Sogn og Fjordane Kunstmuseum

05/10/2026

6. november opnar vi utstillinga "Oddleiv Apneseth - Det tredje auget". Utstillinga skal visast over to etasjar og gjev eit tilbakeblikk på heile karreria til Sunnfjord-fotografen.

– Dette er ei stor utstilling, der folk vil møte både kjende og ukjende sider av fotografen. Vi har jobba med dette over to år, og no når vi nærmar oss målstreken er vi naturleg nok veldig spente, fortel museumsleiar Mayra Henriquez. Ho lovar overraskingar for publikum. Ein av etasjane vert til dømes via ein serie foto Apneseth tok av Kjartan Slettemark, under eit besøk i hans atelier i 1996.

– Oddleiv har markert seg gjennom fleire tiår, både nasjonalt og internasjonalt. Alt saman byrja her i Sunnfjord. Utstillinga blir ei hending folk må få med seg, seier Henriquez.

Oddleiv Apneseth har markert seg på verdsscena for sine pressefotografi. Sogn og Fjordane Kunstmuseum markerar ei lang karriere gjennom utstillinga «Det tredje auget».For snart 50 år sidan byrja ein sivilarbeider på Sunnfjord Museum å jobbe med samlingane av glassplatenegativ frå bygdefotogra...

02/10/2026

📣 MUSEET HELD STENGT i perioden 28. september–6. november grunna produksjon av ny utstilling og renovasjonsarbeid 📣

👁 Vi gler oss til å opne dørene igjen med utstillingsopning av Oddleiv Apneseth - Det tredje auget, fredag 6. november! Vi skal fylle to etasjar fulle av høgdepunkt frå Apneseth si karriere. Biletforteljingar frå Vestlandet og verda i hans umiskjennelege stil - alvor og humor, det realistiske møter det absurde. Følg med og hald av datoen!

Plakatdesign: Letspixel

28/09/2026

The museum will be closed from 28 September to 6 November due to the production of a new exhibition and renovation work

28/09/2026

Museet må halde stengt i perioden 28. september – 6. november grunna produksjon av ny utstilling og renovasjonsarbeid i 1. etasje

25/09/2026

Kunsttorsdag i går inviterte til refleksjon over kulturane, forteljingane og strukturane som formar korleis vi møter konflikt, og over kva som skal til for å byggje fred. Vi hadde besøk av Kai Brand-Jacobsen som har 30 års internasjonal erfaring med fredsbygging, mekling og fredsprosessar, mellom anna i nokre av dei mest krevjande konfliktområda i verda.

Brand-Jacobsen fortalte publikum om arven etter 11. september 2001 og korleis verda endra seg i åra etterpå. Han viste også til Gandhi og hans tilnærming med fredelege og ikkje-valdelege løysingar. Publikum fekk eit tankefullt foredrag om kor ulike vegar menneske kan velje i møte med konflikt. Gjennom sterke historier om møte mellom overlevande og gjerningspersonar, utfordra han førestillingane våre om fiendar, rettferd og forsoning.

Terje Grimen presenterte prosjektet re:HUMANIZE som løftar fram kunst, ytringsfridom og deltaking i møte med ein krevjande politisk samtid. Publikum vart òg inviterte inn i den blå containeren utanfor museet for å oppleve prosjektet på nært hald. Containeren har gjennom sommaren stått open for publikum sine bidrag til utsmykking av veggane. Grimen har hatt workshops, og teke imot ei høgt antall innsendte bidrag frå aktive kunstnarar og andre interesserte. I tillegg har skule- og barnehageborn levert flotte bidrag, og resultatet er den mest pryda containeren i Førde by!

Brand-Jacobsen og Grimen gav publikum ein tankevekkande, men også håpefull kunsttorsdag. Fredsbygging verkar, og viser at dialog, tillit og forsoning kan skape reell endring. Dette er ikkje berre ein visjon, men noko vi kan byggje, steg for steg. Sjølv i ei verd prega av uro, konflikt og aukande skiljelinjer, er fred mogleg når vi vel å arbeide for han.
Takk til alle som kom og delte kvelden med oss, og til Kai Brand-Jacobsen og Terje Grimen for viktige perspektiv og sterke bidrag.

11/09/2026

Bli med inn i utstillinga de:HUMANIZE i den nyaste episoden på kunzt.no! 🧡 Vil du sjå utstillinga? Ta turen til museet seinast 27. september, som er siste visningsdag.

https://www.kunzt.no/post/sogn-og-fjordane-kunstmuseum-lofter-ett-av-var-tids-viktigste-sporsmal-i-de-humanize

I en tid preget av krig, polarisering og økende avstand mellom mennesker, samler utstillingen de:HUMANIZE hos Sogn og Fjordane Kunstmuseum i Førde kunstnere fra hele verden. Gjennom sterke historier om identitet, makt, migrasjon, tilhørighet og motstand undersøker utstillingen hva det egentlig b...

04/09/2026

🔸️🔶️ Vi er inne i siste utstillingsmånad for de:HUMANIZE 🔶️🔸️

Utstillinga syner 23 verk frå internasjonale samtidskunstnarar, mellom anna tyrkisk-austerikske Nilbar Güres sin collage «Pasta eating woman». Ho representerar Tyrkia på den tyrkiske paviljongen på Veneziabiennalen i 2026.

I dette verket ser vi fragment av tekstilar, bilde av kroppsdelar, smykke, moteplagg og organsiske former. To kvinner med tildekte ansikt prøvar å ete pasta, mens palmar, vatn, kjede, moteartiklar og luksusobjekt flyt saman rundt dei. Komposisjonen er rik på detaljar og rørsler, og verkar både leiken, lett og kaotisk. Nilbar Güres arbeider ofte med tema som kvinneidentitet, religion og tilhøyr. I dette verket set ho saman motsetnadar som erotikk og undertrykking, fridom og kontroll. Gjennom humor, ironi og visuelle kontrastar, undersøker Güres korleis kvinner blir reduserte til symbol i religiøse, politiske og komersielle system. På same tid som kvinnekroppen blir forma og avgrensa av kjønnsnormer og maktstrukturar. Samtdidig finst det noko fritt og levande i bilda hennar, der leik og fantasi blir ei form for motstand. Hos Güres blir det poetiske og leikande brukt til å utfordre makt.

Alle verka i utstillinga er frå samlinga til Arne Austrheim og Tom Sydhagen.

01/09/2026

✨ Vi søkjer nye vertar til Sogn og Fjordane Kunstmuseum!

Har du lyst til å jobbe med kunst, møte menneske og vere ein del av museumskvardagen vår? Kanskje det er deg – eller nokon du kjenner? 🤩

Sjekk ut stillinga og del gjerne vidare! 👇

Stillingstittel: Vert Sogn og Fjordane kunstmuseum (307220), Arbeidsgivar: Stiftinga Musea i Sogn og Fjordane, Søknadsfrist: onsdag 30. september 2026

29/08/2026

I dag held vi ope som normalt.
I ei tid prega av sorg og sterke kjensler, kan musea vere ein stad for ettertanke, og å kome saman. Musea er for oss alle, og vi ønskjer å vere ein open og trygg stad også på dagar som denne.

«Mitt største håp for Norge er at vi skal klare å ta vare på hverandre»
Hans Majestet Kong Harald V, 2016

Om du kjem til museet i dag eller i morgon kan du mellom anna sjå utstillinga Frida Rusti «Eg målar i draume». Siste visningsdag for denne utstillinga er sundag 30. august.

Ei tid vart synet til Frida Hoeck Rusti (1861–1963) så dårleg at ho ikkje lenger kunne måle. Løysinga hennar vart å halde fram «i draume», skreiv ho sjølv. Så snart ho kunne sjå nok til å ta opp penselen igjen, gjorde ho det. Ho heldt fram med å måle etter at ho fylte 102 år.