Haugesenteret

25/09/2026

Torsdag 24. september deltok me i gravferda til Bodil Cappelen i Tønsberg domkyrkje. I ei fin minnestund med familie og vener vart det delt mange gode ord om Bodil.

Bodil var ein sentral bidragsytar i etableringa av det som i dag er Haugesenteret. Då Haugesenteret opna i 2014 sa Bodil dette om tydinga til staden:

«Alle grep ein tek for poesien, først og fremst ved å lesa dikt – anten folk gjer det sjølve, eller dei blir lesne for, er av det gode. Det gjev eit blikk inn i ein annan røyndom, og folk kan få andre tankar om sitt eige liv.»

Haugesenteret og Nynorsk kultursentrum takkar Bodil for hennar uvurderlege innsats og lyser fred over hennar minne 🤍

Minneordet vårt om Bodil Cappelen kan lesast via lenka under 🤍

https://www.nynorsk.no/haugesenteret/bodil-cappelen-1930-2026

18/09/2026

💚 Takk til alle som gjorde årets festival til ein poesifest full av lyriske høgdepunkt!

– Med dyktige utøvarar på scena og fleire utselde arrangement, må me seia oss svært nøgde med årets festival, seier museumsleiar ved Haugesenteret Jorid Lekve Eide.

Me ser allereie fram til neste Poesifestival i Ulvik 8.–10. september 2028 📚

👉 Les meir: https://www.nynorsk.no/haugesenteret/lyriske-hoegdepunkt-under-poesifestivalen

15/09/2026

Biletkunstnaren og enkja etter Olav H. Hauge, Bodil Cappelen, døydde måndag 14. september, 96 år gamal.

Cappelen har vore ein sentral pådrivar for å fremja Olav H. Hauge sin forfattarskap både nasjonalt og internasjonalt. Ho var ein uvurderleg bidragsytar i etableringa av Haugesenteret som opna i 2014, og har gjeve museet eit rikt arkiv av bilete, brev, notat og bøker. Ho arbeidde også med å få omsett Hauge til ei rekkje språk, mellom anna svensk, tysk og engelsk.

Etter Hauge sin død i 1994 var Cappelen oppteken av å la den litterære arven etter Hauge koma det offentlege til gode, og jobba vidare med å spreia Hauge si dikting.

I dag går vår varmaste medkjensle til Bodil sin familie, slekt og nære vener 🤍


TEPPET

Vev meg eit teppe, Bodil,
vev det av syner og draumar,
vev det av vind –
Slik at eg, som beduinen, kan
breida det ut når eg bed,
sveipa det um meg
når eg søv,
og kvar morgon ropa:
Bord duka er!
Vev det til
ei kappe
i kulden
til eit segl
på min båt!
– Ein dag skal eg setja meg på teppet
og sigla burt på det
til ei onnor verd.

Olav H. Hauge

Foto: Arkiv Haugesenteret

13/09/2026

P O E S I F E S T I V A L E N 2026🙌
For nokre fine dagar det har vore her i Ulvik!
Takk til alle som ville dele denne helga med oss! Takk til gjester, utøvarar, samarbeidspartnarar, frivillige og kollegaer💚
Me sest att 8. —10. september 2028 🤗🌱

12/09/2026

Den tyrkiske omsetjaren Orhan Tekelioğlu fekk i dag Amboltprisen! 👏
Amboltprisen delast ut av Venelaget Olav H. Hauge til ein person som har gjort mykje for å gjere Hauge si dikting kjent. Tekelioğlu har vore ein framståande formidlar av norsk poesi i Tyrkia. Han har gitt ut to større samlingar med utvalde dikt av Olav H. Hauge på tyrkisk.

Me gratulerer🥳

På biletet: f.v: Amboltprisvinnar Orhan Tekelioğlu og juryleiar Alf Gunnar Eritsland.

Foto: Nynorsk kultursentrum

12/09/2026

P O E S I F E S T I V A L E N💚
God ettermiddag festivaldeltakarar! Me vonar Poesien bidreg til inspirasjon, refleksjon og underhaldning! Nett slik ein Poesifestival skal gjera. Dette kan du få med deg i kveld🙌

Sjå kveldens program i biletet under, eller gå inn på lenka for å sjå meir av Poesifestivalen 2026🌿
Sjå programmet i sin heilskap her: https://www.nynorsk.no/haugesenteret/arets-program-

12/09/2026

P O E S I F E S T I V A L E N🌿
God morgon! Dag to av Poesien er her! Dette kan du få med deg i dag🙌
Sjå dagens program i biletet under, eller gå inn på lenka for å sjå meir av Poesifestivalen 2026🌿
Sjå programmet i sin heilskap her: https://www.nynorsk.no/haugesenteret/arets-program-

11/09/2026

Vinnar av Haugestipendet!💚
Svanhild Amdal Telnes blei tildelt Olav H. Hauge-stipendet for 2026 under opninga av Poesifestivalen i kveld! Juryen skildrar vinnaren som ein poet som arbeider med hugsens glimtvise kvalitetar og avgrensingar; med minnet som fragment, som uskarpe polaroidbilete, utsnitt og detaljar.

– Når ein skriv, er ein mykje oppi sitt eige hovud, og baksar med all den tvilen og motstanden som måtte finst der. Å bli lesen, lyfta fram og heia på, betyr altså ein heil del. Og så er det spesielt kjekt å få ein pris i Hauge sitt namn!, seier stipendvinnar Svanhild Amdal Telnes.

Me gratulerer Svanhild med prisen! 🙌🥳

Sparebanken Norge

Olav H. Hauge-stipendet 2026 til Svanhild Amdal TelnesPoet Svanhild Amdal Telnes blei tildelt Hauge-stipendet for unge diktarar under opninga av Poesifestivalen i Ulvik fredag 11. september for den lyriske forfattarskapen sin.1/1Vinnar av Olav H. Hauge-stipendet, Svanhild Amdal Telnes Mari Tveiti /....

11/09/2026

Poesifestivalen 2026 er i gang!🤩🙌
I dag kan du få med deg dikt, blomar og Hauge, kunstutstilling av Ulvik barnehage, lyrikkseminar med Elin Stengrundet, Fredrik Parelius og Hadle Oftedal, lesing ved Hilde Myklebust og Svanhild Omdal Telnes og mykje meir!

Sjå dagens program i biletet under, eller gå inn på lenka for å sjå meir av Poesifestivalen 2026🌿

Sjå programmet i sin heilskap her: https://www.nynorsk.no/haugesenteret/arets-program-