Furlan in Comun

Chiama Indicazioni Sito Web

Furlan in Comun – Ufici pe lenghe furlane dal Comun di Udin Parcè?

Il Furlan al è une lenghe che e je “in Comun”: e ven doprade dal Comun di Udin tai siei rapuarts cui citadins e e ven metude “in comun” cun dute la citât, tant che mieç di comunicazion, imprest di informazion e strument di dialic e partecipazion civiche. Par fâ dut chest il Comun di Udin al à inviât il progjet “Furlan in Comun – Sportel pe lenghe furlane dal Comun di Udin”. Chê dal Sportel linguistic e je une des tipologjiis di intervent proviodudis de Leç n. 482 dai 15 di Dicembar dal 1999, Normis in materie di tutele des minorancis linguistichis storichis, par garantî l’ûs de lenghe furlane, dongje di chê taliane, tes aministrazions publichis, soredut tes lôr ativitâts di informazion, di comunicazion e di relazion cui citadins, e plui in gjenerâl cun chê di promovi l’ûs public e sociâl dal furlan. Tal teritori dal Comun di Udin la presince de comunitât linguistiche furlane e je rilevante e ricognossude. La diversitât linguistiche – e tal specific la presince de lenghe furlane – e je un valôr, un dirit e une oportunitât pe societât. Il progjet “Furlan in Comun” al è stât inviât par garantî l’ûs de lenghe furlane, daûr di ce che al è previodût dal articul 6 de Costituzion taliane e de Leç 482/1999, e al dopre lis risorsis finanziariis di pueste pe sô metude in vore.

14/10/2026

🧑‍🏫 La Združenje/Associazione Don Eugenio Blanchini e propon ancje chest an cors gratuits di sloven par fruts (dai 3 ai 12 agns) e adults (nivel principiant e intermedi), cun insegnants di marilenghe slovene. 🇸🇮

ℹ Plui informazions chi sot o contatant la associazion ([email protected] / [email protected] / 0432 732500)

08/10/2026

🎶 Ce sun aial un clime che al cambie? I Bagliori d’Anima a presentin "La suite dai cinc elements": tiere, aghe, aiâr, fûc e presince. Un conciert multimediâl dulà che musiche e imagjins a contin il rapuart tra l’om, la nature e l’ambient in trasformazion. 🌍

📆 Vinars ai 9 di Otubar aes 8 e mieze sore sere tal Centri Culturâl des Graciis, cun jentrade libare.

👉 MusicAzioni al è realizât dal Istitût Ladin Furlan "Pre Checo Placerean", inte suaze dal progjet european RE-ACTIVE.

06/10/2026

🖼️ Doman aes 6 sore sere inte sede de Società Filologica Friulana si scree “Il Segn de Memorie”, une esposizion par imagjins, documents e fotografiis de epoche dedicade ai fumets sul Vaiont e sul taramot dal artist pordenonês Paolo Cossi.

🎤 La gjornaliste Melania Lunazzi e intervistarà l’autôr, fevelant di cualchidun dai episodis di chei avigniments tragjics e lant a scuvierzi lis fasis che a àn puartât ae nassite des dôs graphic novels. Intervai musicâi di Franco Giordani.

👉 La mostre si pues viodile fin ai 6 di Novembar dal lunis al vinars cun chest orari: 10.00-12.30/ 15.00-17.30

02/10/2026

🤩 Cun vuê al scomence SUNS Europe 2026, il festival european des arts in lenghe minorizade!

📆 Cjalait chi ducj i apontaments in program 👉https://www.sunseurope.com/fur/program/

🎵 Sabide ai 10 di Otubar aes 9 di sere intal Teatri Gnûf “Giovanni da Udine” us spiete il concierton finâl cun artiscj dai Paîs Catalans, de Galizie, de Sardegne, dai slovens des valadis dal Nadison, dal Friûl, dal Gales e dal Paîs Basc.

🎫 I biliets a son disponibii te bilietarie dal Teatri o online achì www.vivaticket.com/it/ticket/suns-europe-2026/314785

11/09/2026

Nô o sin pronts...us spietìn fin a domenie in Marcjât Vieri, passait a cjatânus! 💙🦅💛

Cun: ARLeF, Associazion Culturâl Colonos, ASF Associazion Sportive Furlane, CIRF UniUd par Furlan, Glesie Furlane, Informazione Friulana Radio Onde Furlane, Istitût Ladin Furlan "Pre Checo Placerean", KAPPA VU edizioni, L'Orto della Cultura, La Patrie dal Friûl, Nota, Serling, Società Filologica Friulana, Societât Sientifiche e Tecnologjiche Furlane, Teatristabilfurlan, Združenje/Associazione don Blanchini

09/09/2026

🤩 Ancje chest an la Società Filologica Friulana e vierç lis puartis di Palaç Mantica a une schirie di iniziativis inmaneadis inte suaze de rassegne Friuli Doc. Chest al è il program dai events 👇

🗓 Il program complet di Friuli DOC , invezit, lu cjatais su 🔗 https://www.friuli-doc.it/programma/

07/09/2026

🧒 La Biblioteca Civica Vincenzo Joppi e partecipe al program uficiâl di Friuli Doc cun 3 apontaments dedicâts ai plui piçui, par scuvierzi la culture furlane cun zûcs, storiis e fantasie:
▪️ Joibe 10 di Setembar aes 17.00 | Gallo Mario va in città! 🐔
▪️ Vinars 11 di Setembar aes 17.00 | Çiampin, Zampino una primula avventurosa 🌸
▪️ Sabide 12 di Setembar aes 16.30 | Cjace al tesaur in biblioteche! 🕵

🤓 E in plui...par grancj e piçui, vinars aes 6 sore sere te sale Tito Maniacco al sarà presentât SBORF, il zûc di peraulis par furlan. Un gnûf zûc inovatîf par induvinâ e imparâ peraulis furlanis divertintsi. 🦎

Us spietìn! 😉

03/09/2026

Dai 10 ai 13 di Setembar al torne Friuli DOC! ☀
🤩 Ancje chest an, in Marcjât Vieri, o sarìn ancje nô cun 𝐅𝐔𝐑𝐋𝐀𝐍 𝐃𝐎𝐂 - 𝐋𝐚 𝐯𝐞𝐭𝐫𝐢𝐧𝐞 𝐝𝐞 𝐥𝐞𝐧𝐠𝐡𝐞 𝐟𝐮𝐫𝐥𝐚𝐧𝐞 𝐚 𝐅𝐫𝐢𝐮𝐥𝐢 𝐃𝐨𝐜. Un spazi che al met adun ents, associazions e editôrs dal teritori che a promovin la lenghe e la culture furlane (e slovene). 💙🦅

📣 Ma a son des novitâts: la prime e je che o vin un spazi plui grant, e la seconde che o vin preparât un program di events ad hoc!

👉 Dait un cuc chi sot e... passait a cjatânus, us spietìn 😉

Cun: ARLeF, Associazion Culturâl Colonos, ASF Associazion Sportive Furlane, CIRF UniUd par Furlan, Glesie Furlane, Informazione Friulana Radio Onde Furlane, Istitût Ladin Furlan "Pre Checo Placerean", KAPPA VU edizioni, L'Orto della Cultura, La Patrie dal Friûl, Nota, Serling, Società Filologica Friulana, Societât Sientifiche e Tecnologjiche Furlane, Teatristabilfurlan, Združenje/Associazione don Blanchini, Gruppo Folcloristico Stelutis di Udin

31/08/2026

📆 Ultin apontament de rassegne “Poesia e filosofia in Friuli nel secondo Novecento”, sabide ai 5 di Setembar aes 9 sore sere li dal Circolo Nuovi Orizzonti.

📖 Dal poeme di Voltaire sul taramot di Lisbone ai tescj dal poete Leonardo Zanier, ispirâts al Orcolat dal 1976. Riflessions, leturis e improvisazions freestyle cun Daniele Bertacco, Beatrice Bonato, Stefano Rizzardi e DJ Tubet.

👉 Par cure di Società Filosofica Italiana - Sezione FVG. Par informazions: www.sfifvg.eu

27/08/2026

🎭 Une serade di teatri dedicade aes feminis, ae memorie e ae storie dal nestri teritori: il spetacul “LE LEVATRICI DELLA CARNIA” al rive a Udin!

📖 Ispirât cun libertât al libri “Nascere nella cenere” di Barbara Vuano, il spetacul al travierse la memorie des feminis de Cjargne e des comaris, custodis dal savê leât ae nassite, ae cure e ae vite des comunitâts.

📅 Vinars ai 4 di Setembar aes 20.45 te cort di Palaç Morpurgo

👉 Prodot di Le Muse Orfane APS, cun test e regjie di Silvia Lorusso Del Linz. In sene lis atoris Caterina Di Fant, Valentina Rivelli e Caterina Comingio.

Jentrade libare 🆓

Indirizzo

Via Savorgnana, 12
Udine
33100

Telefono

+3904321272074

Sito Web

http://www.comune.udine.it/

Notifiche

Lascia la tua email e sarai tra i primi a sapere quando Furlan in Comun pubblica novità e promozioni. Il tuo indirizzo email non verrà utilizzato per nessun altro scopo e potrai annullare l'iscrizione in qualsiasi momento.

Vuoi che il tuo museo sia in cima alla categoria museo a Udine?