01/06/2026
ඊයේ අපි ගියා නේ බත් දන්සලකට... 😍😍
මේ දන්සල තිබුණේ Classy Kitchen එකේ ( Swansea , Wales , UK ) ලංකාවේ අපේම පිරිසක් එකතු වෙලා තමයි මේ දන්සලේ වැඩ කටයුතු සංවිධානය කරලා තිබුණේ. මේ දන්සලේ දි දැකපු දෙයක් ඔයාලා එක්ක ශෙයා කරගන්න හිතුන නිසයි මේ හෑල්ල දාන්න හිතුනේ.
දන්සලේදි බෙදලා දුන්නේ බත්, අයිස්ක්රීම් සහ සිසිල් බීම. මේ වගේ රටකදී දන්සැල්, අවුරුදු උත්සව කියන්නේ ලංකාවේ අය බොහොමයක් එකට එකතු වෙන වැඩසටහන්. ඉතින් ඒ වගේම බොහෝ පිරිසක් මේ දන්සලටත් ආවා.
වෙසක් කියන්නේ බෞද්ධ අපට අදාල දිනයක් වුනත් වේල්ස්වල ( Swansea ) හැම ආගමකම, හැම ජාතියකම පිරිස් මේ වැඩේදි එකතු වුනා. මුලින්ම කියන්නම්කෝ මෙනු එක. දුන්තෙල් බත්, පරිප්පු, සෝයා, බෝංචි, පපඩම් කජු මික්චර් එක වගේ දේවල් හරි රසට තිබුණා. කොටින්ම බොන්න වතුර බෝතලය, කන්න හැන්ද ටිශූස් පවා හරි ලස්සනට පිලිවෙලට ඇරේන්ජ් කරලා තිබුණා. විදේශිකයින් විදිහට අපේ පිරිස් මේ වැඩේ සංවිධානය කරනකොට ස්වදේශිකයොත් දන්සැලෙන් කන්න බොන්න එකතු වුනා. ඒ අයටත් මෙහෙම ප්රනීත ආහාර පාන නොමිලේ දෙන එක අමුතු අත්දැකීමක් වෙන්න ඇති අනිවාර්යෙන්ම.
කලින් කීවා වගේම මෙතනදි අපේ රටේ එකතු වුනේ බෞද්ධ ආගමික වැඩසටහනක් විදිහට නෙවෙයි. රටක් විදිහට කියලයි මම දැක්කේ. ද්රවිඩ, මුස්ලිම් සහෝදර පිරිස් පවා කෑම උයන්න වගේම බෙදන්න දායක වුනා. මටත් අවස්ථාවක් ලැබුණා දන්සලේ අයට කෑම පිලිගන්වන්න. ඉතින් මේ ඒ මොහොත මතක් වෙන්න මම ගත්ත ෆොටෝ එක.
ලංකාව ඇතුලෙදි අපි සිංහල අපි බෞද්ධ කියලා අපිව බෙදන්න උත්සාහ කළාට. මේ වගේ රටකට ආවම තමයි තේරුනේ එහෙම බෙදෙනවට වඩා ශ්රී ලංකාව කියන රට විදිහට මිනිස්සු මොන තරම් එකමුතු ද කියලා...
මම
ඉඳුවා
