Bøfjorden Historielag

03/09/2026

Lagar du hobbyprodukt? Noko du vil selje? Har du samlingar å vise fram? Treng du julegåver? Eller har du berre lyst til å sjå samlingar og flotte produkt som andre lagar? Da er HOBBYDAGEN rette tid og stad! Kom og delta - som utstillar, kunde eller publikum. Det blir også Tyrolermusikk, quiz, barneaktiviteter og minst EI overrasking!

02/09/2026

Historielaget inviterer til hobbydag i Bøfjorden:

Skaparevnen er stor. Kvaliteten imponerande. Søndag inviterer museet i Bøfjorden hobbyaktørar og publikum til utstilling, kaffekos og gjerne litt handel.

- Mykje fint blir laga rundt i heimane. Det pregar vår årlege hobbydag, seier historielaget, som tilbyr aktørane gratis stand på museet.

Ønskjer du å bidra med noko på hobbydagen, stille ut/selge produkt kan du ta kontakt med historielaget.

Vel møtt!

28/08/2026

Fyldig program på museet søndag. Attåt dette vil to deltakarar med korte innslag minnast sine møte med no avdøde Kong Harald V.

22/08/2026

MEDISIN er og har vore eit livsviktig gode. Difor er det flott at Kristen Halle «opnar» boka si om Surnadal Apotek som tema på museet i morgon. Ei spennande (og faktisk artig!) historie som på mange måtar angår både deg og meg! Inge er dagens vert. Gerd Anny og Randi ståkar på kjøkenet. Del gjerne!

21/08/2026

Helsebringande apotekhistorie er tema på museet i Bøfjorden komande søndag. Til grunn ligg boka «Surnadals apotek 1925-2025» av dagens kåsør Kristen Halle.

Saman med kona, farmasøyt Anne Grete Flo, bur Kristen på «Apoteket» ved Surnadalsøra - som vart starta i 1925 og var einaste apotek på indre Nordmøre heilt til 1954. I 1987 flytta utsalget til Skei. I dag, som Boots Apotek Surnadal, ligg det på butikksenteret Alti. Og der jobbar no tredje generasjon Flo. Bestefar Rolf starta i Apotekargarden for 60 år sia.

Kristen og familien har teke vare på historia - både fysisk, med sitt «medisinske museum» på loftet, og med eit imponerande arkivarbeid som resulterte i ei fascinerande bok.

Du kan lese meir her: https://www.bofjorden.net/post/apotekhistoria-medisinsk-p%C3%A5-museet?fbclid=Iwb21leAT1F-xjbGNrBPUWjXBkb2YFZXh0bgNhZW0CMTEAc3J0YwZhcHBfaWQMMzUwNjg1NTMxNzI4AAEegx1xy7l8aifvSit1oSgbT_bKD0jMxb5c5UDUIHtCaMH89JNY3wyJftisuMo_aem_iwO56Wg8ygizSgfYhcZhsg

12/08/2026

Start og finale på Stangvikfestivalen vart i år lagt til museet i Bøfjorden – sist tysdag med flott opningskonsert, komande søndag med presentasjon av bok om tonesamlinga etter Kristian Halse.

https://www.trollheimsporten.no/bofjorden-historielag-bofjorden-sjobruksmuseum-historie/bok-og-konsertforedrag/397314

09/08/2026

06/08/2026

Stor VARIASJON pregar søndagens kåseri på Bøfjorden Sjøbruksmuseum. Litt for kvar sin smak, trur vi:
Dampskipa som geniet Anders Kvande bygde.
Skummel historie frå Liavatnet. Og kva grov dei ut oppå Hjelmkona?
Unike EVENTYR frå området vårt - særleg eitt frå Dalabakken! Strandplassen KRÅKÅ var sentrum for bjørnemord og festlege originalar - kanskje også kyrkjekunst?
Enn sengjamatfatet som flaut på land da dampen forliste?
Seglskuter fossar også fram på lerretet - med ramsalte skippersitat.
Og så har Gjertrud og Gunnhild kaffe på kjelen og godsaker attåt!
Det er mesta så ein håpar at det ikkje blir for fint tur-ver denne søndagen ...