22/04/2026
Esch-Uelzecht: Eng Kaart ( Fotograf onbekannt ) Ufanks 1900 mat der Beschrëftung ,,Esch s/A. Luxemburgerstrasse - rue de Luxembourg´´ E flotten historesch Abléck, wou des Foto eis weist a Lëtzebuerger Strooss (vun der Gemengeplaz ausgekuckt), wei se am freien 20. Joerhonnert ausgesinn huet,. zu engem Zäitpunkt wou dat haiteg Gemengenhaus nach net do stoung (et huet sech an der Uelzechtstrooss, wou haut de Centre Mercure ass, befonnt, hei eng Foto vum alen Gemengenhaus: https://www.facebook.com/share/p/1EAXavCXEr/?mibextid=wwXIfr ). Zu där Zäit war des Strooss eng wichteg Verbindungsachs an e Symbol vum wuessende wirtschaftlechen a gesellschaftleche Liewen an der Stad vun de Schmelzen, wei Esch nach genannt gouf. D´Architektur an d´Atmosphär erënneren un eng Epoche, an där Esch sech lues a lues zu enger moderner Industriestad entwéckelt huet, eng Zäit gepräägt vu Wuesstum, Mobilitéit an industriellem Opbroch. (waren zu Esch am Joer 1871 nach 3946 Awunner, waren et 1910 scho 16461 Awunner). Dëse Wuesstum huet Stad Esch och virun eng Erausfuerderung gestallt, well 1903 hat Gemeng (bei enger Bevëlkerung schonn iwwer 10.000 Awunner) nëmmen 13 Ugestallter :ee Sekretär, ee Finanzbeamten, ee Bürougestalten, ee Kommissär an zwee Polizisten, e Gemengenarchitekt, e ,,Flurhüter´´, e Fieschter , e Stroossenaarbechter, e Maschinist an en Hëllefsmaschinist fir d’Waasserversuergung, en Inspekter an en Opseher fir de Schluechthaus, e Chouer Leeder an en Doudegriewer.Entscheedend an dëser Phas war den Afloss an d’Aktivitéit vun der neier Mëttelklass, déi sech am Kontext vun der Industrialiséierung an der Urbaniséierung entwéckelt huet. Duerch déi mat der industrieller Entwécklung verbonnen technesch Déngschtleeschtunge sinn nei Aarbechtsplazen, Beruffer a Méiglechkeete fir matzewierken entstanen. Et goufen elo Ingenieuren, Viraarbechter an Techniker gebraucht, an déi industriell Betriber haten e wuessende Besoin u Büro- an Agestallten. Och an der Stad selwer ass et noutwenneg ginn, de Déngschtleeschtungssecteur auszebauen. Et goufe méi Händler fir den Eenzelhandel, Wierten, Hotelbesëtzer an aner Mataarbechter am Handels- a Serviceberäich gebraucht, awer och Vertrieder vun akademeschen a professionelle Beruffer: Architekten, Dokteren, Apdiktere souwéi technesch ausgebilten Eisebunns- a Bank U(gestallten. Den ëffentleche Secteur an d’Schoulwiesen hunn sech och weiderentwéckelt, wat zu enger zouhuelender Zuel vu Staatsbeamten, Primär Schoulmeeschteren an no 1900 och Lycéesprofessere gefouert. Hei un der Strooss erkennt een dass wat Besoin vun den Escher Leit war: Caféen, riets Tubaksgeschäft J.P. Kirsch, wei dat bekannte Geschäft Buchholtz (wou Aarbechter ënnert anerem hier Karbidsluuchte konnte kafen)
