14/09/2023
Maxaan Ka Baran Karnaa Abhinandan
Vikram Abhinanadan Varathaman
Waa duuliye sare oo ka kamida ciidanka dal waynaha India khaasatan Ciidanka Cirka ee loo Yaqaan IAF wuxu kasoo jeeda gobolka TAMIL NADU ee dhaca koonfurta india, magalada Chennai Ex Madras ee xarun goboledka ah ayuu ku dhashay, waa duuliye leh Khibrad 16 sano Duuliye ciidan ah.
Abhinandan wuxuu duulinayay diyaarad MIG 21 ah taariikhdu markay ahayd 25 kii bisha 2aad ee sanadkan 2019 ka isagoo kusocday yool iyo waajibaad qaran oo ahaa inuu duqeeyo goobo cayyiman oo ka tirsan dalka ay cadaawada ba’ani kala dhaxayso dalkiisa Ee Pakistan, Sababtuna ay ahayd tuhuno la xiriiray Qaraxii ka dhacay Degmada PALWAMA ee ka tirsan KASHMIR ADMINISTRATION INDIA qaraxaasi oo lagu laayay 42 ka mida Askarta India. Tuhunka qaraxaasi wuxu lugaha lagalay dalka pakistan. Inida na waxay ku eedaysay qaraxasi inay fuliyeen xubno ka tirsan jabhadda Mahamedia Ee dagaalka kula jirta ciidamada India ee Kashmir ku sugan.
Mr Abhinandan VARTHAMAN Intii uu ku guda jiray duulimaadka waxaa diyaaradii uu duulinayay ku burburtay gudaha Pakistan khaasatan Kashmir qaybta Pakistan mamusho sidaa darteed Abhinandan wuxu ka goostay Barashootkii badbaadada wuxuuna isagoo bad qaba kusoo dagay meel kayn ah oo aan ka fogayn saldhig ciidamada Pakistan ku leeyihiin goobtaasi.
Dabadeed na Abhinandan wuxuu galay Gacan cadaw aan laga sugayn bixin iyo badbaadin isagoo dhiig baxaya oo la garaacayo ayuu kasoo muuqday muuqbaahiyaha khasatan Social Media ha. Intaa ka dib waxaa lala yeeshay waraysi su’aalo muuqaal laga duubayay isagoo koob ama bakeeri uu qaxwe ku cabayay gacanta ku sita daganaan na ay ka muuqato jawaabihii uu bixinayay waxa uu ka cudur daaraty su’aalaha qaarkood oo taabanayay qaranimada dalkiisa hooyo ee India. Waana diiday inuu wax sir ciidan ah bixiyo su’aalo badanna waxa uu kaga jawabay ‘’Sorry Sir, I am not supposed to tell you this” Waa ka xumahay mudane kuuma sheegi karo taasi ama su’aasha, Waxay u badnaayeen su alaaha la waydiinayay kuwo bixin kara siro ciidan oo halis ku ah dalkiisa hooyo ee INDIA Waxaa ka mid ahaa inuu faahfaahin ka bixiyo hawlgakuu u socday (Operation Details), sida Meesha Bar Tilmaameedkiisu ahaa, Awaamiirta cidda siisay, iyo Tirada diyaaradaha hawl galka ku wehelinaayay, Commander Abhinandan Varthaman isagoo ka tibaax qaadanaya awaamiirtii lasoo siiyay iyo tababaradiisii ciidan ogsoonna danbi qaran inuu mutaysan karo hadiiba uu bixiyo siro noocaasi oo kale ah Guud ahaanba ganafka ayuu ku dhuftay oo sidii ay cadawgiisu rabeen ugama jawaabin k**ana farxin cadawgiisa ee wuxuu ka farxiyay shacabwaynaha dalkiisa hooyo kuwaasi oo ilaa intii Abhinandan xorriyadiisa helay ku dhawaaqayay erayo ay ka mid ahaayeen Free Abhinandan, Come back Hero IWM.
Shacabka India k**a caajisin inay cadaadis ku saaraan dawladdooda inay awoodda saarto sidii xoog ama xeelad mid uun Abhinandan Dalkiisa ugu soo celin lahayd isagoo huwan sharafta Dalkiisa iyo Dadkiisa dawlada india na dhawaaqii shacabkeeda waa u dhaga nuglaatay, sidaa si lamida ayaa xisbiyada dalka ka jira muxaafid iyo mucaarid ugu guntadeen soo badbaadinta Abhinandan xisbiga talada haya ee Bharatiya Janata party (BJP) ayaa caddeeyay siyaasadooda waxana u hadlay Raysalwasaraha dalka Mr Narandera Modi wuxu shegay inay qasab tahay soo celinta Abhinandan. Si lamida Xisbiga Ugu Awoodda badan mucaaridka Ee Congress party mr Rahul Gandhi ayaa meel fagaaro ah ka sheegay in mucaarad iyo Muxaafid aan loo baahnayn ee loo baahanyahay in qaranimada India Lagu difaaco wadajir iyo isku duubni Abhinandan na uu ka maqan yahay India oo dhan.
Iyadoo dedaalkaasi uu kasocday gudaha india xaaladuna ay adkayd. Ayaa waxa xaalkii halmar is bedelay Markii uu Raysalwasaraha Pakistan Mr Imran Khan ka hadlay barlamanka dalkiisa isagoo si toos u caddeeyay in Abhinandan xorriyadiisa uu dhakhso uhelayo dalkiisa Pakistan na nabad iyo derisnimo diyaar u yahay. Waqtigaa wixii ka danbeeyay India waxay diyaar garow u gashay sidii ay usoo dhowayn lahaayeen wiikkooda ay Billadda qaran ee geesinimo(National Hero) u toleen isagoo gacanta cadawga ku jira.
Hadaba inaga somali ahaan maxaan ka baran karnaa isku duubnida iyo qaranimada ay muujiyeen dadka iyo dawlada india. Iyadoo aan ognahay baylahda dhuleed iyo badeed ee haysata dalkeena hooyo ee somalia, anigu waan masayray ee adiguna ma masyrtay haa haday jawaabtu tahay aan wada jir ugu guntanno soo celinta sharaftidii iyo milgihii dalkeena waa sida kaliya ee aan ku beenin karno damaca shisheeye ee ah inay dhaxlaan dalkeena hooyo oo khayraad badan laga naawilayo.
Wabillahi Towfiiq
Ilaah baa mahadleh
W/Q Abdirisak Abdullahi Yare
