Krishi Vigyan Kendra Baramati

10/05/2026

10/05/2026

कृषी विज्ञान केंद्र (KVK), बारामती अंतर्गत *दि. ७ ते ९ मे २०२६* या कालावधीत आयोजित करण्यात आलेले तीन दिवसीय *कुक्कुटपालन व्यवस्थापन प्रशिक्षण* पार पडले या प्रशिक्षणाद्वारे आधुनिक कुक्कुटपालनाचे तंत्र आणि व्यवस्थापनाचे धडे नवउद्योजकांना देण्यात आले.
*तज्ज्ञांचे मार्गदर्शन आणि तांत्रिक माहिती*
प्रशिक्षणादरम्यान विविध विषयांवर तज्ज्ञांनी सखोल मार्गदर्शन केले:
*डॉ. रतन जाधव* (माजी विषय विशेषज्ञ, पशुसंवर्धन, KVK बारामती) यांनी पोल्ट्री व्यवसायाचा पाया असलेल्या शेडसाठी जागेची निवड, उभारणीचे प्रगत तंत्रज्ञान आणि शेडचे निर्जंतुकीकरण यावर भर दिला. तसेच, लिटर मॅनेजमेंट (गादी व्यवस्थापन), खाद्य व पाणी व्यवस्थापन आणि लसीकरणाचे महत्त्व स्पष्ट केले.
*डॉ. श्रीकृष्ण खंदारे* (कृषी महाविद्यालय, शारदानगर): यांनी कोंबड्यांच्या विविध जातींची माहिती देऊन उन्हाळ्यातील आव्हानात्मक हवामानात पक्षांचे व्यवस्थापन कसे करावे, याचे मार्गदर्शन केले. त्यांच्या मार्गदर्शन खाली ब्रुडिंग, लसीकरण आणि निर्जंतुकीकरण यांबाबतचे *प्रत्यक्ष प्रात्यक्षिक* देखील राबविण्यात आले.
*डॉ. सचिन सोरटे* यांनी कोंबड्यांवर येणारे विविध आजार, त्यांची लक्षणे आणि प्रतिबंधात्मक लसीकरण या तांत्रिक विषयावर प्रशिक्षणार्थींना मार्गदर्शन केले.
*प्रक्षेत्र भेट (Field Visit)* प्रशिक्षणाचा भाग म्हणून प्रशिक्षणार्थींनी *पणदरे* येथील *लेअर पोल्ट्री फार्म* आणि *आधुनिक EC (Environment Controlled)* तसेच *पिल्लांच्या संगोपनासाठीचे युनिट.( Chick brooding Unit )* शेड ला भेट दिली. यावेळी *श्री. घनवट आणि श्री. साबळे* यांनी प्रत्यक्ष कामकाजाची आणि व्यवस्थापनाची सविस्तर माहिती प्रशिक्षणार्थींना दिली, ज्यामुळे त्यांना व्यावसायिक अनुभवाची जोड मिळाली.
या तीन दिवसीय प्रशिक्षणासाठी पुणे, मुंबई, सातारा, इंदापूर आणि बारामती या भागांतून एकूण २० प्रशिक्षणार्थी उपस्थित होते. कुक्कुटपालन व्यवसायाकडे वळणाऱ्या तरुणांसाठी आणि शेतकऱ्यांसाठी हे प्रशिक्षण अत्यंत दिशादर्शक ठरले.

10/05/2026

10/05/2026

05/05/2026

*बारामतीत शास्त्रीय मधमाशीपालन प्रशिक्षणास उत्स्फूर्त प्रतिसाद*

कृषि विज्ञान केंद्र, बारामती येथे आयोजित एकदिवसीय शास्त्रीय मधमाशीपालन प्रशिक्षणास पुणे, कोल्हापूर, सातारा व सांगली जिल्ह्यातील आंबा, डाळिंब व शेवगा उत्पादक शेतकऱ्यांचा उत्स्फूर्त प्रतिसाद मिळाला.

प्रशिक्षणाच्या प्रारंभी डॉ. मिलिंद जोशी (विषय विशेषज्ञ) यांनी मधमाशीपालनाचे सध्याच्या कृषी व्यवस्थेत असलेले महत्त्व स्पष्ट केले. परागीभवनामुळे पिकांच्या उत्पादनात व गुणवत्तेत लक्षणीय वाढ होत असल्याचे त्यांनी सांगितले.

यानंतर श्री. प्रशांत गावडे (प्रकल्प सहयोगी) यांनी मधमाशींच्या विविध जाती, त्यांचे जीवनचक्र, वसाहतीचे व्यवस्थापन तसेच किड व रोग नियंत्रण यावर सविस्तर मार्गदर्शन केले. आधुनिक व शास्त्रीय पद्धतीने मधमाशीपालन कसे करावे, याबाबतही त्यांनी माहिती दिली.

प्रात्यक्षिक सत्रात सचिन क्षीरसागर यांनी मधमाशींची ओळख, पेट्यांची हाताळणी, हंगामानुसार व्यवस्थापन तसेच किड व रोगांची ओळख याबाबत प्रत्यक्ष मार्गदर्शन केले. यामुळे प्रशिक्षणार्थ्यांना प्रत्यक्ष अनुभव मिळाला.

समारोप प्रसंगी डॉ. धीरज शिंदे (प्रमुख व वरिष्ठ शास्त्रज्ञ) यांनी मधमाशीपालनाचे कृषी क्षेत्रातील महत्त्व अधोरेखित करत परागीभवनामुळे बागायती पिकांचे उत्पादन व उत्पन्न वाढण्यास मदत होते, असे नमूद केले. तसेच केंद्रामार्फत राबविण्यात येणाऱ्या विविध उपक्रमांची माहिती देत शेतकऱ्यांना या तंत्रज्ञानाचा अवलंब करण्याचे आवाहन केले.

कार्यक्रमाच्या शेवटी प्रशिक्षणार्थींना प्रमाणपत्रांचे वितरण करण्यात आले.

04/05/2026

आज दि. 4 एप्रिल रोजी मासाळवाडी तालुका बारामती या ठिकाणी संतुलित खत व्यवस्थापन बाबत कार्यक्रमाचे आयोजन केले होते. त्यामध्ये कृषी विज्ञान केंद्र बारामती मार्फत श्री संतोष गोडसे तसंच कृषी विभाग यांचे तर्फे उप कृषी अधिकारी श्री बी एच लोधाडे साहेब यांनी शेतकऱ्यांना मार्गदर्शन केले.

02/05/2026

30/04/2026