24/05/2026
ოპოზიციას და ხელისუფლებას ერთნაირი პოზიცია აქვთ ქვეყნის ფუნდამენტალური მოწყობის საკითხში - რუსეთთან ერთად ისინი უარყოფენ საქართველოს რესპუბლიკის დამოუკიდებლობის აღდგენის აქტს. არ აღნიშნავენ დამოუკიდებლობის დღეს - 9 აპრილს, რითაც ეგზისტენციალურ ხიფათს უქმნიან საქართველოს სუვერენიტეტს!
რუსეთი ცნობს 26 მაისს - დაკარგული დამოუკიდებლობის დღეს, და არ ცნობს 9 აპრილს.
მათ აერთიანებთ პუტჩისტური ცნობიერება, რაც თავსმოხვეულია ოკუპანტის მიერ............................
საქართველოს რესპუბლიკის დამოუკიდებლობის დღე 9 აპრილია!
რომ არ აღგვედგინა დამოუკიდებლობა - 1991 წლის, 9 აპრილს, დამოუკიდებლობა დაკარგული გვქონდა.
აღვადგინეთ არა თარიღი - 26 მაისი, არამედ დამოუკიდებლობა.
აღდგენის დღე თავიდან მოპოვების დღეა. აღდგენა არა მექანიკურად მოხდა არამედ - თავდაუზოგავი ბრძოლის და დიდი მსხვერპლის გაღების შედეგად. ამიტომ კონსტიტუციაში ფიქსირებულია აღდგენის აქტი - 9 აპრილი, და არსად წერია, რომ დამოუკიდებლობის დღე 26 მაისია. ყველა საერთაშორისო დოკუმენტებში (გაერო) დამოუკიდებლობის დღედ მიჩნეულია 9 აპრილი. გარდა რუსეთისა, რომელიც არ ცნობს 9 აპრილს.
ლენინმა ცნო 26 მაისი. რამოდენიმე თვეში ომი გამოგვიცხადეს, დაგვიპყრეს და 70 წელი ბარაბას გზით გვატარეს.
რუსეთი ცნობს საქართველოს დამოუკიდებლობას მხოლოდ საკუთარ (სსრკ) ფარგლებში. ცნობს 26 მაისს და არ ცნობს 9 აპრილს. პოლიტიკოსები, რომლებიც არ აღნიშნავენ 9 აპრილს, და ცნობენ მხოლოდ 26 მაისს თვლიან, რომ საქართველო იყო დამოუკიდებელი 70 წლის განმავლობაში, სსრკ ფარგლებშიც, და მაგალითად მოვიყვან - უნივერსიტეტის ასი წლისთავს ზეიმობენ. ისინი დღესაც ცხოვრობენ ბალტინის ფლოტის მიერ აღდგენილ, დამოუკიდებელ სსსრ ში. თვლიან რომ არაფერი გვქონდა მოსაპოვებელი, ისედაც დამოუკიდებელი ქვეყანა ვიყავით, 26 მაისის აქტის საფუძველზე. და გაღებული მსხვერპლი - ტრაგედიის და არა გამარჯვების მომტანი იყო.
ეს მსჯელობა საბჭოთა მენტალობის ნაყოფია - საბჭოთა, უსამშობლო, ბედნიერი ერის სინდრომი, რომელსაც "გრუზია" ისედაც დამოუკიდებელ სახელმწიფოდ მიაჩნდა, რომელიც სწორედ 26 მაისის აქტის საფუძველზე და მის მიერ დადგენილ ტერიტორიულ ფარგლებში გახდა "დამოუკიდებელ" საბჭოთა რესპუბლიკათა კავშირის წევრი. ყველა, ვისაც არა რუსული, არამედ ქართული დამოუკიდებლობა სურდა პროვინციელ ფაშისტად, მტრად ითვლებოდა და სასტიკად ისჯებოდა.
ახალ ღვინოს ძველ ტიკებში არ ასხამენ.
დამოუკიდებლობის დღე 9 აპრილია, რაც 26 მაისის აქტს ანიჭებს თავის საკადრის ადგილს და მნიშვნელობას საქართველოს ისტორიაში, რომელიც არც 26 მაისს დაწყებულა, და არც ადრეულ, აღმაშენებლის ხანაში დაიწყო. ხშირად იკარგებოდა და თავიდან ხდებოდა მოსაპოვებელი, როგორც ეს 1991 წლის, 9 აპრილს მოხდა.
