infantil, primaria, secundaria e bacharelato centradas nestas e outras actividades de interese para o ámbito educativo: cápsulas do tempo, obradoiros participativos, visitas dialogadas arredor da historia do Museo do Pobo Galego, colaboracións coas radios escolares... e até un escape room polas nosas salas! 😉

🤲✨ Como cada curso, abrimos as portas á comunidade escolar para visitas, xogos e obradoiros desde o primeiro trimestre e durante todo o curso escolar. Estamos encantadas de recibirvos! 🤗

👉 Podedes consultar o programa escolar completo do curso 2026/2027 na nosa páxina web: https://www.museodopobo.gal/gl/evento/programa-escolar-para-o-curso-202627

😊 Que teñades un fantástico comezo de curso!

Cultura de Galicia Deputación da Coruña Pazo de Raxoi

01/09/2026

🏛️🗣️ O martes, 8 de setembro, terá lugar no Museo do Pobo Galego 𝑨𝒎𝒊𝒛𝒂𝒅𝒆 𝒆𝒏 𝒕𝒐𝒓𝒏𝒐 𝒂 𝑩𝒂𝒍𝒕𝒂𝒓, unha xornada de diálogo e conversa entorno á figura do que foi presidente da Xunta Xestora desta casa. Trátase dunha xornada aberta ao público, na que profesionais de diversos ámbitos conversarán arredor da obra e o legado do arquitecto compostelán.

🗓️ 8 de setembro
🕓 16:15 horas
📍 Museo do Pobo Galego
🎟️ Entrada gratuíta

👉 Esta é unha das actividades propostas para este derradeiro mes arredor da exposición 𝑹𝒂𝒇𝒂𝒆𝒍 𝑩𝒂𝒍𝒕𝒂𝒓. 𝑻𝒆𝒔𝒕𝒆𝒎𝒖𝒏̃𝒂 𝒅𝒖𝒏 𝒕𝒆𝒎𝒑𝒐, que pode visitarse no claustro alto do Museo do Pobo Galego até o 27 de setembro.

ℹ️ Consulta o programa da xornada: https://www.museodopobo.gal/gl/evento/xornada-amizade-en-torno-baltar

Colexio Oficial de Arquitectos de Galicia Arquitectos de Santiago ETSAC · UDC Universidade da Coruña Cultura de Galicia

31/08/2026

🎭 Este venres, o claustro do Museo do Pobo Galego será o escenario da performance poética 𝑴𝒆𝒅𝒓𝒐, 𝒎𝒆𝒅𝒓𝒐 𝒆 𝒏𝒐𝒏 𝒔𝒆𝒊 𝒐𝒏𝒅𝒆 𝒑𝒂𝒓𝒂𝒓, de 𝐈𝐬𝐦𝐚𝐞𝐥 𝐑𝐚𝐦𝐨𝐬, no marco do Plataforma. Festival de artes performativas.

🗓️ 4 de setembro
🕔 17:00 h
📍 Claustro do Museo do Pobo Galego
🎟️ Entrada gratuíta

🗣️ Unha acción de poesía performativa que reivindica a palabra como espazo de encontro, resistencia e acción colectiva. A través de panfletos poéticos, intervención gráfica e un recital performativo arredor do verso de María Mariño, a proposta recupera a forza da poesía como ferramenta de mobilización e resistencia.

📷 Foto © P. Souto - Plataforma. Festival de artes performativas

27/08/2026

🗣️ Hai moitísimas maneiras de rematar unha foliada! Nós quedamos con esta, recollida por Dolores Presedo a Consuelo, Florentina e Florinda en Frades no 1984 e gardada no fondo de Baldomero Iglesias no Arquivo do Patrimonio Oral da Identidade (APOI) do Museo do Pobo Galego.

𝐸𝑠𝑡𝑎 𝑣𝑎𝑖 𝑝𝑜𝑟 𝑑𝑒𝑠𝑝𝑒𝑑𝑖𝑑𝑎,
𝑒𝑠𝑡𝑎 𝑣𝑎𝑖 𝑝𝑜𝑟 𝑑𝑒𝑟𝑟𝑎𝑑𝑒𝑖𝑟𝑎,
𝑒 𝑎𝑐𝑎𝑏𝑜𝑢𝑠𝑒 𝑜 𝑐ℎ𝑜𝑐𝑜𝑙𝑎𝑡𝑒,
𝑟𝑜𝑒 𝑑𝑎 𝑐ℎ𝑜𝑐𝑜𝑙𝑎𝑡𝑒𝑖𝑟𝑎.

🔗 Ligazón á cantiga: https://apoi.museodopobo.gal/197/

Grazas por participar nestes seráns, nos que quixemos facer dialogar a tradición gardada nos arquivos (no APOI do Museo do Pobo Galego) coa que vai dentro de todas e todos nós ❤️ Xa volveremos !

🤗🎶 Convidámosvos a darlle o pespunte a este encontro coas vosas coplas de despedida. Lémosvos nos comentarios!

🎧🗄️ E lembrade que podedes visitar o APOI para explorar, aprender e descubrir o noso patrimonio oral popular en https://apoi.museodopobo.gal

Cultura de Galicia Deputación da Coruña Pazo de Raxoi

26/08/2026

🎼 E con esta cantiga finalizamos a nosa foliada de verán. Aí vos vai a derradeira copla. Atención! 📢

👋
𝐸𝑠𝑡𝑎 𝑣𝑎𝑖 𝑝𝑜𝑟 𝑑𝑒𝑠𝑝𝑒𝑑𝑖𝑑𝑎,
𝑒𝑠𝑡𝑎 𝑣𝑎𝑖 𝑝𝑜𝑟 𝑑𝑒𝑟𝑟𝑎𝑑𝑒𝑖𝑟𝑎...

Como remata? 😉 Agora é a vosa quenda! 🙌

Cultura de Galicia Deputación da Coruña Pazo de Raxoi

25/08/2026

👉 Coñeciades estas pezas que se atopan polos corredores do Museo do Pobo Galego?

🌾 Trátase de muíños circulares utilizados no período galaico-romano (ss. 1 a.C - 1 d.C) para moer os cereais e obter fariña. A parte superior móbil denomínase 𝘤𝘢𝘵𝘪𝘭𝘭𝘪 e a interior, fixa, 𝘮𝘦𝘵𝘢𝘦. O seu uso foi introducido en Galicia por vía marítima desde o sur, espallándose dende a costa ao interior.

Cultura de Galicia Deputación da Coruña Pazo de Raxoi

24/08/2026

🧳🌍 Cada día achéganse ao Museo do Pobo Galego visitantes desde diversos puntos do mundo para coñecer a cultura galega.

🤲 Pois un dos obxectivos fundamentais desta casa é precisamente divulgar e promover a cultura do noso pobo de cara ao exterior.

💬 Esta visitante de Londres cóntanos que é o que lle pareceu máis interesante do Museo. E vós, viñestes algunha vez? Que é o que máis vos gustou?

***

🧳🌍 Every day, visitors from all over the world come to the Museo do Pobo Galego to learn about Galician culture.

🤲 One of our main goals is precisely to share and promote the culture of our people beyond our borders.

💬 This visitor from London told us what she found most interesting about the Museum. And you, have you ever visited us? What did you like the most?

Cultura de Galicia Deputación da Coruña Pazo de Raxoi

21/08/2026

🟦🤔 Sabías que, aínda que o pareza, o claustro do Museo do Pobo Galego non é un cadrado?

🏛️✍️ En realidade, dous dos catro lados son un chisco máis longos, mais o arquitecto Domingo de Andrade (1639-1712), que tamén proxectou a coñecida escaleira tripla helicoidal de Bonaval, deseñouno usando efectos ópticos para que pareza un cadrado perfecto e disimular a planta irregular do edificio.

Cales son os lados máis longos? A próxima vez que pasedes polo Museo, podedes comprobalo 😉

Cultura de Galicia Deputación da Coruña Pazo de Raxoi

Dirección

San Domingos De Bonaval S/n, Galiza
Santiago De Compostela
15703

Horario de Apertura

Martes	11:00 - 19:30
Miércoles	11:00 - 18:00
Jueves	11:00 - 18:00
Viernes	11:00 - 19:30
Sábado	11:00 - 19:30
Domingo	11:00 - 14:00

Teléfono

+34981583620

Página web

http://www.museodopobo.gal/

Notificaciones

Sé el primero en enterarse y déjanos enviarle un correo electrónico cuando Museo do Pobo Galego publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.