Zäitrees duerch Lëtzebuerg

Zäitrees duerch Lëtzebuerg Eng Rees duerch vergaangen Zäiten zu Lëtzebuerg mat Hëllef vun Dokumenter aus menger perséinlecher Sammlung
Wann dir nach al Dokumenter (Postkaarten,..)

hutt kennt dir mir gären schreiwen

Stad: Eng Kaart (Fotograf onbekannt) Ufanks 1900 mat der Beschrëftung ,,Luxembourg - Hotel Star´´. Hotel huet kee Bezuch...
07/09/2026

Stad: Eng Kaart (Fotograf onbekannt) Ufanks 1900 mat der Beschrëftung ,,Luxembourg - Hotel Star´´. Hotel huet kee Bezuch zu Stären, mee handelt sech em e Schreiffeeler, well et de richtegen Numm ass Hotel Staar, ofgeleet vum Famillen Numm vum Jean Staar (1848-1917), deen zesumme mat senger Fra Franziska Barnich (1856-1894) den Hotel des voyageurs am Joer 1896 ofkaf hat, an des Hotel ënnert dem Numm Hotel de la gare weider bedriwwen hunn (hei eng Foto vum alen Hotel: https://www.facebook.com/share/1KQ1xN7624/?mibextid=wwXIfr) Vläit hat den ale Besëtzer H. Berchem schonn eng Viranung, well mat dem Ëmsetze vun de Pläng vum Bau vun der neier Brécke (pont Adolphe), stoung den Hotel de la gare mam Terrain deen dozou geheiert huet, am Wee fir déi nei Avenue déi sollt passend zum Bau vun der Brécke entsoe fir Gare mat der Uewerstad ze verbannen, Sou koum et kuerz viru Joerhonnertwend dozou dass no hin an hier dass Famill Staar-Barnich Terrain enteignet gouf, si kruten eng Entschiedegung vum Staat fir dësen Terrain, wei och nach eng weider Geldleeschtung fir kennen en neit Hotel op dem Terrain wou hinne bliwwe war nach, ze baue bezéiungsweis ëmzebauen. Sie ware quasi ,,gezwongen´´ginn en Hotel ze erriichte wat sollt a Bild passen um Eck vun der aler an der neier Avenue. Dëst Hotel, benannt no der Famill , an Hotel Star sollt am Joer 1906 opgoen, et hat 54 Zëmmer, um RDCH war e Café, Banquet Sall, Lies a Früstück Säll wei och e Restaurant mat Veranda fir 100 Leit (et erkennt een och Veranda riets, déi och spéider soll erëm e Sträitthema ginn, mei am Dossier). Ausserdeem huet sech och en Bichergeschäft, e Coiffeurssalon mat Parfümerie am Hotel befonnt. Duerch de plëtzlechen onerwaarten Doud vum Jean Staar sengem Bouf, dem Jean Leon Staar (am Alter vu 34 Joer am November 1938 verstuerwen), deen als Iewen nom Doud vu sengem Pap Hotel weiderbedriwwen hat (hien hat och Hotellerie an der Schwäiz studéiert) a Streidereie wéinst der schonn ugesprachener Veranda, huet Hotel seng Dieren zou gemaach 1938. Gebai gouf nach fir aner Zwecker benotzt duerno: Am Krich gouf Gebai benotzt fir déi däitsch Police ënnerzebréngen vun der däitscher Zivilverwaltung, nom Krich goufe puer staatlech Bureauen do verluecht, éier et 1968 vun der Spuerkeess opkaf gouf a 1970 ofgerappt gouf. Haut befënnt sech an deem neien Gebai nach ëmmer Spuerkeess am RDCH wei een an de Fotoen an de Kommentare ka gesin a ausserdeem ass eng Foto mat Dokumenter a Fotoe ronn zum Hotel Staar an de Kommentaren,

Nidderkuer: Eng Kaart (vum J-M. Bellwald) Ufanks 1900 mat der Beschrëftung ,,L hopital de l usine de Differdange´´. Hei...
04/09/2026

Nidderkuer: Eng Kaart (vum J-M. Bellwald) Ufanks 1900 mat der Beschrëftung ,,L hopital de l usine de Differdange´´. Hei erkennt een dat aalt Nidderkuer Spidol Ufanks 1900, wat sech an der haiteger avenue de liberte befonnt huet. Duerch opkomme vun der Eisenindustrie an déi wuessend Awunnerzuel, gouf et logescherweis och mei krank oder blesséiert Leit, déi bis dohinner ëmmer op Esch a Spidol gefouert goufen a fir dee laangen a beschwéierleche Wee (Leit goufen an der Päerdskutsch gefouert) ze vermeide gouf decidéiert e Spidol zu Nidderkuer ze installéieren. Dofir gouf decidéiert vun der Deutsch-Luxemburgische Hüttengesellschaft Haus Pacquet-Hoferlin (de Jean Pierre Pacquet war Gierwer / tanneur vu Beruff) Ufanks 1900 ofzekafen a ëmzebauen an eng Krankenstation (spéider e Spidol), wou vun de baarmhäerzege Brieder vun Treier bedriwwe gouf ab 1901. 1921 komm Spidol zesumme mat der Schmelz an de Besetz vun der Hadir wei och 1967 an de Besetz vun der Arbed. Bis 1978 huet et als Spidol funktionéiert éier et dann ab 1979 als Fleegeheim genotzt ginn ass. Als 1981 Hôpital Princesse Marie-Astrid fäerdeg war komme Fleegefäll vum alen Nidderkuerer Spidol a Fleegeheim zu Déifferdeng a Gebai hat do ausgedéngt sou dass 1986 decidéiert gouf Gebai ofzerappe fir eng Besser Zoufaart zum neie Spidol ze garantéieren. Am Annexe sinn nach divers Zeitungsartikel wou ee ka liesen dass Leit oft an Nidderkuerer Spidol gefouert goufe sief et duerch Accidenter op der Schmelz oder duerch spille mat Schosswaffen (mam Titel: spielet nicht mit Schiesswaffen) mee leider konnten se och munchmol näischt méi maache wei een och ka liesen. An de Kommentaren as eng Foto dateiert op 1901 wou een Aarbechter an och e Membere vun de baarmhäerzege Bridder erkennt, zu engem Zäitpunkt wou Aarbechte fir Hospital nach am gaange waren.

Esch-Uelzecht: Eng Kaart (vun Maison de gros P. Houstraas, Luxembourg) no 1910 mat der Beschrëftung ,,ESCH/ALZ rue Adolp...
02/09/2026

Esch-Uelzecht: Eng Kaart (vun Maison de gros P. Houstraas, Luxembourg) no 1910 mat der Beschrëftung ,,ESCH/ALZ rue Adolphe-Emile''. Haut gëtt et zu Esch, keng rue Adolphe-Emile, mee Gebaier op der Foto verroden eis dass et sech em déi haiteg rue Stalingrad handelt. Deemools war Strooss nach benannt no der Adolf-Emil-Hütte, benannt no de Bridder Adolf a Emil Kirdorf, dei am 1909 mat hirer Societéit Gelsenkirchener Bergwerks A.G. (deemools déi zweetgréisst Schwéierindustrie no Krupp AG an Däitschland) en Deel vun dem Clair-Chene Besch der Escher Gemeng ofkaf hat an do sollt hier Schmelz bauen, 1911 sollten déi éischt 2 Héichiewen op dem Terrain ugestach ginn. Hei nach eng Interessant Foto, wei Ofholzung vun dem Bësch ofgelaf ass: https://www.facebook.com/share/1JTUipE1Zm/?mibextid=wwXIfr

Elo erëm zur Strooss op dëser Foto, rue Adolphe Emile gouf den 01/06/1947 a rue Stalingrad ëmbenannt, als Erënnerung un déi vill Lëtzebuerger déi do am zweete Weltkrich hier Liewe gelooss hunn: nodeems de Gauleiter Gustave Simon den 30 August 1942 Wehrpflicht fir jonk Lëtzebuerger Männer agefouert huet, goufe ronn 10.200 jonk Lëtzebuerger gezwongen an ,,Wehrmacht'' oder ,,SS'' ze goen, wou de Groussdeel direkt an Ostfront geschéckt gouf. Do komm et am Wanter 1942/1943 zur Katastroph wou och vill Lëtzebuergesch Zwangsrekrutéiert em Liewe komm sinn oder Krichsgefaange goufen am berüchtegte L***r Tambow an éischt vill Joren nom Krich erëm zeréck komm sinn.

Haut dräit Strooss nach ëmmer den Numm rue Stalingrad a Gebaier déi een hei am Bild erkennt, wei zum Beispill de Wafe Wilh. Franck lenks am Bild oder riets den Hotel Müller, wou och e Kino hat (erkennt een un der Schrëft ,,Cinema Eintritt frei'' an der Fënster). Eng Foto als Verglach ass an de Kommentarer.

Stad: Eng Kaart (Fotograf onbekannt ) vum 2ten Januar 1916 ouni weider Beschrëftung. Dat aus dem Joer 1884 gebaute Monum...
31/08/2026

Stad: Eng Kaart (Fotograf onbekannt ) vum 2ten Januar 1916 ouni weider Beschrëftung. Dat aus dem Joer 1884 gebaute Monument zu Éiere vum Guillaume II d Orange-Nassau (gelieft vun 1792-1849, a vun 1840-1849, beléift ënnert de Lëtzebuerger well hien ee Joer viru sengem Doud, Lëtzebuerg déi éischt parlamentaresch Verfassung ginn huet) verréit eis dass mir eis op der haiteger Place Guillaume, am Volleksmond och Knuedler (Numm kennt duerch Mönchen vum Franziskaner Uerden, déi do e Klouschter an eng Kierch haten, an den Numm e Bezuch op de Knuet an hirem Gewand ass) sinn, och wann eng Kopie vun der Statue vum och zu Den Haag steet, ass et hei effektiv de Knuedler an der Stad. Ze erkennen in divers Detailer déi um Monument hänken:

- Uewe Schëld mam Message: ,,Wir wollen eine Freies Volk unter einer freien Grossherzogin ´´

- Blummekranz mat engem Message op der Schléif: ,,A Guillaume II createurs de nos libertes constitutionelles, loyal et fidele observateur de nos droits´´ (op der Foto net gutt ze erkennen, nozeliesen am Artikel vum 03.02.1916 aus der Landwirt Zeitungen, an de Kommentaren den Auszuch)

- Enne Schëld mam Message: ,,Es ist ein Unglück für die Koenige wenn sie das Volk nicht hören´´

Des Message um Wëllem (wei en am lëtzebuergescher Volleksmond genannt gëtt) verroden eis dass 1915/1916 eng Zäit war vu politesche Spannungen, an den 2ten Januar mat der Manifestatioun (et ginn ënnerschiddlech Aussoe vun de Leit déi deelgeholl hunn, engersäits geet et riets vun 20.000 Leit an der Luxemburger Zeitung, anerersäits vu 4000-5000 Leit beim Luxemburger Wort) den Héichtepunkt gebillt hunn, wou Protester sech géint Regierung vum Hubert Loutsch (säit 6 November 1915 mee ouni Majoritéit an der Chamber, bestoend nëmmen aus Ministere vun der Rietspartei) mee och géint déi deemoleg Groussherzogin Marie Adelheid. Ursaache vun dëser Onzefriddenheet an der Bevëlkerung waren, dass Lëtzebuerg ënnert der däitscher Besetzung am éischte Weltkrich ënnert Liewensmëttel Knappheet gelidden huet an Infiltratioun, wei och déi Politesch Krise : Déi vun der Groussherzogin agesate Regierung hat Minoritéit an der Chamber, déi trotz vun der Groussherzogin gefuerderten Neiwalen, déi am Dezember 1915 stattfonnt huet, näischt changéiert huet an se trotzdeem un dëser Regierung festgehalen huet, huet zu staarken Onrouen an der Chamber gefouert. Aus der Siicht vun der Oppositioun war et en Ugrëff op déi parlamentaresch Demokratie a si hunn der Groussherzogin virgeworf en autoritären Staat ze feieren. Natierlech huet och nach Neutralitéitsfroe eng grouss Roll och gespillt a et gouf der rietser Partei wei och de Groussherzogin virgeworf ze däitsch frëndlech sech ze behuelen a mat deelweis mat den däitsche Besëtzer ze kooperéieren.

Resultat war dass Regierung vum Hubert Loutsch den 11 Januar 1916 e Mësstraue Vott verluer huet a Misst zeréck trieden, Groossherzogin ass am Januar 1919 zeréck getrueden, nodeems hier Haltung zu den däitsche Besëtzer virgeheit gouf an se sou matter och Monarchie wollt retten an deem se Troun hirer Schwëster Charlotte ginn huet

Diddeleng: Eng Kaart (vum N.Schumacher, Mondorf les bains) ëm 1910 mat der Beschrëftung ,,Düdelingen Burgstrasse Dudelan...
28/08/2026

Diddeleng: Eng Kaart (vum N.
Schumacher, Mondorf les bains) ëm 1910 mat der Beschrëftung ,,Düdelingen Burgstrasse Dudelange rue du bourg´´ Hei erkennt een déi deemoleg rue du bourg, haut geheiert dësen Deel zur avenue Grand Duchesse Charlotte. Am Réck ass nieft der place de l'hotel de ville och Ruckesch Gässel (direkt vis a vis vum Gemengenhaus), benannt nom Diddelenger Architekt a Entrepreneur Joseph Ruckert (1952 verstuerwen), deem Ausféierung vun de Pläng zum Bau vum neie Gemengenhaus am Joer 1928 uvertraut goufen (hei eng Foto wou Gemengenhaus nach net stoung, mee een no engem Artikel vun der Revue vum 5ten Oktober de Joseph Ruckert erkennt wei ee Buergstrooss, haut place de l´hotel de ville, erof trëppelt, et soll dee ganz riets si bei der Groupe vun deene 4 Leit fir: https://www.facebook.com/share/p/1ESUKrUxUY/?mibextid=wwXIfr ). Fir riets am Bild, haut besteet Gebai net mei (et ass am neie Gebai e Fotosgeschäft ënnert anerem am RDCH), erkennt een nieft dem Cafe du Commerce, nach de, P. Schmitt säin ,,Auskunftsbureau und Incassogeschäft´´deen nieft sengen Aktivitéite fir Geld professionell anzezéien wou Scholden op waren, och de Leit ugebueden huet se um Gericht ze vertriede bei Handels an Zivil Saachen. Niewendrun, wou Gebai nach haut besteet, ass déi haiteg Brasserie Safe, deemools nach Epicerie Liegeois-Theis (hei eng Foto mat weider Erklärungen: https://www.facebook.com/share/p/1HogXpUhyq/?mibextid=wwXIfr ) an hannen an der Strooss (gutt ze erkennen un de markante Symboler vun der Schmelz un der Fassad déi haut nach do sinn) erkennt een den deemolegen Econmat (wou haut de Cafe Why Not ass), eng Aart Epicerie extra fir Aarbechter vun der Schmelz, hei eng besser Foto mat mei Erklärungen: https://www.facebook.com/share/p/1HaoVYzmYG/?mibextid=wwXIfr

Iechternach: Eng Kaart (vum J.M. Bellwald, Echternach) vum Abrëll 1919 mat der Beschrëftung ,,Les americains a Echternac...
26/08/2026

Iechternach: Eng Kaart (vum J.M. Bellwald, Echternach) vum Abrëll 1919 mat der Beschrëftung ,,Les americains a Echternach I Bat. 108 Engrs ,,Right dress´´April 1919´´ Nodeems den 2ten August 1914 däitsch Truppen a Lëtzebuerg amarschéiert sinn, an Neutralitéit vum Land verletzt hunn andeems se all strategesch wichteg Punkte wei zum Beispill Schinnennetz oder Eisenindustrie besat haten, war de Krich och zu Lëtzebuerg ukomm. Lang Joeren soll Lëtzebuerg besat bleiwen, ënnert de Fliger Ugrëff a Liewensmëttel Knappheet leiden éier den 21 November 1918 éischt amerikanesch Truppe sollten a Lëtzebuerg eramarschéieren a doduerch déi däitsch Besëtzer verdreiwen. Amerikaner sollte bis September 1919 a Lëtzebuerg bleiwe, mam Zill Stabilitéit vum Land an och de Opbau vum Land nom Kirsch ze ënnerstëtzen. Hei erkennt een Truppe vun der 108 Engineers (Pionéierregiment vun der 33 Division) wei se op der Maartplaz zu Iechternach am Abrëll 1919 stinn, wou Iechternach als Garnisounsstad benotzt gouf, an se häerzlech wëllkomm geheescht goufe vun der Bevëlkerung. Den 8ten Abrell 1919 sollten Truppen vun der 108 Engineers vun Iechternach ofgezu ginn, mee 2 Deeg doropper den 10ten Abrëll huet erëm geheescht ,,at home again´´nodeems se erëm zeréck op Iechternach komm sinn. Den 20ten Abrëll am gläiche Joer soll et awer dunn endgülteg erëm Heem an Amerika goen, nodeems nach eng grouss Inspektioun duerch den Divisiouns Generol Bell statt fonnt hat.

Hollerech: Eng Kaart (vum Verl. A. Weidmann, Photogr. Luxembourg ) Ufanks 1900 mat der Beschrëftung ,,Hollerich, place d...
24/08/2026

Hollerech: Eng Kaart (vum Verl. A. Weidmann, Photogr. Luxembourg ) Ufanks 1900 mat der Beschrëftung ,,Hollerich, place du marche´´ Ze erkennen ass déi haiteg rue baudouin (op der Héischt Hausnummer 49), eng Strooss déi laanscht Place Saints Pierre et Paul verleeft, wat deemols Maartplaz, wei uewen op der Kaart beschriwwen ass, war vun der deemools eegestänneger Gemeng Hollerech. Ze erkennen op der Foto ass lenks de Cafe de l industrie, dee senge Gäscht och eng Keelebunn a Billard ugebueden huet mat engem Consum Geschäft (en Eenzelhandel Geschäft dee Liewensmëttel an Artikel fir den deegleche Bedarf ugebueden huet), wou Gebai haut nach besteet, a wou ënnen um RDCH Hollerech Stuff nach Gäscht empfänkt (Foto an de Kommentaren). Niewendrun erkennt een nach Geschäft vum P. Merjay en Usträicher an e Wunngebai, Gebaier déi haut net mei do stoen. Virdrunner sti Pompjeeën an eventuell och den Hollerech Buergermeeschter an der Mëtt (tëscht de Pompjeeën) nieft anere Schauluschtegen (deemools war et schonn e besonnesch Evenement wann eng Foto opgeholl gouf, warscheinlech oder zimmlech sécher, konnt kee vun deene Leit op der Foto sech virstellen dass Foto mat hinnen iwwer 100 Joer duerno um Internet géing optauchen). Hollerech, fir genau ze si Por Hollerech, gouf am 10ten Joerhonnert déi éischte kéier erwäänt, wou et am Mëttelalter nieft Bauerenhäff och ënnert anerem Steebréch a Kalk Uewe gouf, déi déi no geleeë Festungsstad beliwwert hunn. No der Ouverture 1859 vun der Gare ass zu Hollerech Industrie an den Handel opgeblitt, wat als Resultat hat dass Bevëlkerung sech a kuerzer Zäit Enn vum 19ten Joerhonnert verduebelt hat.. 1920 zesumme mam Rollengergronn a Hamm, ass Hollerech u Stater Gemeng agliddert ginn, wou se haut nach ëmmer zu enger vun de 24 Quartiere vun der Stater Gemeng ugehéiert (an de Kommentaren ass nach eng Foto vun enger Enveloppe aus dem Joer 1917 vun der Hollerech Administration communale). Hollerech war och bekannt duerch säi Gaswierk, hei eng Foto mat mei Erklärungen: https://www.facebook.com/share/p/195TGk6eos/?mibextid=wwXIfr

Déifferdeng: Eng Kaart (vum Charles Bernhoeft ) Ufanks 1900 mat der Beschrëftung ,,Differdingen Blockwalzwerk'' Eng Foto...
21/08/2026

Déifferdeng: Eng Kaart (vum Charles Bernhoeft ) Ufanks 1900 mat der Beschrëftung ,,Differdingen Blockwalzwerk'' Eng Foto déi e wichtegt Stéck Industriegeschicht vun Déifferdeng festhält: ze erkennen ass Walzanlag vun der Déifferdenger Schmelz wei se fréier am Déifferdenger Stolwierk am Asaz war. Bei der Walzerei gouf de gliddege Stol, deen aus der Produktioun koum, tëscht Walzen duerchgedréckt. Duerch dëse Prozess gouf de Stol mei dënn, méi laang an déi gewënschte Form bruecht. Jee no Walzanlag konnten esou zum Beispill Schinnen (wei zu Rodange), Träger (wei hei am Beispill déi bekannte Grey Träger) oder aner Stolprofiller hiergestallt ginn. Déi grouss horizontal Walzen am Zentrum vun der Foto waren dobäi e wichtege Bestanddeel. De Stol ass tëscht de Walzen duerch gelaf an ass bei all Passage weider geformt ginn, D'Kraaft, déi do néideg war, war enorm, dofir gesäit een och déi massiv Konstruktioun, grouss rieder, Wellen an Transmissiounen. Des Schmelz hat duerch Produktioun vun hire Grey Träger déi duerch ganz Welt verschéckt a verbaut goufen, e enormen Erfolleg och wann Ufanks Ulaf Problemer goufen: Déi éischt Societéit ,,Soicété anonyme des mines et hauts fourneaux de Differdange'' huet misst 1886 Faillite umellen (an de Kommentaren ass e Schreiwes mam Stempel ,,Société anonyme des Mines et des Hauts-Fourneaux de Differdange En faillite les curateurs'' wou ee vun de Curateuren den Alphonse München, e lëtzebuergeschen Industriellen deen och ënnert anerem Direkter war an den Hollerech Schmelz, ënnerschriwwen huet). Aus der Faillite vun der dëser Societéit sollt do am Joer 1896 ,,Sciété anonyme des hauts-fourneaux de Differdange'' entsoen, wou de virdrunner ernimmten Alphonse München och ënnert anerem Matgrënner war.

Adresse

Avenue Grand-duchesse Charlotte
Dudelange
3440

Site Web

Notifications

Soyez le premier à savoir et laissez-nous vous envoyer un courriel lorsque Zäitrees duerch Lëtzebuerg publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type