Norsk Skieventyr

06/05/2026

Den beste staden å oppleve skikultur og Morgedal si betyding for denne er på Norsk Skieventyr. Du kan lære om norsk ski- og polarhistorie gjennom ei reise som startar 4000 år tilbake, og endar i moderne tid.
Skimuseet i Morgedal har ope 10-17 alle dagar i perioden 1. mai til 15. september. Her finst óg ein innhaldsrik museumsbutikk.
Kafeen har ope 11-17 alle dagar i museets hovudsesong.
Besøk gjerne vår heimeside: www.vtm.no

29/04/2026

1.mai meny i museumskafeen på Norsk Skieventyr🇳🇴
Ovnsbaka laks m/romesalat, potet og saus kr 285,-
Komle m/salt røkt lammebog, pølse og bacon, kålrot kr 299,-
Vilt karbonade m/potet, fløtesaus, tytebærrome, grønsaker kr 259,-
Pommes frites m/to pølser kr 79,-
Kaker, sveler og diverse:-)
Kafé og museum ope frå kl 10:00. Varmmat frå kl 12:00
Vel møtt!

22/04/2026

Når Norsk Skieventyr opnar dørene til ein ny sesong fredag 1. mai, kan også museumsbutikken friste med mange fine varer.
Ope 10-17 kvar dag fram til og med 15. september 🤩

22/04/2026

Snart ny sesong!

02/03/2026

OL er over for denne gong, men det er aldri for seint å gjere som Johannes Høsflot Klæbo og reise til Morgedal for å få litt historisk boost og gamaldags skipower🥇🏆💪

Før OL i Milano Cortina trenger Johannes Høsflot Klæbo litt ekstra ski-power.Svaret finner han der alt startet – i Morgedal, skisportens vugge og fødestedet ...

11/02/2026

🔥 Da OL-flammen samlet folk i Telemark

Før Lillehammer-OL gikk den olympiske flammen gjennom Telemark.
Dette bildet er fra Morgedal – et øyeblikk mange husker, men få kjenner hele historien bak.

👉 Les mer her: https://telemarkshistorier.no/historie/fakkeltenning-og-folkefest/

06/02/2026

Me ynskjer å gratulere alle samar med deira nasjonaldag!
Læhkoeh biejjine! Lihkku beivvin!

Skiløping er eit gamalt samisk kulturelement. Ski har vore eit viktig framkomstmiddel på vinteren, under fangst, reingjeting og på reiser. Mykje tydar på at samar var først ute med å bruke korte ski i diagonalgang med to stavar. Hellerissingar frå Zalavruoga viser teikningar med hol på begge sider av spora, og ved nærmare studiar ser ein at samar har bruka diagonalteknikk på flat og motbakke. Ved Vest Telemark museum har vi to samiske skistavar, og på Norsk Skieventyr i Morgedal viser museet fram stolte skitradisjonar, som høyrer til i ein fleire tusen år gamal tradisjon.
Sjekk ut skistav fra samlinga i Digitalt museum: https://digitaltmuseum.org/011025216468/stav
Me ynskjer og arvtakarar i skisporten frå denne lange tradisjonen lukke til i vinter OL 2026.

30/01/2026

Jorunn ynskjer velkomen til museumskafeen på Norsk Skieventyr i helga!
Fredag 30.jan. 15:00 - 17:00: burger, pylse m/brød, kaker og sveler.
Laurdag 31.jan - 12:00 - 17:00: burger, pylse m/brød, suppe, sveler, kaker.
Sundag 1.feb. - 12:00 - 17:00: Viltkarbonade m/lauk, tyttebærrome, poteter og saus kr 249,- Lammeskank m/potetpuré og grønsaker kr 299,- Ishavsrøye m/romesaus, agurksalat og poteter kr 289,-

26/01/2026

Morgedal vinterfestival næmar seg med stormskritt. Sundagen i festivalhelga, den 1. februar, blir det topptur med kjentfolk til Jåfjell i Ordal ⛷️🎿
Start ved Nystaulvatnet som ligg 620 moh. og etter ca. 3,5 kilometer står ein på toppen av Jåfjell, 1060 moh. Det er mogleg å velje fleire ulike alternativ ned att.
Ein må rekne ein bomavgift på kr. 80,-.

Interesserte møtast som planlagt ved Norsk Skieventyr kl. 10.00 for samla transport. Ynskjer du å teste randoneeutstyr, send ein e-post til 👉 [email protected] 😊

Sjekk for øvrig ut heile festivalprogrammet: https://www.facebook.com/events/1097227502616801

21/01/2026

Sondre Norheim frå Morgedal i Telemark var ein einer innan langrenn, alpint og hopp på 1800-tallet. Han var ein av de store pionerane innan moderne skisport og var delaktig i utviklinga av nytt utstyr, særleg skibindingar og telemarksski.

20/01/2026

To kongepokal-vinnarar frå Morgedal utvandra til USA på 1880-talet - og skapte sjølve hoppsporten. Snart kan du sjå utstillinga om brørne Hemmestveit og «Red Wing style»!

I sesongen 2026 skal Norsk Skieventyr vise utstillinga «SKY CRASHERS - Brørne Hemmestveit og Aurora Ski Club of Red Wing».
Rett etter at dei vann kvar sin kongepokal i Husebyrennet - høvesvis i 1886 og 1888 - utvandra brørne Mikkel og Torjus Hemmestveit frå Morgedal til USA.
«Snow-shoeing» (skigåing) og ikkje minst skihopp var heilt ukjende aktivitetar «over there»; det var berre skandinaviske innvandrarar som dreiv med slikt. Mikkel Hemmestveit viste fram kombinert-kunstane sine for alle på vinterkarnevalet i Minneapolis/St. Paul i 1887, og imponerte stort ved å hoppe 11,3 meter i skibakken i småbyen Red Wing, ikkje langt unna.
Entusiasmen for skihopp spreidde seg lynraskt i alle dei «skandinaviske» delstatane. Berre i Minnesota oppstod det 34 skiklubbar i løpet av få år.

I 1888 kom også Torjus Hemmestveit frå Morgedal til USA.
Som medlemmar av Aurora Ski Club of Red Wing blei Mikkel og Torjus USAs første skihopp-stjerner. Verdsrekordane deira på 31,1 (1891) og 31,4 meter (1893) blei ståande heilt til 1905.
Brørne skapte «Red Wing style», ein rak hoppstil utan stav, basert på Sondre Norheim sine Telemarks-hopp ein generasjon tidlegare. Stilen blei verdskjend og utgangspunkt for all hoppsport sidan.
Brørne opplevde både triumfar og tragediar i USA. Mikkel reiste attende til Noreg, medan Torjus blei buande. I 1928 fekk dei Holmenkollmedaljen saman.

Utstillinga vil fortelje amerikansk skihistorie med bilete, gjenstandar og film. Opningstilstelling blir sundag 3. mai. Då blir det også konsert med Ottar Kåsa og Laura Ellestad; «Hardingfela i Nord-Amerika». Høve til å spise middag i mellom. Me kjem tilbake med meir informasjon seinare.

Norsk Skieventyr har ope kl. 10-17 alle dagar mellom 1. mai og 15. september. Me tek i mot gruppebestillingar heile året.