19/10/2026
Wara l-ġurnata li esperjenzajna lbieraħ, sew bil-ftuħ għall-pubbliku tal-kappella kif ukoll waqt il-manifestazzjoni bl-istatwa ta’ San Publju nħossuna grati għall-apprezzament u r-rispons li kellna. Il-kappella mhix sempliċiment mużew, imma hija post ħaj li għal tant snin ilu jagħti valur u jrawwem żgħażagħ biex japprezzaw il-patrimonju li ħallew missirijietna. Il-manifestazzjoni bl-istatwa ta’ San Publju, lanqas mhi sempliċiment okkażjoni ta’ divertiment. Permezz tal-preparamenti li jsiru qabel, din issir esperjenza ħajja ta’ komunità li kapaċi tiċċelebra l-fidi tagħha fil-beraħ b’mod dinjituż. Iċ-ċentru jibqà Alla li lejH aħna grati għax għoġbu jinqeda b'San Publju biex jiltaqa' magħna. Ninsabu ċerti li dawn kienu okkażjonijiet fejn fihom sar il-ġid.
Ħajr lil dawk kollha li tawna s-sapport meħtieġ: Il-Kunsill Lokali Floriana, is-Soċjetà Filarmonika Vilhena u l-Assoċjazzjoni Publju ta’ Malta. Fuq kollox grazzi lill-benefatturi tal-kappella u lil dawk kollha li żaru l-kappella bi ħġarhom.
