មន្ទីរវប្បធម៌ និងវិចិត្រសិល្បៈខេត្តតាកែវ

13/05/2026

ព្រឹកថ្ងៃពុធ ១២រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៣ ខែឧសភា ឆ្នាំ២០២៦ លោក ឈន ប៊ុនហាក់ ប្រធានមន្ទីរ បានដឹកនាំថ្នាក់ដឹកនាំ មន្រ្តីរាជការ នៃមន្ទីរវប្បធម៌និងវិចិត្រសិល្បៈខេត្ត អញ្ជើញចូលរួមថ្វាយផ្កា និងក្រាបបង្គំថ្វាយព្រះរាជសព្វសាធុការពរជ័យព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ខួប ៧៣ ព្រះវស្សា យាងចូល ៧៤ ព្រះវស្សា ដែលរៀបចំឡើងដោយរដ្ឋបាលខេត្តតាកែវ។
ទូលព្រះបង្គំយើងខ្ញុំព្រះអង្គទាំងឡាយ សូមថ្វាយព្រះរាជសព្វសាធុការពរជ័យ បវរសួស្តីសិរីមហាប្រសើរ ថ្វាយព្រះករុណាជាម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមព្រះករុណាជាម្ចាស់ មានព្រះជន្មាយុយឺនយូរជាងរយព្រះវស្សា ព្រះកាយពលមាំមួន និងមានព្រះរាជសុខភាពល្អបរិបូរណ៍ ដើម្បីគង់ប្រថាប់ជាម្លប់ដ៏ត្រជាក់ត្រជំដល់ប្រជានុរាស្រ្តខ្មែរគ្រប់ៗរូប។

ពិធីប្រារព្ធនៅច្បារមាត់បឹងតាកែវ ។

12/05/2026

នារសៀលថ្ងៃអង្គារ ១១រោច ខែ ពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១២ ខែឧសភា ឆ្នាំ២០២៦ លោក ឈន​ ប៊ុនហាក់ ប្រធានមន្ទីរ បានដឹកនាំកិច្ចប្រជុំស្តីពី”ការពង្រឹងកិច្ចការងារ និងបទបញ្ជាផ្ទៃក្នុង នៃ ការិយាល័យសារមន្ទីរ“ នៅបន្ទប់ប្រជុំមន្ទីរវប្បធម៌និងវិចិត្រសិល្បៈខេត្ត។

12/05/2026

(សាលប្រជុំមន្ទីរ) ​​នៅព្រឹកថ្ងៃអង្គារ ១១រោច ខែពិសាខ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី១២ ខែឧសភា ឆ្នាំ២០២៦ លោក សៅ តុង អនុប្រធានមន្ទីរ តំណាងលោក ឈន​ ប៊ុហាក់ ប្រធានមន្ទីរ បានដឹកនាំកិច្ចប្រជុំស្ដីពីការធ្វើបទបង្ហាញសម្រង់មរតកវប្បធម៌អរូបី ដោយមានការធ្វើបទបង្ហាញពីមន្ត្រីជំនាញការិយាល័យអភិវឌ្ឍន៍វប្បធម៌ ព្រមទាំងមានការអញ្ជើញចូលរួមពីលោក លោកស្រី ប្រធាន អនុប្រធាន ការិយាល័យ និងមន្ត្រីជំនាញពាក់ព័ន្ធ។

11/05/2026

រសៀលថ្ងៃចន្ទ ១០រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែឧសភា ឆ្នាំ២០២៦ លោក សៅ តុង អនុប្រធានមន្ទីរ បានអញ្ជើញចូលរួមកិច្ចប្រជុំបូកសរុបលទ្ធផលនៃការអនុវត្តគោលនយោបាយ “ភូមិ-ឃុំ-សង្កាត់មានសុវត្តិភាព” ប្រចាំត្រីមាសទី១ ឆ្នាំ២០២៦ និងលើកទិសដៅបន្តរបស់រដ្ឋបាលខេត្តតាកែវ ក្រោមអធិបតីភាព ឯកឧត្តម ម៉ក់ ជីតូ រដ្ឋលេខាធិការក្រសួងមហាផ្ទៃ និងជាប្រធានក្រុមការងារត្រួតពិនិត្យ និងជំរុញការអនុវត្តគោលនយោបាយេភូមិឃុំសង្កាត់មានសុវត្តិភាពខេត្តតាកែវ​ និងមាននការអញ្ជើញចូលរួមជាកិត្តិយសឯកឧត្តម យស ណាស៊ី ប្រធានក្រុមប្រឹក្សាខេត្ត និងលោក ស៊ុត ខុន អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ដែលកិច្ចប្រជុំប្រារព្ធនៅសាលប្រជុំធំរដ្ឋបាលខេត្ត។

08/05/2026

08/05/2026

08/05/2026

ព្រឹកថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ លោក ឈន ប៊ុនហាក់ ប្រធានមន្ទីរ បានអញ្ជើញចូលរួមកិច្ចប្រជុំពិភាក្សាអំពី«គម្រោងអភិវឌ្ឍន៍តំបន់កសិទេសចរណ៍ និងរមណីយដ្ឋានជុំវិញភ្នំជីសូរ្យ »ដែលស្ថិតនៅស្រុកសំរោង ខេត្តតាកែវ ក្រោមអធិបតីភាពលោក ញ៉ែម ស្រស់ អភិបាលរង នៃគណៈអភិបាលខេត្តតាកែវ នៅសាលប្រជុំតូចរដ្ឋបាលខេត្តកែវ។

08/05/2026

នាព្រឹកថ្ងៃសុក្រ ៧រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៨ ខែឧសភា ឆ្នាំ២០២៦ លោក សៅ តុង អនុប្រធានមន្ទីរ បានអញ្ជើញចូលរួមកិច្ចប្រជុំរៀបចំទិវាពិភពលោកកាកបាទក្រហម អឌ្ឍចន្ទក្រហម ៨ ឧសភា ២០២៦ ស្ថិតក្រោមអធិបតីភាពឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ និងជាប្រធានគណៈកម្មាធិការសាខាកាកបាទក្រហមកម្ពុជាខេត្តតាកែវ ដែលកិច្ចប្រជុំប្រារព្ធនៅសាលប្រជុំធំរដ្ឋបាលខេត្តតាកែវ។

07/05/2026

នាព្រឹកថ្ងៃព្រហស្បតិ៍ ៦រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៧ ខែឧសភា ឆ្នាំ២០២៦ លោក ឈន ប៊ុនហាក់ ប្រធានមន្ទីរ បានអញ្ជើញចូលរួមពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ អង្គភាពនានាជុំវិញខេត្តតាកែវ ក្រោមអធិបតីភាពដ៏ខ្ពង់ខ្ពស់បំផុត សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា ដោយមានការអញ្ជើញចូលរួមជាកិត្តិយសឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ដែលប្រារព្ធនៅវិទ្យាស្ថានពហុបច្ចេកទេសភូមិភាគតេជោសែនតាកែវ។

06/05/2026

ព្រឹកថ្ងៃពុធ ៥រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែឧសភា ឆ្នាំ២០២៦ លោក ឈន ប៊ុនហាក់ ប្រធានមន្ទីរ បានអញ្ជើញចូលរួមកិច្ចប្រជុំប្រឹក្សាលើការវាយតម្លៃហេតុប៉ះពាល់បរិស្ថាន និងសង្គម សម្រាប់គម្រោងអភិវឌ្ឍន៍ហេដ្ឋារចនាសម្ព័ន្ធទីក្រុង (UIDP) ក្រោមអធិបតីភាព លោក ទុយ សុភ័ក្រ្ដ អភិបាលរងខេត្ត តំណាងដ៏ខ្ពង់ខ្ពស់ ឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ ដែលកិច្ចប្រជុំប្រារព្ធនៅសាលប្រជុំទីចាត់ការផែនការ និងវិនិយោគ (ផ.អ.៣.)។