Museum Xagħra

Home
Malta
Xagħra
Museum Xagħra

Museum Xaghra is the Society of Christian Doctrine's branch in Xagħra Gozo.

05/05/2026

Festa ta' San Ġorġ Preca
Se niċċelebraw il-festa tal-Fundatur tagħna nhar il-Ġimgħa 8 ta' Mejju fil-quddiesa tas-7pm fil-Bażilika. Kulħadd mistieden speċjalment il-familji bit-tfal li jattendu l-qasam, il-benefatturi u ħbieb. Isir il-bews tar-relikwija ta' Dun Ġorġ u jitqassam ktejjeb żgħir ta' tifkira. Wara t-tfal huma mistiedna jiġu l-Museum biex nieħdu pizza u drink flimkien. San Ġorġ mis-sema jberikna u jħarisna.

23/04/2026

Laqgħa għall-Magħżulin u Aspiranti Għawdxin

04/04/2026

Il-Mulej qam tassew! Allelujah! Bħalu għad inqumu aħna.
"Wisq raġun aħna għandna biex nifirħulek, għax permezz tiegħek aħna sibna l-ħajja. Inti int il-vera kawża tal-ferħ tagħna għall-kbir unur li għoġbok tagħmlilna li ma stħajtx tissejjaħ wieħed mill-aħwa tagħna. U mill-ġdid nitolbuk biex tiftakar fina; biex jirnexxielna li l-ferħ tagħna jkun mimli għal dejjem ta' dejjem. Ammen"
Silta mill-Programm tal-Għid il-Kbir ta' San Ġorġ Preca.
L-Għid it-tajjeb lil kulħadd!

27/03/2026

PROGRAMM TAL-ĠIMGĦA MQADDSA FIL-MUSEUM.
Il-Ġimgħa Mqaddsa! Ġimgħa li biddlet id-dinja. Ġimgħa li nisperaw li tbiddel lilna ilkoll.
Matul din il-ġimgħa tant għażiża, se nimxu ma' dan il-programm. Wara din il-ġimgħa, il-ġranet u l-ħinijiet tal-laqgħat jibqgħu l-istess.

25/03/2026

25 ta' Marzu: It-tħabbira tal-Mulej
" Arawha, ix-xebba ssir omm u jkollha iben u ssemmih Għimmanu-El (għax Alla magħna)". Bl-iva ta' Marija lill-anġlu, l-Iben t'Alla tnissel fil-ġuf safi tagħha.
Wara li Dun Ġorġ għażel il-kliem "Verbum Dei caro factum est" biex ikun ikun id-distintiv tal-membri tal-Għaqda tiegħu, xtaq jorbot dan il-misteru tal-Inkarnazzjoni mal-Madonna. Għalhekk ordna pittura tagħha għand Rafel Bonnici Calì li segwa d-dettalji preċiżi ta' kif ridha Dun Ġorġ. Din ix-xbiha Dun Ġorġ kien isejħilha il-Madonna tal-Verbum Dei. Ejjew nifirħu lil Marija għax-xorti kbira li sabet quddiem Alla filwaqt li nitolbuha biex bħalha dejjem nagħmu ir-rieda tiegħu.
"Ifraħ o Verġni Marija, għax int sibt grazzja quddiem Alla. Int li emmint għal kelmiet tal-arkanġlu Gabriel, filwaqt li bqajt xebba, nissilt lil Alla u bniedem. U wara li tajtu lid-dinja, bqajt xebba bla mittiefsa. Omm Alla idħol għalina."

17/03/2026

FESTA TA' SAN ĠUŻEPP
"O San Ġużepp, nixtiequ nqimuk kif l-iżjed jogħġob lilek, u safejn nafu aħna li hija wisq għal qalbek is-sjufija tiegħek, għalhekk noffrulek il-qalb safja tiegħek sabiex nunuraw, u sabiex niġbdu minnek fuq is-Soċjetà kollha Museumina l-benedizzjoni, il-protezzjoni u kull ġid ieħor spiritwali u temporali. Ammen"
Għeluq ta-talba tat-tlett inkini lil San Ġużepp, miktuba minn San Ġorġ Preca.
"Wisq safi Ġużeppi, li ħarist l-Omm Verġni, Int missier hieni, itlob 'l Alla għalina."
Jixraq li f'dan il-jum nikkuntemplaw il-ħajja ta' San Ġużepp speċjalment in-niket u l-ferħat tiegħu

06/03/2026

JUM IL-VOKAZZJONI MUSEUMINA
Kien fis-7 ta' Marzu, 1907 li Dun Ġorġ Preca laqqa' għall-ewwel darba grupp ta' żgħażagħ ġo post mikri fil-Ħamrun li serva bħala l-ewwel qasam tal-Museum. Jum li aktar t**d beda jiġi meqjus bħal Jum is-Sejħa tagħna tal-Museum. Waqt li nirringrazjaw lil Alla għal dawn il-kważi 120 sena ta' ħidma, inkomplu nitolbu biex iktar żgħażagħ jagħtu widen għas-sejħa li l-Mulej jista' jagħmlihom fl-għaqda tagħna biex Kristu jkun iktar magħaruf u maħbub.

22/01/2026

Laqgħa għall-Magħżulin u l-Aspiranti
Se ssir laqgħa għal dan il-grupp ta' adoloxxenti Għawdxin (Yr9 'il fuq) fil-Museum ta' Għajnsielem nhar il-Ġimgħa 23 ta' Jannar. Niltilqu mill-qasam tagħna fis-7pm. Aktar dettalji intbagħtu f'email.

28/12/2025

O Happy day!
Jum ta’ ferħ kbir: is-Sibt 27 ta’ Dicembru, 2025 ħames żagħżagħ, fosthom wieħed Għawdxi, wara snin ta’ formazzjoni, ingħaqdu formalment bħala soċji fis-Soċjetà tad-Duttrina Nisranija, MUSEUM, f’hekk imsejħa ċ-Ċerimonja tal-Inkorporazzjoni.
Għax Alla għadu u jibqa’ jsejjaħ. U iva, għad fadal żgħażagħ ġenerużi li lesti Ii minkejja kull tfixkil, jilqgħu s-sejħa tiegħu bil-ferħ. Waqt li nirringrazzjaw lil Alla li għoġbu jbieriek lis-Soċjetà tagħna b’dawn il-membri ġodda, nimpenjaw ruħna li: (1) nitolbu għalihom biex jgħixu l-vokazzjoni tagħhom b’mod awtentiku u jagħmlu l-ġid permezz tal-vokazzjoni tagħhom fis-Soċjetà (2) inkomplu nitolbu biex meta jasal il-waqt, xi ġuvnott mir-raħal tagħna tax-Xagħra, li tant ta vokazzjonijiet, ukoll jilqa’ u jħaddan is-sejħa Museumina biex il-ħidma tas-Soċjetà tagħna tkun tista’ tkompli għaddejja fir-raħal għażiż tagħna, u kell fejn ikun hemm bżonnu.
Intant, nhar it-Tlieta 30 ta’ Diċembru se niċċelebraw dan l-avveniment b’quddiesa ta’ ringrazzjament fid-9.30am il-Qala u wara nkomplu nifirħu ma’ dawn il-membri ġodda. Id-dettalji ntbagħtu lill-ġenituri tat-tfal li jistgħu jingħaqdu magħna. Deo gratias.

23/12/2025

DIMOSTRAZZJONI BIL-BAMBIN U PROGRAMM TAL-MILIED
L-Iben t'Alla sar bniedem. Glorja lill-Missier u lill-Iben u lill-Ispirtu s-Santu. Ingħaqdu magħna l-Ħamis jum il-Milied, f'dimostrazzjoni bl-istatwa ta' Ġesù Bambin, li xtaq li ssir il-Fundatur tagħna San Ġorġ Preca, b'turija ta' fidi fil-misteru kbir tal-Inkarnazzjoni: l-Iben t'Alla jsir bniedem bħalna u għalina.
Nitilqu mill-qasam tagħna fil-5pm. Takkumpanja l-banda Victory. Ngħaddu mit-toroq Parisot, Tiġrija u niefqu fil-Pjazza l-Vitorja. Dritt wara fis-6pm nistednukom għall-Programm tal-Milied fil-bażilika, b'poeżiji, kant, il-prietka tradizzjonali tat-tifel u dramm, din is-sena maħdum live, jismu "L-anġlu li baqa' barra." Jittellgħu diversi rigali sbieħ. Narawkom!

Address

"Dar Dun Gorg", Dun Ġorġ Preca Street
Xagħra
XRA2054

Telephone

+35679563662

Website

http://www.sdcmuseum.org/xaghra

Alerts

Be the first to know and let us send you an email when Museum Xagħra posts news and promotions. Your email address will not be used for any other purpose, and you can unsubscribe at any time.

Contact The Museum

Send a message to Museum Xagħra:

Shortcuts

Want your museum to be the top-listed Museum in Xagħra?