Bjørn West Museet - Museum Vest

09/04/2026

9. april 1945 vart me fråteken vår fridom, vårt demokrati og vår ytringsfridom. Mange vart også fråteken sine menneskerettar og sitt menneskeverd.

Aldri meir 9. april.

9. april 1945 etablerte Bjørn West hovudkvarter på Stordalen fjellstove i Matrefjella etter å ha operert i ytre deler av Masfjordfjella frå 15. oktober 1944.

I månadsskifte april/mai vart Bjørn West angripe av store tyske styrker og dei siste ordinære kampene i Noreg fann stad på Klavefjellet 3. mai.

Bjørn West-museet, Nordsjøfartsmuseet, Herdla museum og Bergens Sjøfartsmuseet fortel alle ulike sider ved følgjene av 5 år med krig i Noreg.

Lytt gjerne på https://museumvest.no/museum-vest-podden

16/03/2026

Hugs Bjørn West-marsjen 23. august 2026 - den 44` de i rekka.

https://www.facebook.com/bjornwestmarsjen/posts/pfbid0WWwufzh24Cmifd2p5rQZ9M2EJyE84x3cTDZUG44tUfouGwHEzXkFMShAezPjB9Zql

5 månader og sju dagar til den 44 Bjørn West-marsjen!

23. august er det klart for den 44` de Bjørn West-marsjen. I dag har det vore årsmøte i rådet for Bjørn West-marsjen.

Det har også vore planleggingsmøte for årets marsj. Det er mykje logistikk med busser, løyper, merking, tryggleik, minneløp, koordinering, minnestund, konsert og friluftsgudsteneste m.m.

Her er turlag, idretslag, røde kors, HV-09-Innsatsstyrke Bjørn West, HV-09, Bjørn West- venneforening, foreningen Bjørn West og Bjørn West-museet. Mykje gode folk tek del i arrangementet.

Så sit av 23. august i kalenderen med ein gong. Det kjem eiga side for førehandspåmelding på deltaker.no etter kvart.

I år som i fjor vert det trekt både pengegåver og andre gåver på startnummer mellom dei som er førehandspåmelde.

Me gler oss.

15/02/2026

MARKERING AV INNSATSSTYRKE BJØRN WEST – 20 ÅR!

I 2005 vart det vedtatt at det skulle verta oppretta ein innsatsstryke i kvart heimevernsdistrikt. Dei har no vore verksame i 20 + 1 år.
Fredag ettermiddag vart dette markert i HV-09 sin innsatsstyrke – Bjørn West – sine lokalar.

Bjørn West-museet har i mange år hatt eit tett og godt samarbeid med HV-09 og Innsatsstyrke Bjørn West.

Det var difor særs hyggeleg å få invitasjon til markeringa.
Det vart ein flott kveld saman med mange av dagens Bjørn West-soldatar.

Mange tidlegare og noverande leiarar i HV-09 og innsatsstyrken var til stades.

Etter ein utsøkt middag vart Fimland sin film «Fotografen – i krig og kjærleik» vist. Innleiing ved Hanne Sophie Greve og Frode Fimland. Enka etter Kjell Wernøe, sonen til BW-soldat, var også til stades.
Underteikna fekk også æra av å framberinga ei helsing både på eigne og Bjørn West-museet sine vegne.

Mellom anna viste eg til at det går ein parallell direkte frå motstandsgruppa Bjørn West og Lingekompaniet - til dagens Heimevern sine innsatsstyrker og forsvaret sine spesialstyrkar.

Formidlinga me har på Bjørn West-museet peikar på denne den raude tråden frå det Bjørn West-soldatane kjempar for – til dei utfordringane me ser i verden i dag.

«Det utfordrar oss på viljen og evna til å stå opp - og stå saman – som nasjon og som solidariske nasjonar. Det utfordrar oss på evna til å verna om dei verdiane og rettane eit demokrati gjev oss som enkeltmenneske, samstundes som me må vera realistiske og rusta oss for det som kan koma.

Innsatsstyrken Bjørn West som – er ein del av det.

Forsvaret – HV-09 og i sær innsatsstyrk BW er vår forsikring som viser at me tek vårt demokrati på alvor - og er villige til å forsvara det – om det skulle verta trong for det.»

Takk for ein gjevande kveld med ønskje om nye 20 år med samarbeid

Tekst: Arnold Matre
Foto: Arnold Matre (og Per Støyva)

20/01/2026

BJØRN WEST-MUSEET MED HØGSTE BESØKSTAL SIDAN 1999

2025 vart eit godt år for Bjørn West-museet – kva gjeld gjester på museet. Ikkje sidan 1999 har det vore registrert fleire gjester.

Takk til alle som var innom – eller som møtte på våre arrangement og foredrag.

Gjester frå 14 ulike land har funne vegen til Matre og Bjørn West-museet. Det vitnar om at lokale historier frå 2. verdskrigen er interessante og at folk kan identifisera seg med menneskeskjebnar frå ulike land.

I 2025 markerte me at det var 80 år sidan verdskrigen slutta og at vår del av verden har hatt fred like lenge. Dette vart markert ekstra 8. mai samt 23. og 24. august.

Samstundes er det krig i deler av Europa, og den internasjonale situasjonen meir spent og alvorleg enn på lenge. Dette har også aktualisert vår eigen krigshistorie og då særleg folk sin vilje til å stå opp for fridom og demokrati – både sivilt og militært.

Brevet Odd Narve Tindeland skreiv før han slutta seg til Bjørn West-styrken i Matrefjella er framleis særs aktuelt.

Bjørn West-museet har ei viktig oppgåve med å fortelja om alvoret i krig og ufred – men samstundes formidla vona og styrken i mennesket si vilje til å stå opp for det som er rett: m.a. demokrati, ytringsfridom, menneskerettar og menneskeverd.

Viktige hendingar i 2025 var også Frode Fimland sin film om Bjørn West-soldat Henning Wernøe (og familie): "Fotografen i krig og kjærleik" samt nytt opplag av boka til Geir Hitland - "Historiske fotspor i Matrefjellene". Båe viktige bidrag til å halda Bjørn West-historia levande.

Me ønskjer velkomen til Bjørn West-museet i 2026. Me vonar særleg at skulane i Masfjorden, Nordhordland og resten av Bergensregionen sit av ressursar til å ta turen til Bjørn West-museet.

Takk til alle samarbeidspartar – og her nemner med særleg historiske Stordalen Fjellstove

Velkomen

19/12/2025

I dag deler me eit klipp frå Bjørn West-museet sin julekonsert med "Lars og Vener" på Matre skule.

I dagens luke er det Lars Rognald og Johanne som står for vokal.

(opptaket er gjort med vanleg mobiltelefon og yter ikkje heilt rettferd mot songarar og musikarar 🙂)

17/12/2025

FLOTT JULEKONSERT MED «LARS OG VENER»

Tradisjonen tru arrangerte Bjørn West-museet førjulskonsert. I år på Matre skule.

I fleire år har Lars Rognald Midtgård Matre samla gode vener frå miljøet kring St. Jakob kyrkje i Bergen for å halde julekonsertar på Matre og i St. Jakob kyrkje.

I år var dei åtte songarar og musikarar med eit breitt reportoar.

Det varierte frå den norske versjonen av Joni Mitchell sin song «River», til «Eselets Julesong, Lars Rognald sin sjølvskrivne låt om natur og klima, Adam Douglas sin Wintersong - til Hark! The Herald Angels sing – med mange fleire.

Folk såg ut til å klara å roa ned og nyta ein kveld med flotte musikalske opplevingar.

Gledeleg var det at det var tilhøyrarar frå heile Masfjorden – og frå Sunnfjord, Gulen, Alver og Bergen. Takk.

Takk til Ståle Daae som på kort varsel steppa inn og styrte lyden, og til Matre skule for lån av lokale – kvelden før si eiga juleavslutning.

Me kjem til å dela ein del av innslaga her på sida fram mot julekvelden.

Lars Rognald hadde med seg desse dyktige songarane og musikarane.

Endre Fjeldheim Hovelsen - tangent
Gaute Ulltang - elgitar
Johanne Maria Hageberg Storevik - vokal
Kristian Hageberg Storevik - tangent
Ole Henrik Risøy Solheim – vokal
Vebjørn Ryland - slagverk
Vegard Ingebrigtsen Feste - vokal
og Lars Rognald på vokal og gitar.

15/12/2025

Ein smaksprøve på kva du får høyra med LARS OG VENER -sin julekonsert på Matre skule 16. desember kl 1930.

08/12/2025

Ny episode frå Museum Vest podden! (https://www.buzzsprout.com/841822)

Denne gongen er tema Bjørn West - med ekstra fokus på fredsdagane.

Sett gjerne av ein halv time til denne🙂.

I Matrefjellene i Vestland lå Bjørn West i skjul fra høsten 1944 til frigjøringsdagene i mai 1945. Denne store millorgruppen/motstandsgruppen ble satt inn som sikkerhetstyrke i Bergen da Tyskland kapitulerte. I 2025 markerte vi 80 år jubileet for ...

04/12/2025

BJØRN WEST-MUSEET SIN JULEKONSERT VERT 16. DESEMBER KL 19.30 - på Matre skule.

Bjørn West - museet arrangerer også i år julekonsert med "LARS OG VENER". Tradisjonen tru vert det eit variert program med både tradisjonelle juletonar og nokre nyare arrangement.

Lars Rognald har med seg vener frå miljøet kring St. Jakob kirke i Bergen – der dei også heldt ein årleg julekonsert.

I år vert julekonserten på Matre skule. Me vonar du har høve til å kopla av frå julestria nokre timar for å sleppa til førjulsstemninga dei fleste av oss lengtar etter.

Billett kr 100.-
Gratis for born/ungdom til og med 10 klasse.

Velkomen.

PS!
Er du på jakt etter julepresangar – vil me ha ein minibutikk med sal av Bjørn West – litteratur - m.a den Geir Hitland si bok om Bjørn West med føreord av forsvarssjef Eirik Kristoffersen.

02/12/2025

Bygdekinoen i Solheim Grendahus 3. desember kl 20.

Historien om Henning Wernøe - Bjørn West-soldaten som vart skoten og drept i Stordalen 28. april 1945.

Du kan m.a sjå historiske bilete frå Bjørn West opptak på Bjørn West-museet og landskapet inn mot Stordalen.

Ein ny film frå Frode Fimland.

Les meir om filmen i denne reportasjen i Bergens Tidene https://www.bt.no/kultur/i/JbVrW6/frode-fimland-har-laget-film-om-den-pasjonerte-fotografen-og-motstandsmannen-henning-wernoee?fbclid=IwY2xjawObqy5leHRuA2FlbQIxMABzcnRjBmFwcF9pZBAyMjIwMzkxNzg4MjAwODkyAAEeIzuUZSaH43pXPTTnzzxp2fuWC-rFTOQlO2ZZaxiBdghNGOv0FSbwQX7YVaU_aem_PrMM0Eg7sAV36w-WoJLPrg

29/11/2025

BYGDEKINOEN PÅ SOLHEIM 3. DESEMBER KL 20."

FOTOGRAFEN - I KRIG OG KJÆRLEIK"

https://www.facebook.com/reel/1432774087784966

Ein sterk film om Wernøe-familien før, under og etter 2. verdskrigen.

Henning Wernøe tok del i Bjørn West - og var ein av seks soldater som vart drepe i Matrefjella like før freden.

I filmen er det mange scener frå Stordalen, Bjørn West-museet og naturen i Matrefjella.

Frod Fimland er kjent for sine gode filmar - ikkje minst når det gjeld å skildra menneske.

Denne filmen bør du sjå!