Nordfjord Folkemuseum

12/05/2026

Kom mai du skjønne milde, med mange raude dagar. Vi held ope dei fleste dagar men òg litt stengt:
- 14. mai (Kristi himmelfart): Ope på både Holvikejekta og Folkemuseet kl. 12-16.
- Inneklemt fridag fredag 15. mai? Ope 12-16 begge stadar 👌
- 17. mai: Stengt både Folkemuseum og Holvikejekta

Pinse:
Folkemuseet held stengt heile pinsa, men er ope på Holvikejekta:
Laurdag 23. mai: ope kl. 12-16
Søndag 24. mai: stengt grunna privat arrangement
Måndag 25. mai: ope kl. 12-16

Bortsett frå dette har vi vanlege opningstider i mai - Holvikejekta kl. 12-16 tysdag-søndag, og Folkemuseet tysdag-fredag kl. 12-16 🌸

08/05/2026

I Morritsstova på Nordfjord Folkemuseum står det ein gamal vevstol. Arbeidet som er satt i gong her har blitt påverka av tidas tann og treng no fornying. I løpet av året ønskjer vi å setje i gong eit nytt prosjekt på denne gamle veven, som kan synleggjere noko av arbeidet som tidlegare vart gjort på gardane i distriktet.

I samlingane våre har vi ei stor mengde ryer, nærare bestemt napparyer. Dette er sengeteppe med innvovne filler eller ullnapp. Vi meiner difor det vil vere interessant å nytte denne anledninga til å lage ein forskingsvev, for å lære meir om handverket bak desse gjenstandane. Prosjektet vil innebere prøving og feiling, med mål om å auke kunnskapen og kunne formidle prosessen som ligg bak.

Men før vi kjem så langt må den gamle renninga fjernast, og her ser du museumspedagog Karoline i aksjon med å fjerne den i ekte asmr-stil 👌
Søndag 10. mai skal vi sveipe veven på nytt, saman med Gloppen Husflidslag.

08/05/2026

Frå 2. mai til 30. september er det ope på Holvikejekta! Vi held ope kl. 12-16 tysdag-søndag.

Følg gjerne Holvikejekta på Facebook og Instagram for fleire oppdateringar og glimt frå jektekvardagen ⛵️

Våren er her for fullt og det betyr berre ein ting - sesongopning på Holvikejekta!
Opningstider er tysdag-søndag kl. 12.00-16.00, frå 2. mai til 30. september.

Elles i året er det ope på Holvikejekta i skuleferiane, og på bestilling for grupper og skuleklasser heile året. For meir informasjon, ta kontakt med oss på epost [email protected]

22/04/2026

Våren er komt i friluftsmuseet ☀️ Det betyr at det er klart for fagleg og sosialt påfyll for oss, og torsdag 23. april er museet stengt grunna personalsamling for alle tilsette i Musea i Sogn og Fjordane. Vi er tilbake med vanleg opningstid fredag 24. april - kl. 12-16 🫶

17/04/2026

Søndag 19. april er det klart for ny Museumssøndag på Nordfjord Folkemuseum, og vi får besøk av Therese Nesset som vil halde foredrag om handel i seinmellomalderen. Foredraget startar kl 13.

Kvar fekk bønder varer frå, kven dreiv med handel og kva slags betyding hadde handel for levesett og materiell kultur på gardar i mellomalderen?

Frå 1600-talet fortel skriftlege kjelder om handel, og utviklinga av handelsverksemda, mellom by og bygd – men korleis starta det? Med utgangspunkt i arkeologisk og historisk kjeldemateriale har Therese Nesset, arkeolog og konservator ved De Heibergske Samlinger - Sogn Folkemuseum, forsøkt å finne svar på dette.

Pris: Vaksen: kr. 140,-
Student/Honnør: kr. 110,-
Årskort gjev gratis inngong

16/04/2026

Søndag 19. april er det klart for ny Museumssøndag på Nordfjord Folkemuseum. Vi får besøk av førstekonservator Therese Nesset frå De Heibergske Samlinger - Sogn Folkemuseum, som har forska på handel i seinmellomalderen. Føredraget startar kl. 13.00. Velkommen til oss!

20/03/2026

Årets påskekrim på Nordfjord Folkemuseum "Kven stal postveska?".
30. mars - 1. april.
Meir infromasjon kjem på vår heimeside.

06/03/2026

Søndag 15. mars inviterar vi til Museumssøndag på Nordfjord Folkemuseum.

Visste du at den første jordmorundervisninga i Noreg starta i 1815 i Kristiania, og i 1818 fekk landet eiga jordmorutdanning ved fødselsstiftelsen i Kristiania? Og før den tid kunne norske kvinner reise til Danmark for å få opplæring i jordmorkunsten? Men korleis stod det til i Nordfjord?

Kvifor ville alle gravide ha med seg ein bjørnelabb under fødselen? Kva hadde dei til å hjelpe seg med før sjukehus, lystgass og epidural?

Her vert det bjørnelabbar, pionerkvinner, profesjonalisering av fødselshjelparar og vi har sjølvsagt leita fram nokre driftige damer og gode historier frå nokre av jordmødrene våre i Nordfjord.

Vi får besøk av historikar Annette Langedal Holme som har forska på jordmortenesta i Nordfjord.

Foredraget startar kl. 13.00.

Kafé og utstillingar ope fram til kl. 15.00.

Pris: Vaksne: kr. 140,- | Student/Honnør: kr. 110,- | Årskort gjev gratis inngong.