https://youtube.com/@luangkhawm-o7o?si=WptTtUEmlU7S3r13

LUANG KHAWM, Jalan maharajarela, Petaling Jaya (2026)

20/04/2026

ZUN KHUM [DIABATIES]

20/04/2026

ZUN KHUM [DIABATIES]

Tuni in ah I gen ding thu a hih leh mi tampi tak te in I buai pih mah mah a hi, zunkhum/sikhum thu I gending hi.

I pumpi in a khumpalo in om theilo hi, ahih hangin I pumpi in a ki sapzahval a khum I pumpi ah a om ciangin, natna te lak ah I deihloh pen pen zun khum ki ngah thei hi.

Hih bang a I sikhum dan a pong manloh a, I om ciang zunkhum a nei I hita hi. I pumpi aa cells tuam tuamte in a bawl, Pancrease cih te lak ah cells khat ahi, Beta cells ki ci-in Insulin piang sak hi, hih insulin I cihte in I pumpi’deih zah lian ding a khum [glucose] te a buaipih hi a, hih cells te in hoihlo[ki sia] in na asep ding bang a sep theih kei leh insulin tawm sak a hih kei leh bawl khialo thei hi. I pumpi in a ki tangsap sang a tam zaw a khum a om leh zun khum nei I hi ta hi.

Zun khum I cih pen a damthei nawnlo, I sisan ah a om den[chronic disease] I cihte a hi hi.
Natna khen khat te bang a, zatang nek hang a damthei te hi nonlo a, a hi zongin ki kep theih a hi hi. Hih I ki kepna pen a zatui hoih pen pen khat a hi hi, hoih tak a i kikep leh sihpih theihna natna te hi lo leu leu hi.

Hoihtak ih ki kep kei leh bel natna tuam tuam te tawh kopin , mi pawi ki suak thei a, sihna zong piang sak thei natna khat na hi veve hi. Ei leh ei ii ki kep zawh loh a, thusim mello leh thadah a ki kem nuamlo te a ding in, a lau huai mah mah natna khat a hi hi.

Hih zunkhum I cih pen nam nih in ki khen thei a tua te in: Insulin dependent diabetes (IDDM/Type1) leh
Non-Insullin dependent diabetes (NIDDM/Type2) te a hi hi.

Hih zumkhum nam nih te ki lamdanna leh ki batloh na I theihna dingin
Type-1 pen ah Beta cells in insulin ii ki tangsap/deih zah bawl khia lo, ahih kei leh bawllo lim lim .
Type-2 ah a hih leh I ki tangsap zah a hi zong in, tuasang a tawm zaw a bawl theih lai in ii pumpi in a hi dan dingin zanglo a hi hi.

Type-1 a hih leh k*m30 nuailam te in tangpi in a nei zaw deuh uh hi.
Type-2 a hih leh k*m30 tunglam a hi zongin , upa khin lam te sung ah om deuh zel hi.
Type-1 a hih leh zatang nek in khiatna neilo a, insulin zang a kep kulte hi.
Type-2 a hih leh zatang tawh ki kep zawk ding hi a, insulin hih kul tuanlo hi.
Type -1 ahih leh a tangpi in hong om vat natna nam hi a, a natna ngah (vei) zong tawm zaw hi.
Type-2 a hih leh dam dam a ki pan a hi hi. A natna ngah(vei) zong tam zaw hi.
Type-1 ahih leh gilkial leh dangkeu, ban ah tha zaw mah mah gim mah mah dan in ki om thei hi.
Type-2 a hih leh tuabang dan in om tuanlo uh a , tua bang lua in nasia lua pah lo hi.
Type-1 a hih leh I pumpi a gihna ding sang a giik zaw, a hih kei leh zang zawin ki om thei hi.
Type-2 a hih leh a hoihbek a hi zong in, gihna khang zaw namte a hi uh hi.

Zunkhum I neih theih dan a hih leh kibang lo a, tua ii neihtheihna tuam tuam te a hih leh…..
Khang gui pan zong hi thei in, ipi ipu ‘ ihnu le ipa te in zunkhum a nei te a ding in ( vei) ngah baih pha diak uh hi. Naupaite in a naupai lai vua zunkhum a neih leh nek leh dawn, adiakin a khum leh a thau nak nek na hangin, nasep neilo a om tha maanglua, exercise ngahlo lua te leh ii pumpi ah natna lungno (infection) hang in, nekleh dawn limci nek lohna hang leh Fibre vitamin namte tawm nekluatna hang, zu nakdawn lua te leh sawtvei a ne a dawn khinsa te in ngah baih deuh uh hi. Thau luatna hang, leh a dang tampi zong om lai ding hi.

Zunk*m nei te koi bang in ki thei ding?

Zunkhum a ki latkhiat dan a taangpi in,
gilkial den leh daangtak, luvai leh bang mah sep loh hang a gim (tawl) tha zaw ngau ngau
zun suak den leh zun tam mah mah, ii pumpi a hi ding zah sang in ih gihna kia (KIAM) lua. Mit tha hatlo khua hoih tak a mu theilo, natna khatpeuh peuh ngah baihin, liamma te zong dam hak mah mah.

Anatna asawtvei ciangin nerve hoihlo sak in mit tawtna, lungtang leh kal hoihlohna te cihzah d**g in piangsak theihi.

I pumpi ah a khum a tamluatna hangin hyperglycemic shock ki ngah thei a, a tawm luat leh hypoglycemic shock ki ngah thei hi.

A Shock ciang in pumpi zawm lak a, khua ulnel suak, khuamuhna hoihlo, khutdawh zong manlang sak thei a, khuaphawklo in zong om theih ban ah zong sih suak theih lai hi.

Tua leh natna ih ngah loh nading in koi dan in ki kem thei ding leh a ngah khin te in koi dan aa ki khoi thei ding ih hiam?

Bang ci dan in ki keem in ki khoi ding I cih ciang in, mi hing pumpi leh natna dinmun te ki banglo a hih manin, bang hih ding bang bawl ding cih zong gen dan ding haksa mah mah hi. Zunkhum ki kepna ding in zatang bek thupi masa hi tuanlo in, i ni sim nunta zia (life style modification) za tang zah a thupi khat leh a ki tangsam pipen khat a hi hi.

Tua ban ah bang ci ki kep theih lai ih hiam cih leh ki check up den zong a kul mah mah khat ahi hi. Gentehna ah mikhat zunkhum a nei cih I theih khat pen, ongbuai in ong shock lak leh , ii lungsim sung ah a zunkhum neih lam ii phawkpah ding ki sam masa a, zumkhum zatang piak pah samsam ding ki sam hi.

A hi zong in I genkhitsa bang mahin zunkhum neite in apumpivua a khum (glucose) level niam lak thei a, tua level niamna hang a hih leh insulin a hi a zatng a hi zongin I piakleh sihpih zaw sawp thei hi. Tua a hih manin I kep siam I khoi siam theina dingin siahuan (Doctor) te dot theih a om leh dot ding hoih mah mah kha ding hi.

Bangci kep a, bang ci khoi ding ih hiam cih I theih theih theih na ding in ah:

Nek le dawn (Diet) te ki dopding, kideekding, ii cih pen ii ki gen gen te lak ah khat hi aa, a hi zongin zunkhum neite zong in nekleh dawh limci hoih tuam tuam te ki sam ve ve uh hi, ki dop luat kideek lua leuleu leng zong lem khin lo in , ii nek ngeina dan khelin, khatvei in a tamp**i in nelo zaw in, ni khat ah 4 vei maw 6 vei ta bang, cih dang in a tawm tawm a, a tuam tuam aa nek ding zong hoih hi, ii nek khat lim lim tamne lua lo in I pumpi toh kitaukin nekding (balance diet) ki sam a hihi. Na a khum le, a al te hi a, meh a bulnek te a hi zong in a thaulua nam lim lim, a diak ah a thau a khal theite (saturated fat) nek ki dawp huai mah mah hi.

Sathau meh kanna te (vegitable oil) ngeina te a hih leh tua zah a lau luat ding zong hi lo hi. Mehteh mehgah a limci te, theigah leh thei hingte nek hoih hi. mahtang a hih leh bel nek dan siam kul hi. Mehtui nam te zong nek ding in hoih hi.

I pumpi ah a khum glucose level a niam a, a ngeina a bat leh ki dekluat zong kul tuanlo hi.
Pumpi ki mawl ding (EXERCISE) ngahding hi a, zunkhum neite pen pumpi a tang lo nasep neilo te in ngah baih diak uh hi. Nasep nei te zong tua bang a om pumpi tangkhol lo in a om uh leh a natna uh khanbeh pun beh thei hi.

I ki mawl a exercise khawng I lak ciang in, ii pumpi sung ah a om a hoihlo tuam tuam I thau te a hi zong a khum te a pai khia ii hi hi, tua hi aa exercise bawl ding pen a ki sam mah mah khat a hi hi.

Zungkhum neite pen kalkhat ah a tawmpen ni li sung nai 1 kiim ta bang exercise ii lak detding kisam hi, khatvei a gimluat a lak ding hilo hi, a hoih khom khat ciang aa, lak ding ahihi.

Kimawllai a gimlak, lu vai, nak lah, leh awm sung na pian cih dan in a om leh, tawlngak san phot ding a hihi. Nisa nuai a hih kei nak leh a lemtan hun hun in ki mawl theih hi a, puansilh nik ten zong a zaang deuh leh kol deuh silh ding kisam aa, khedap zong a bulh nuam deuh, a nip pian lam te bulh ding hi aa, khe tawh lampai ding leh sep leh bawl a hi zongin ipumpi tam taang sak ding cih kisam tang sam pha mahmah hi. Thadah tawh ki lem mello ki tuak lo dan a hihi.

Zatang nek ding ah bel, a tung a ii gen samah bangin, nek leh dawn te ki dop a, exercise lakna hun bang tan hiam khat bel ih bawl ding ki sam aa, a nasiatna tawh ki zui in zatang tawh ki kep kul zong om hi, ei thu a zatang te ne mai lo in siahuante (DOCTOR)te dawt phot ding ki tangsam mahmah hi. Za tang nek na hang in, mi tampi tak te a ding in, a hoih pih sam uh hang, a khen khat te a ding in bel insulin lak kul zong na om veve hi, tua ban ah zunkhum zatang banah natna tuam te hang in zong zatang dang zong nek hun om thei hi.

Theih ding a ki sam mah mah thu in, zunkhum pen mi kuama peuh in ngahtheih neih theih hi in, ki kep theih leh ki kep zawh loh hun ong om kha thei hi. Ki kep dan ding a bih leh a ngah theih dan nam te ii gente sung pan in ki kep theih ding a hihi.

K*m 40 tung siahte bangin, a tang pi in khat veivei ki check sak zel ding kisam mai hi.
Zunkhum pen hoihtak a, I kep I khoi kei leh ong nasiat khit ciangin natna dang tuam tuam te ngahsak thei in, a diakin mit, kal, leh I nerve te siasak baih mah mah a hih manin ii ki checkup aa Siavuan te ih ki vel sak den ding ki sam pha mahmah hi.

Liamma, meima neih khak pen poi mah mah thei hi. I pumpi taksa ah a khum a tam luat ciang in, natna hik te khang mah mah a pung mah mah in meima pen septic baih a, dam hak mah mah hi, zunkhum nei sa te in , liam ma, meima neilo ding in ki dop kul mah mah hi.

I pumpi sanns (height) tawh ki tuakin, I gihna (weight) ki tuak a ki control ding ki sam mah mah hi. Kam sung leh ha pen kep siam ding ki sam mah mah a, tep leh muam te hang in kam sung mei ma liam baih mah mah hi, tua dan nam te zat vet loh ding a hihi. K*m 1 ah khat vei beek mit leh ha checkup sak ding kisam hi.
Zunkhum neite in khe zong lim kep kul mah mah a, khedap gaaklua bulh loh ding ban ah cin tan ciang zong satak tep khalo thei thei a tan ding a hihi. Khe pen liam leh dam hak pha diak hi.
Zunkhum nei ten phukhawng baih mah mah a, a paina peuh peuh vuah muamkhum a hi zong moh (biscuit) khum lam te nek theih pah ding a puak ding ki sam pha mahmah hi.

Tua a teng zumkhum vai a I gentheih hi phot hi. a pat pan a tawp d**g nong ngaihsak manin lungdam, ih video hoihna sak leh na lawmte na share hawmsawn inla, nang zong like share, comment leh subscribe Follow na piak sak in maw. lungdam.

17/04/2026

FIFA WORLD CUP 2026 TAWH KISAI A THEIHHUAI THU PAWL KHAT

A pat pan a tawp d**g a ngai nuam te a ding in ih page ah YT link om hi, tua ban ah a lai in a sim nuam te aa ding zong ih page mah ah kaisuk le uh teh ki sim thei ding hi.

A lungluthuai thu tuamtuam hong khah khia zel ding ka hih man un: like, share, comment, follow, leh subscribe cih te tawh zong tha hong pia lai un. Lungdam

゚

17/04/2026

Tu tung ah bel a 23 veina FIFA worldcup 2026 thu I gen khawm ding hi. A khatveina dingin gam 3 ki gawm a FIFA worldcup ah khatvei a tuna cilna ciin zong ih t...

17/04/2026

FIFA WORLD CUP 2026

World Cup thu ih gen ciang in mi khem peuh in alung lut mahmah leh leitung mite lak a ki mawlna tuamtuam khempeuh lak pan in a ki thupi ngiah sut leh zong ih thupit ngaihsut penpen khat hi cileng zong ki khial lokha ding hi.

Hih fifa world cup pen gam khat leh khat thauvui thau tang pa lo a ki do na, kidem na khat hi ci leng zong cih thei phial a hihi.

Hih a ki mawlna vuah player te zong han ciam thei mah mah uh a, hih a ki mawlna vuah, a siamna te uh lak khia ciat uh in tua in, a mau te mailam nuntak zia ding hun tampi geel kholh sak hi. Nuntakna kilamdang sak zo a ci nuam ih hihi.

Mipi in a paaktat te leh Cup manager te in a deih, siam a sakte uh in sum tam pi pi ngah sak in, zong a lei thei zel uh hi. A nuntak na uh sum le pai ngah na zong, a siamna uh tawh kituak in ki lam dang sak zo mawk hi.

A diak diak in ei Zosuan te lak ah zong, ki mawlna tuam tuam te lak ah hih ki mawlna pen I thupi ngaihsut pen leh a ki mawl kha lo na ngawn te in zong, ii tha ki piak tuah mah mah khat a hihi.

Tu tung ah bel a 23 veina FIFA worldcup 2026 thu I gen khawm ding hi. A khatveina dingin gam 3 ki gawm a FIFA worldcup ah khatvei a tuncilna ciin zong ih theih tek sa a hi hi.

Tua gam 3 te in: USA, CANADA, leh MAXICO gamte ahihi, hun paisa te ah Team 32 a ki mawl uh hiin tuk*m ciang in team 48 pha ding uh hi , tua hi in team 16 ki behlap cih ding zong a hihi, match 104 tak ki mawl ding uh hi.

June kha 11 pan in ki mawl ki pan ding uh a, July 19 -2026 tan ki mawl ding uh hi.
Final match a hih leh MET LIFE STADIUM New York/New Jersey ah July 19-2026 ciang in kidem ding uhhi.

Tu laitak a khatna a ngah a hi Argentina te hi uh in Messi leh a lawmte a hi uh hi, hih a trophy uh a kembit zo uh tam cih bel ki gen khol thei nailo hi.

USA ah mun 11 ah ki mawl ding uh hi , a ki mawlna mun ding stadium te zong I gen suk lai ding hi.

Mexico:

Mexico gam a hih leh Fifa worldcup a thumveina a gamvuah tung khin hi. 1970 k*m leh k*m 1986 k*m in tung khin a, tuk*m 2026 tawh a thumvei a tunna hi ta hi. Mexico ah stadium mun thum ah ki mawl ding uh a tua te in.

A khatna ah ESadio Azteca hi a, hih stadium pen mexico city a om hi in, a stadium zong sawt mah mah upa mah mah ta hi. Pele leh Maradona te zong a lenlai vua a ki mawl na muh khat a hi hi. 1966 a ki hon hi a, 1970 leh 1986 k*m final zong hih mun ah ki mawl uh hi.

1970 final ah Brazil in Italy 4-1 in na zo khin uh hi. A goal masa pen Pele in a khum a hihi, hih stadium pen Pele ih Woldcup a ki mawl tawp na pen mun zong a hi hi.

1986 k*m in final ah Argentina te in a muan mah mah uh Maradona tawh West Germany te 3-2 a zo in trofy a ngah uh hi.

Final ah Maradona in goal a khup loh hang in hih tournament ah best player na ngah hi.
A ciapteh huai mah mah khat In hih stadium pen tu ta dih a worldcup final ninvei ki mawlna mun omsun lai khat zong ahi hi.

Tu tung worldcup a dingin nak pitak a puah phat uh hi a, dollar million 150 tak bei a puah phat uh ahihi. Emergengy a mipi pusuah na ding leh a pualam na leng zong puah pha lai uh hi.

Mipi 83, 000 tat theih na stadium a hi hi, hih stadium ah match 5 ki mawl ding uh a, a thupi pen khat a hih leh a honna programme Opening ceremonies zong hih mun mah ah nei ding uh hi, opening mach ah inntek te a hi Maxico leh South Affrica te ki mawl ding uh hi.

A nihna ah Estadio AkRon hi a Zapopan ah om hi in 2010 in a ki hong ahihi, hih stadium a minthanna khat zong hi aa, a lam dan tuam dangna khat ah a bang a kawm pen, kiak toh zem uh a, a tung khuhna a kaang a hi hi. Hih stadium lamna dingin dollar Million 250 bang bei uh hi.

Mi 48,000 tat theina stadium a hi hi, hih stadium ah match 4 kimawl ding uh hi.

A thumna ah Monterrey Estadio BBVA hi a, a lamna dingin dollar million 200 bei a, mi 53,500 ki tat theina mun a hihi.
Hih stadium ah match 4 ki mawl ding uh hi.

Hih stadium 3 tu tung fifa world cup a maxico gamsung a, aki mawlna ding mun te a hi hi.

CANADA:

Canada te a ding in worldcup a khatvei a tun na ding a hi hi. Tu tung worldcup a hih leh mun2 stadium 2 ah ki mawl sak ding uh hi.

A masa zaw a hih leh BMO Field Toronto a om hi a, 2007 k*m a honna nei uh hi, alam na dingin dollar million 140 bei uh hi. Mi 35, 000 ki tatna a hihi, hih pen tu tung World Cup a dingin a golzaw aa, a lam sak hi a, mi 45, 000 ki tat theihna ding in a puah phat uh a hihi.

Hih stadium a hih leh tu tung a ki mawlna ding stadium ah a neupen a hi hi. Canada k*mpi in zong naktakpi in puah pha in dollar million 90 bei in a puah uh a hihi. Hih stadium ah worldcup match 6 ki mawl ding uh hi.

A nihna in ah BC place Vancouver hi in, hih stadium pen 1983 k*m a a hon uh hi a, tu tung Worldcup a ding in ki puah pha khat mah hi aa,
Dollar million 150 bei liang a puah phat uh a hi hi.

Hih stadium ah mi 54, 000 ki ta theih ding ahihi. Canada stadium te lak ah, a ki zang mah mah khat hi in, 2005 FIFA numei worldcup zong hih tualpi ah ki mawl uh hi.

Hih stadium bel nasia mah mah in leitung stadium te lak ah a gol pen khat in ki ciam teh ngei hi.

Tuaban ah a tung leh a baang pen colour tuam tuam ki laih thei a ki bawl a hi hi.
Tua pan in a stadium mai ah monitor gawl mah mah khat ki koih in a mun aa, a en te a ding in muhnop sak tuam mah mah hi.
Tu tung hih stadium ah match 7 ki mawl ding uh hi.

USA:

A mun thupi pen ding aa ih ngaih sut a hi usa lam gen ding hi hang,
USA ah stadium 11 ah ki mawl ding uh a, Match 60 ki mawl ding uh hi.

Quarter final pan final tan ki mawl ding uh hi.
Amasa pen in Gillette stadium hi a , Boston a om a hihi. 2022 k*m a hon uh hi in, a lamna ding in dollar million 325 bei hi.

Mi 66, 000 ki tat theihna a hih hang in tu tung worldcup a dingin nakpi tak a puah phat uh a hihi. Tua te lak ah a tualpi keek beh in golsak leh restaurant ansai te koih beh ih ban ah leitung a video board gol pen zong na koih uh a hi hi.

Tu tung hih stadium ah match 7 ki mawl ding uh hi. A nihna ah Lincoln Financial fiel hi a, Pencilvania a om a hihi. 2012 k*m in a ki hong a hi hi.A lamdan na khat ah dollar million 512 tak bei a ki lam a hihi, Mi 70, 000 ki tat theina hi aa, 2013 k*m in dollar billion125 tak bei in a puah phat uh a hi hi, tua te lak ah solar panel leh winter bine te behlap uh hi .

Hih te hang in tu tung worldcup a ding in a tuam a puah phat kik kul lo in, FIFA standart a nasia sak tuam mahmah hi.
Hih stadium ah Worldcup match 6 ki mawl ding uh hi.

A thumna ding in ah Mercedes-benz stadium Atlanta ah hi a, hih stadium pen worldcup ki mawlna stadium te lak ah a nasia mah mah khat hi in 2017 k*m a hon hi a, dollar 1.6 Billion bei a, a ki lam a hi hi. Hi stadium pen nasia mah mah a, a tung a vek a ki hong theih na ding in minute 8 sung bek hun la hi.

Tua ban ah lei tung a Hello 360 video board lian pen koih lai uh hi.
Mi 71, 000 ki tat theih na hi a, hi lai ah worldcup match 8 ki mawl ding uh hi.

A lina Hard Rock Stadium hiin Miami Florida ah ahihi. Hih stadium pen 1987 k*m a hon uh hi a, 2015 in dollar million 500 bei a puah phat uh a hi hi. Mi 65, 000 ki tat theihna stadium a hi hi.

Hih stadium lamdang mah mah na khat in, Miami khawhun lum le nisa tawh ki tuak a ni liim bawl thei hi. A tung khuh in a tualpi 100 ah 92 ni tak ni liim bawl thei a, aki sam zah sang a val zaw in tualpi sung nisa in kap ngeilo hi.Hih stadium ah wordcup match 7 ki mawl ding uh hi.

A ngana in ah Arrow Head Stadium hi aa, Kansas City ah om hi, Hih stadium pen 1972 k*m a hon hi a ,2010 k*m in dollar million 375 tak bei a puah phat uh a hihi, Mi 76, 000 ki tat theihna a hi hi.

Hih stadium in Guinness world Record zong 2014 k*m in na ngah kha nhei khin hi, tua in outdoor sport a Fan te gamlum \awnging pen record hi, tu tung worldcup a ding in dollar million 50 bei a, a puah phat uh a hi hi, a tualpi zong a keek beh \khan beh lai uh hi.

Hih stadium ah worldcup match 6 ki mawl ding uh a, hi lai ah champion lai Argentina ten Algeria te tawh a match masa pen uh ki mawl ding uh hi.

A gukna ah AT&T stadium Taxas hi a, hih Stadium pen 2009 a a hon uh ahi hi, a lamna dingin dollar 1.6 billion tak bei uh hi.
Hih stadium nasia mah mah in a tung hon theih leh Stadium lai zang ah video board gol mah mah pen hang in nasia mahmah leh min thanpih mah mah hi.

Hih stadium ah mi 80, 000 tak ki ta hi. Worldcup a ding in a tuam a puah phat zong kul tuanlo hi. Hih stadium ah worldcup match 9 ki mawl ding uh hi.

A sagihna ah, NRG Stadium a hihi Houston ah om hi a, hih stadium pen 2002 k*m aa a hon uh ahihi, a lamna ding in dollar 600 million tak bei uh hi.

Mi 72, 000 tak ki tat theihna a hi hi. Hih stadium ah worldcup match 7 ki mawl ding uh hi, hih stadium ah Portugal te in a match masa pen Congo te tawh ki mawl ding uh aa, Christiano Ronaldo fan te adingin, muhnop mah mah ding a Ronaldo in worldcup trofy a khatna a ngahzoh na ding in ki pat masak na lampi hi ding hi. Hi baan worldcup ah zong pa zo nawnlo kha thei mai ta ding hi.

A giatna ah Sofi Stadium hiin California ah om ahihi, Hih Stadium pen 2020 k*m a a ki lam sak pan hi a, a lam na dingin dollar Bilion 5.5 tak ki zang hi. Leitung ah stadium lamna ding in sum tam a beina pen pen khat zong a hihi.
Hih stadium ah mi 70,000 kita thei hi. Hih stadium lamdang na in hih, stadium pen leitoh level a kilam lo in ‘lei nuai pi feet 100 kiim pan a lam ki pat a hihi.

A tualpi a neu deuhna hanginFIFA standard tawh ki tuak a tualpi zong keek beh uh hi.
Hih stadium ah match 8 ki mwl ding uh hi.

A kuana na ah, lev’is stadium Santa Clara California hi a, hih stadium pen 2014 a hon uh a hihi. A lamna ding in dollar 1.3 billion bei hi.
Mi 68,500 ki tat theina a hi hi, hih stadium ah Worldcup match 6 ki mawl ding uh hi.

A sawmna ah LUMEN Field , hiin Washington ah ahihi. 2002 k*m aa ki hong a hihi, a lamna ding in dollar million 430 bei uh hi,
Mi 72, 000 kitat theihna hi a, hih stadium ah Worldcup match 6 ki mawl ding uh hi.

A tawp pen, final a ki mawlna ding uh METLIFE Stadium New Jersey ah hi a, hih stadium gawl mah mah pen k*m 2010 a hon hi a ,
A lamna ding in 1.6 Billion tak bei a, a lam uh ahihi, mi 82, 500 tak ki tat theina ahi hi. Tu tung worldcup ki mawlna stadium ah a gawlpen zong a hihi.

A lam dan ah tuamdang in tungkhuhna nei kei mah leh hih stadium pen nasia mah mah a,
asung ah luxury Suit bek zong 200 om hi, a bang ah zong ki mawl en te a ding a et nop theihna ding video board gawl mah mah 4 koih uh hi. Hih stadium ah match 8 ki mawl ding uh hi.

Nang koi gam na pan pih ding a , kua te thapia in, kuate tawh en khawm ding a, aksa em kawm ding maw a hih kei leh khat kia a en ding, coment ah hong gelh ciat un ci photni mailam ah ki mu zel ni.

16/04/2026

Bang hang in hih zah in thunei uh hiam cih leh Pasian tawh a kalsuan Pasian thutawh a na ki makaihna hang uh a hihi, A sum tung na leng vuah Eite in Pasian i...

11/04/2026

American Tangthu Tomkimcing

USA Piankhiat dan, leitung ah gam thupi penpen a hi United State of America ahhi, galpi nihna a bei khit ciang Britist khutsung pan nam tuamtuam leh gam tuamtuam suahtakna a neih na ding aa, gamtampi a ding a hanta ki ngah na a hi America pen, Leitung tangthu ah bei negei nawn lo ding hi.

Gam tam pi ana hon khia aa, gam thupi a a piang sak pen America cihloh thei lo hi, a gam goldan pen Square Km teng zathum sawm kua leh tul guk zasagih leh nih, tu laitak milip million 342 kiim hi aa, a gam North lam ah Canada om in, South lam ah Mexico om aa, East lam ah Atlantic Ocean om aa, West lam ah Pacific tawh ki gi aa, a gam khuapi pen WAshionton DC hiin a khua lian pian a hih leh New York a hihi.

New York pen west lam ah om in Atlantic tuipi gei ah om hi aa, khua thupi leh a minthang mahmah khat a hihi. Hih lo zong khuapi lian minthang tampi tak nei lai hi, AD 1000 kiim lai in, Spain te Leif Ericson pen American na tung khin aa, America pen gamthak zong Italy mi Americo Vespoksi in a gamthak muh thupen German te gamlim map bawl te khat in na sim kha in, zaknop sa mahmah aa tua thu gelh pa min tam sak in America ciin a min na vawh hi ciin ki gen hi.

Tua zawh a sawtlo in Christofa Columbus October 12, 1492 in America tung kik aa, a man pen a pain a khem peuh ah pak tang na vawh zel aa, kam Isian 33:17 thu Tua ciangin a thupi mahmah
k*mpipa na mu ding uh a,
a zai mahmah a gam zong
na en ding uh hi.
Cih LST mun pen suang khawi khawi hi, a gam leitang teng ah Spanish lan flag suang aa, Banar ah Singlamteh suang hi, a gamthak zon pen Pasian kiang ah ap in, ciah san kik hi.

A nihvei paikikna ah Missionary te paipih in, Latin Vulgate te tawh Pasian kiang ah ap kik hi, Christopher Columbus in tembaw tawh a muh khiat ding ciang in Spain gam pan in West lam zing ding hi aa, bang hang a West lam pai cih ki thei lo hi mah leh West lam na tungkha aa tua mun ah Centre America ih cih pen na mukhia hi.

A muh khiat zawh a sawt loin Spain k*mpi in Center America leh South America gam te na la uh in amau ukna nuai ah na koih uh hi. Lungdamthu na gen pah uh hi, Spain gam pan in Lungdamna thu na sang uh a hih man in, RC te in Pawlipi phuan zel uh aa, a sawtlo in Christian hong om in hong khang semsem uh aa, Christopher Columbus in Pasian, Thu gen man in Tapidaw na pung mahmah hi.

Hih khua a muhna uh South lam ah Red Indian ten a om in North lam ah ESKimaw na teng khin uh hi, hih a gam mihkhiat uh pen agam hoih mahmah aa, leitung gam hau hiin k*m 100 lom 17 in British leh Urope gamte pan in North America ah na va pem uh aa, tua mi te in America South tuipi lam ah na teng uh aa, hong pung in hong tam semsem khit uh ciang in, omna mun Colony 13 tak ah a teng uh hi.

A tam penpen Britein pan in a pem uh a hihi. Tua khit ciang in ah Britist k*mpi thunei te in leitung mundang a gam a uk dan mah bang in a uk uh hi. Hun hong pai zel in America gam ah Tapidaw hong tam na hang in k*m zalom 18 ah Khanlawhna hong tung hi, hih khanlawhna pen Khanlawhna thupi Great Awakening ci in ki thei hi.

Khanlawhna a masa pen Theodore Felix Husein Pasian thugenna hang in k*m 1726 in New Jersy mun aa Duch Reformation pawlpi pan kipan in muntuamtuam ah ki thehzak zel in hih in mun tuamtuam ah nasem in mitampi in a mawhna te un pan kisikkik in Pawlpi bel uh in, tua khanlawhna pai zel in a tawpna ah gah khiat khat hong nei in tua pen American Revolution ih cihpen a hihi.

Tua khanalawhna deih leh deih loh kikal ah Revolution in na kehmpeuh lamdang sak hi, America gam pen a ma in ah New World cih hi aa, tua zawh Bristish ukna nuai ah sawtpi a om khit ciang in 1776 July ni 4 niin declaration of Independence na pen Philadelphia khuapi ah na nei in suahtkana dak na tum uh hi.

Pressbetirian minister khat a hi John Wither Spoon a lim bawl in a khut taklam ah LST tawi sak hi. Hih milim pen leitun mun tuamtuam pan in a munuam in tampi a pai hi. Tua ciang hih in LST a thupitsakna uh leh a deihna uh LST in suahtakna etsak pen lamet beilo aa, a omna ding thu ensak hi.

Suahtakna a muh khit uh ciang in Colony tuamtuam te pen ki pawlkhawm in State 50 ki gawm khawm in United State of America ci in a min uh a vawh uh hi. A state tuamtuam te pen state a gol p**i leh state a neu te hi uh aa:

1. Alabama
2. Alaska
3. Arizona
4. Arkansas
5. California
6. Colorado
7. Connecticut
8. Delaware
9. Florida
10. Georgia
11. Hawaii
12. Idaho
13. Illinois
14. Indiana
15. Iowa
16. Kansas
17. Kentucky
18. Louisiana
19. Maine
20. Maryland
21. Massachusetts
22. Michigan
23. Minnesota
24. Mississippi
25. Missouri
26. Montana
27. Nebraska
28. Nevada
29. New Hampshire
30. New Jersey
31. New Mexico
32. New York
33. North Carolina
34. North Dakota
35. Ohio
36. Oklahoma
37. Oregon
38. Pennsylvania
39. Rhode Island
40. South Carolina
41. South Dakota
42. Tennessee
43. Texas
44. Utah
45. Vermont
46. Virginia
47. Washington
48. West Virginia
49. Wisconsin
50. Wyoming

Alan flag vua aksi omzah pen a gam vua state om zah a hiin state 50 cih theih a hihi. Tua ciang in America mipi te in a lan uh pen kipah pih mahmah uh in zong zahtak mahmah uh hi. Mi a kua mah peuh in American lan nuai ah bang thu bang thu gen thei uh hi.

America pen leitung k*mpi hau leh a cithei mahmah hi uh in President of Democratic Governmen a hi aa, tu laitak a gam ki makaih zia uh pen 1788 June 21 a dan in zang uh in. dan a gam vua dan a bawl pen Senate leh House hiin a paid an vuah house in thu a pass limlim pen Senateih thukimpih ki sam hi, Senate in a thukimpih khit ciang in Congress ah puak kik in Congress in a thu pass limlim pen White house ah President kiang ah tun aa, President in Sign a thuh kei leh kisang lo in tua zah d**g in thuneihna nei uh hi.

A gam leitang uh hoih mahmah in ah hau mahmah uh aa bang kim ah kua mah eng lo uh hi. Leitung ah America sang in neih leh lam a ki cing zaw in a nei gam om tuamlo hi.

Luangkhawm ✍️✍️

LUANG KHAWM

20/04/2026

20/04/2026

17/04/2026

17/04/2026

17/04/2026

16/04/2026

11/04/2026

Address

Telephone

Website

Alerts

Contact The Museum

Shortcuts

Share

Category