01/26/2026
Эдийн тэнгэр, буюу эрх баялагийг соёрхогч Замбал бурхан бол бидний харамын сэтгэлээр үйлдсэн нүгэл хилэнцийг арилган өлзий хутаг, буяан хураахад тусалдаг Төгс гэгээрсэн Бурхан юм.
Бид ажил дээрээ, бизнес дээрээ, аливаа зорилго тэмүүлэл дээрээ, ямар нэгэн төслүүд дээрээ амжилт гаргахгүй байх гол шалтгаан нь өнгөрсөн болон одоо төрөлд хуримтлагдсан хармын сэтгэлээс шалтгаалсан байдаг.
Яагаад? Хэрэв та “Бурхан надад ягаад ингэж хандаад намайг шийтгэж багаа юм бэ ” гэж бодож байсан бол , яагаад Бурхан чамайг шийтгээд бусдыг шийтгэдэггүй юм бэ? Яагаад Тэр заримыг нь шийтгээд заримыг нь шийтгэдэггүй юм бэ? гэх мэтээр аливаа зүйлийн учир шалтгааныг угаас нь тайлбарлаж чаддаггүй. Аливаа бүх зүйл хувь хүний үйлийн үрээс шалтгаалж зохисгүй эсвэл зохистой үр дагавар гардаг тул үйлийн үрийн талаас харвал бүх зүйл ойлгомжтой байдаг. Хэрэв та Замбал бурханыг ёс уламжлалын дагуу зөв тахин бясалган сэтгэлдээ бүтээн, уншлага, зэргийг чинхүү сэтгэлээр үйлдвээс , Замбал бурхан нь харам сэтгэлийн үйлийн үрийг ариусгах нэг төрлийн гэгээрсэн энерги байдаг. Тэгэхээр Замбал бурхан таньд шууд мөнгө өгдөггүй байх нь. Замбал бурхан таньд баялаг өгдөггүй. Замбал бурхан чамд сайн төсөл, өгдөггүй. Замбал бурхан чамд сайн ажил эсвэл саад барцадыг арилгаж өгдөггүй. Замбал бурхан аливаа үйлсийг тань бүтээхийн тулд түүнд хэрэгтэй буяныг цуглуулахад тусалдаг бөгөөд ямарваа зорисон үйл хэргийг биелүүлэхэд саад болж буй харамын сэтгэлээс үүссэн нүгэл хилэнцийг ариусгахад тусалдаг. Тиймээс, Замбал Бурхан бидний үйл хэрэгт шууд нөлөөлж оролцдог уу? Үгүй. Тиймээс энэ нь Бурхан багшийн шалтгаан ба үр дагаврын сургаалтай зөрчилддөггүй байна . Хэрэв та Замбал бурханыг магтаад таньд эд баялаг шууд өгвөл, энэ нь шалтгаан ба үр дагаврын хуулийг зөрчинө. Бурхан Шагжамуни багш хүртэл бидний амьдралд шууд оролцдоггүй байхад нэг бурхан яаж таны үйлийн үрт оролцож чадна гэж? Логикгүй. Тиймээс, та Замбал бурханы энергитэй холбогдож, Замбал бурханыг бясалган сэтгэлдээ бүтээж , Замбал бурханыг бясалган үйлдвээс , энэ нь таньд илүү их аливаа нөхцөл байдалтай ажиллах билгэ ухаан, хийгээд илүү их нигүүлсэл, илүү их тэвчээр, өөрийн бурууг хүлээн зөвшөөрөх, мөн өөрийн бурууг эргэцүүлэх, гэмших, өөрийн сэтгэлийг ариусгахад тусалдаг байна.
Өнгөрсөн үеийн харамч, хувиа хичээсэн, шуналаас ургасан үйлийг ариусгавал та амжилттай байхад тань улам дөхөм болно. Хэрэв та сүрьеэтэй, халуурч байвал өвчин намдаах эм уухад халуун хэдэн цаг буугаад дахин эргээд ирнэ. Сүрьеэг харин бүрэн арилгах шаардлагатай. Замбал бурхан бол таны асуудлын жинхэнэ уг шалтгааныг арилгадаг, энэ тохиолдолд харамын сэтгэл . Харамын сэтгэл гэдэг зөвхөн мөнгө биш, сэтгэлээрээ харамч байхыг хэлж болно. Бид өөрсийгөө бүрэн хянадаг уу? Бид бүх зүйлийг өөрийнхөөрөө байлгахыг хүсдэг үү? Бид нөхөр эхнэр, найз нөхдөө өөрсдийхөөрөө байлгахыг хүсдэг үү? Бүх зүйл бидний хүссэнээр байх ёстой юу, хэрэв бидэнд таалагдахгүй бол бид хар нүүр гаргаж, зохисгүй үйл гаргадаг уу? Бид бүх зүйлсийг өөрсдийнхөөр маань байхыг хүсдэг, энэ бол харамын сэтгэл юм. Яагаад? Учир нь эцэстээ хичнээн гоё, хичнээн залуу, хичнээн сайхан байсан ч та ганцаараа л үлдэнэ. Тиймээс та Замбал бурханыг бясалгавал энэ төрлийн сэтгэлийн энергийг ариусгаж, та улам нээгдэж, хүмүүсийг өөрийнхөөр нь байлгаж, аливаа зүйлсийг өөр талаас хийж, өөр өнцгөөр харж, илүү өглөгч сэтгэлтэй болно. Өглөг гэдэг зөвхөн мөнгө биш. Энэ бол сэтгэлийн өглөг. Хэрэв та Замбал бурханыг чин сэтгэлээр бясалгавал юу болдог вэ? Таны харамийн сэтгэл хувирч эхэлнэ. Та бусдыг улам өсөн дэвжихийг хүсдэг болно. Таны дургүй аливаа зүйлд та өөрөөр ханддаг болно. Та илүү өглөгч болно. Тэгээд мэдэх үү? Тантай таарахгүй хүмүүс, таныг зовоодог хүмүүс өөрчлөгдөхгүй. Харин та өөрчлөгдөнө.
Та өөрчлөгдвөл, бусад хүмүүс өөрчлөгдөнө. Хэрэв бид үргэлж хүмүүс өөрчлөгдөхийг хүлээвэл, бид бүх амьдралаараа хүлээгээд үхэж болно, бусад хүмүүс хэзээ ч өөрчлөгдөхгүй. Харин бид өөрчлөгдөх боломж арай өндөр. Яагаад бид өөрчлөгдөх ёстой гэж, яагаад бусад өөрчлөгдөж болохгүй гэж? Учир нь та бурханы номыг бясалгадаг тул аливаад билгэ ухаанаар хандах мөн сэтгэлээ номонд дадуулдаг учир өөрийгөө засхад анхаарахад байнга хичээх ёстой. Тиймээс та Замбал бурханыг, тасралтгүй бясалгаваас таны хармын сэтгэл ариусаж, бага шуналтай, бага хувиа хичээсэн болно. Тэгэж чадваас таны аливаа үйлс тань бүтэх өлзий хутаг бүрднэ. Энэ мэт таньд хүмүүс дуртай болж, таньтай хамт аливаа зүйлд хамтрахыг хүснэ. Мөн хүмүүс таныг уучилна, та тэднийг уучилна, та илүү найзтай, илүү туслалцаатай, бага ганцаардалтай, бага сэтгэл гутралтай болно. Мөн та Замбал бурханыг бясалгаснаар өглөгийн буяныг цуглуулдаг. Тиймээс таны хувь тавилан дээшилнэ. Замбал бурханыг бясалгаснаар зөвхөн мөнгө биш, үүнээс илүүг өгдөг. Учир нь Замбал бурхан ертөнцийн тэнгэр сахиус биш бөгөөд төгс гэгээрсэн 10 газрыг туулсан Бурхан билээ. Тиймээс Замбал бурханыг ядам бурхан болгож бясалгаж болдог байна.
ЗАМБАЛ БУРХАНЫ УНШЛАГА
Эдийн тэнгэр, эрх баялагийг соёрхогч Замбал бурхан
Норжи ванчүг ринчэн дэрана шин
Ноджин норчан манбо гүнжи жэ
Жанчог жонви гонбо замба ла
Норлха дэрдэг намла чагцал ло
Эдийн эрх баялагт их эрдэнийг гуу санг эрхшээсэн
Ноджин, Норчан нигууд олон бүгдийн эзэн
Хойд зүгийг тэтгэгч Итгэлт Замбал бурханд
Эдийн тэнгэр хүү сангийн эзэн нигууд дор мөргөмүй
Замбал бурханы тарни:
УМ ЗАМБАЛА ЗАЛЭН ДИЕЭ СУХА
Ерөөл:
Гэван диеэ нүрдү даг
Арьяа замбал дүвжүр най
Дова жигжан малүй ба
Дэеи сала годбар шог
Аяа Буян үүгээр түргэн би
Арьяа Замбал бурхан болоод
Амьтны зовлон нэгийг үлдээлгүй
Арилсан газарт хүргэх болтугай
